ꦥꦼꦝꦁꦭꦶꦒꦤ꧀꧉ꦯꦁꦥꦸꦠꦿꦶꦲꦁꦒꦺꦤ꧀ꦤꦶꦥꦸꦤ꧀ꦱꦫꦺꦲꦧꦤ꧀ꦠꦭ꧀ꦭꦤ꧀[...]ꦤꦶꦥꦸꦤ꧀ꦦꦿꦧꦸ Tristan꧉ꦲꦔꦒꦼꦩ꧀ꦱꦼꦱꦸꦥꦺꦲꦼꦩꦱ꧀[...]ꦩꦿꦶꦥꦠ꧀ꦗꦩꦼ[...]ꦥꦼꦥꦫꦶꦁꦔꦶꦥꦸꦤ꧀ꦦꦿꦧꦸ Marc ꦤꦭꦶꦏꦥꦔꦤ꧀ꦠꦺꦤ꧀ꦤꦤ꧀꧈ꦤꦔꦶꦁꦲꦶꦁꦱꦫꦺꦃꦤꦺꦱꦫꦶꦫꦤꦶꦥꦸꦤ꧀ꦏꦼꦫꦱꦔꦼꦠ꧀꧈ꦱꦼꦱꦸꦥꦺꦤꦶꦥꦸꦤ꧀ꦲꦶꦁꦒꦶꦃꦭꦺꦴꦒꦿꦺꦴ꧉ꦱꦺꦴꦫꦺꦴꦠꦶꦁꦱꦸꦂꦪꦲꦶꦁꦏꦁꦩ꧀ꦭꦼꦧꦼꦠ꧀ꦲꦶꦁꦒꦿꦶꦪꦩꦼꦢꦭ꧀ꦱꦱꦼꦭꦱꦼꦭꦤ꧀ꦤꦶꦁꦫꦺꦴꦤꦿꦺꦴꦤ꧀ꦤꦤ꧀ꦲꦶꦁꦏꦁꦩꦶꦤꦺꦴꦁꦏꦥꦪꦺꦴꦤ꧀ꦤꦶꦁꦒꦿꦶꦪꦚꦺꦴꦫꦺꦴꦠ꧀ꦠꦶꦥꦱꦸꦂꦪꦤ꧀ꦤꦶꦥꦸꦤ꧀ꦱꦁꦥꦸꦠꦿꦶ꧈ꦲꦶꦁꦏꦁꦏꦠꦶꦔꦭ꧀ꦥꦼꦛꦏ꧀ꦏꦸꦩꦶꦭꦠ꧀ꦏꦢꦺꦴꦱ꧀ꦲꦺꦱ꧀꧉
꧋ꦲꦤꦸꦗꦸꦱꦠꦸꦁꦒꦶꦭ꧀ꦭꦶꦁꦢꦶꦤ꧀ꦠꦼꦤ꧀꧈ꦩꦤ꧀ꦠꦿꦶꦮꦤꦩꦿꦁꦒꦸꦭ꧀ꦭꦶꦠꦶꦭꦱ꧀ꦱꦶꦁꦠꦶꦪꦁꦮꦺꦴꦤ꧀ꦠꦼꦤ꧀ꦲꦶꦁꦥꦱꦸꦏꦼꦠ꧀ꦠꦤ꧀꧈ꦲꦶꦁꦱꦊꦧꦼꦠ꧀ꦠꦶꦁꦮꦤꦮꦲꦸ꧉ꦢꦺꦤꦺꦠꦶꦭꦱ꧀ꦥꦸꦤꦶꦏꦱꦪꦏ꧀ꦠꦺꦴꦱ꧀ꦱꦶꦥꦸꦤ꧀ꦠꦶꦭꦱ꧀ꦱꦶꦥꦸꦤ꧀ꦦꦿꦧꦸ Tristan ꦭꦤ꧀ꦥꦸꦠꦿꦶ Isolde ꦏꦭꦮꦶꦔꦶꦤꦶꦥꦸꦤ꧀꧈ꦤꦭꦶꦏꦱꦩꦶꦏꦺꦤ꧀ꦢꦼꦭ꧀ꦲꦶꦁꦔꦿꦶꦏꦸ꧉ꦤꦔꦶꦁꦩꦤ꧀ꦠꦿꦶꦮꦤꦧꦺꦴꦠꦼꦤ꧀ꦱꦸꦩꦼꦉꦥ꧀ꦧꦶꦭꦶꦃꦠꦶꦭꦱ꧀ꦮꦲꦸꦠꦶꦭꦱ꧀ꦱꦶꦥꦸꦤ꧀ꦦꦿꦧꦸ Tristan꧈ꦭꦗꦼꦁꦢꦶꦥꦸꦤ꧀ꦠꦸꦫꦸꦠ꧀꧈ꦱꦠꦼꦩꦃꦢꦸꦩꦸꦒꦶꦲꦶꦁꦒꦿꦶꦪꦲꦭꦶꦠ꧀ꦲꦶꦁ[9]ꦠꦼꦔꦃꦲꦶꦁꦮꦤ꧉ꦲꦶꦁꦔꦿꦶꦏꦸꦩꦤ꧀ꦠꦿꦶꦮꦤꦱꦸꦩꦼꦉꦥ꧀ꦦꦿꦧꦸTristan ꦭꦤ꧀ꦱꦁꦥꦸꦠꦿꦶꦱꦩꦶꦱꦮꦼꦏ꧀ꦱꦫꦺ꧉ꦥꦿꦩꦶꦭꦲꦺꦁꦒꦭ꧀ꦭꦗꦼꦁꦮꦁꦱꦸꦭ꧀ꦝꦠꦼꦁꦏꦶꦛꦒꦼꦒꦚ꧀ꦕꦁꦔꦤ꧀꧈ꦲꦮꦶꦠ꧀ꦲꦗꦿꦶꦃꦧꦺꦴꦏ꧀ꦧꦶꦭꦶꦃꦦꦿꦧꦸ Tristan ꦏꦱꦼꦭꦏ꧀ꦮꦸꦔꦸꦲꦩ꧀ꦧꦸꦗꦼꦁꦥꦶꦪꦩ꧀ꦧꦏ꧀ꦏꦶꦥꦸꦤ꧀꧉ꦲꦁꦒꦺꦤ꧀ꦤꦶꦥꦸꦤ꧀ꦭꦸꦩꦗꦼꦁꦱꦶꦥꦠ꧀ꦏꦸꦥꦶꦁ꧈ꦔꦤ꧀ꦠꦺꦴꦱ꧀ꦏꦺꦔꦶꦁꦏꦲꦸꦥꦩꦺꦑꦏꦼꦤ꧀ꦭꦺꦴꦚ꧀ꦗꦺꦴꦁꦩꦶꦩꦶꦱ꧀꧉ꦱꦉꦁꦢꦸꦩꦸꦒꦶꦲꦶꦁꦏꦶꦛꦲꦺꦁꦒꦭ꧀ꦭꦸꦩꦼꦧꦼꦠ꧀ꦝꦠꦼꦁꦲꦶꦁꦏꦫꦠꦺꦴꦤ꧀꧈ꦱꦺꦴꦮꦤ꧀ꦲꦶꦁꦔꦂꦱꦤꦶꦥꦸꦤ꧀ꦱꦁꦦꦿꦧꦸ꧉ꦏꦭꦱꦩꦤ꧀ꦠꦼꦤ꧀ꦱꦁꦦꦿꦧꦸꦥꦶꦤꦸꦗꦸꦱꦶꦤꦶꦮꦏ꧈ꦏꦲꦝꦼꦥ꧀ꦲꦶꦁꦥꦫꦧꦫꦺꦴꦤ꧀ꦏꦭꦺꦫꦺꦃꦲꦤ꧀ꦤꦶꦥꦸꦤ꧀꧈ꦱꦂꦠꦥꦶꦤꦸꦗꦸꦲꦩꦿꦶꦏ꧀ꦱꦥꦿꦏꦮꦶꦱ꧀꧉ꦱꦉꦁꦲꦩꦫꦶꦏ꧀ꦱꦤ꧀ꦤꦶꦝꦠꦼꦁꦔꦶꦥꦸꦤ꧀ꦩꦤ꧀ꦠꦿꦶꦮꦤꦲꦶꦁꦏꦁꦢꦸꦩꦫꦺꦴꦗꦺꦴꦒ꧀ꦠꦤ꧀ꦥꦭꦫꦥꦤ꧀ꦥꦸꦤꦶꦏ꧉ꦯꦁꦤꦠꦲꦺꦁꦒꦭ꧀ꦲꦤ꧀ꦢꦔꦸ꧈ꦥꦔꦤ꧀ꦢꦶꦏꦤ꧀ꦤꦶꦥꦸꦤ꧀꧇ꦲꦺꦃ꧈ꦩꦤ꧀ꦠꦿꦶꦲꦭꦱ꧀꧈ꦲꦤꦲꦥꦢꦺꦤꦺꦱꦶꦫꦱꦺꦴꦮꦤ꧀ꦲꦶꦁꦔꦂꦱꦤꦶꦁꦱꦸꦤ꧀ꦠꦤ꧀ꦥꦭꦫꦥ꧀ꦥꦤ꧀꧈ꦭꦤ꧀ꦩꦤꦺꦃꦲꦥꦩꦸꦭꦤꦺꦭꦏꦸꦤꦶꦫꦏꦠꦺꦴꦤ꧀ꦱꦶꦒꦿꦱꦶꦒꦿ꧈ꦏꦪꦭꦏꦸꦤꦶꦁꦧꦠꦸꦂꦫꦶꦁꦒꦼꦂꦩꦏꦁꦲꦤꦸꦠꦸꦠ꧀ꦠꦶꦲꦱꦸꦲꦱꦸꦏꦁꦲꦔꦺꦴꦥꦾꦏ꧀ꦱꦠꦺꦴꦲꦭꦱ꧀꧉ꦲꦥꦠꦼꦏꦤ꧀ꦤꦶꦫꦲꦶꦁꦏꦺꦤꦺꦲꦸꦒꦲꦉꦥ꧀ꦲꦔ꧀ꦭꦥꦸꦂꦫꦏꦺꦥꦿꦏꦫꦏꦁꦲꦒꦮꦺꦏꦱꦸꦱꦲꦤ꧀ꦤꦶꦫ꧉ꦱꦥꦏꦁꦲꦔꦸꦱꦶꦂꦱꦶꦫꦱꦏꦲꦶꦁꦲꦭꦱ꧀ꦱꦶꦁꦱꦸꦤ꧀꧉ꦯꦁꦤꦠ[...]ꦢꦶꦥꦸꦤ꧀ꦲꦠꦸꦂꦫꦶꦗꦼꦁꦏꦂꦱꦏꦶꦁꦥꦱꦩꦸꦮꦤ꧀꧈ꦩꦂꦒꦶꦩꦤ꧀ꦠꦿꦶꦮꦤꦮꦲꦸꦧꦝꦺꦩꦠꦸꦂꦥꦶꦪꦩ꧀ꦧꦏ꧀ꦏꦤ꧀꧈ꦱꦉꦁꦱꦩ꧀ꦥꦸꦤ꧀ꦥꦶꦪꦩ꧀ꦧꦏ꧀ꦏꦤ꧀꧈ꦩꦤ꧀ꦠꦿꦶꦮꦤꦭꦗꦼꦁꦩꦠꦸꦂ꧇ꦓꦸꦱ꧀ꦠꦶꦏꦮꦸꦭꦩꦼꦤ꧀ꦠꦱ꧀ꦩꦿꦁꦒꦸꦭ꧀ꦭꦶꦦꦿꦧꦸ Tristan ꦏꦭꦶꦪꦤ꧀ꦱꦁꦦꦿꦩꦺꦱ꧀ꦮꦫꦶꦮꦺꦴꦤ꧀ꦠꦼꦤ꧀ꦱꦠꦼꦔꦃꦲꦶꦁꦮꦤ꧈ꦱꦮꦼꦒ꧀ꦱꦩꦶꦱꦫꦺ꧉ꦲꦶꦁꦱꦫꦺꦃꦤꦶꦁꦏꦮꦸꦭꦲꦗꦿꦶꦃꦧꦶꦭꦶꦃꦦꦿꦧꦸ Tristan ꦮꦸꦔꦸ꧈ꦏꦮꦸꦭꦲꦺꦁꦒꦭ꧀ꦭꦗꦼꦁ[10]ꦱꦺꦴꦮꦤ꧀ꦲꦶꦁꦔꦂꦱꦥꦢꦸꦏ꧉
꧋ꦦꦿꦧꦸ Marc ꦔꦤ꧀ꦢꦶꦏ꧇ꦲꦤꦲꦶꦁꦔꦼꦤ꧀ꦢꦶ꧉
꧋ꦩꦤ꧀ꦠꦿꦶꦮꦤꦩꦠꦸꦂꦩꦭꦶꦃ꧇ꦮꦺꦴꦤ꧀ꦠꦼꦤ꧀ꦱꦠꦼꦔꦃꦲꦶꦁꦮꦤ Morois꧉ꦩꦁꦒꦺꦤ꧀ꦱꦊꦧꦼꦠ꧀ꦠꦶꦁꦒꦿꦶꦪꦲꦭꦶꦠ꧀꧈ꦪꦱꦤꦶꦥꦸꦤ꧀ꦥꦶꦪꦩ꧀ꦧꦏ꧀꧈ꦱꦏꦶꦁꦥꦁꦔꦶꦁꦏꦏꦗꦼꦁꦔꦤ꧀ꦭꦤ꧀ꦫꦺꦴꦤꦿꦺꦴꦤ꧀ꦤꦤ꧀꧉ꦩꦤꦮꦶꦥꦢꦸꦏꦧꦝꦺꦩꦊꦱ꧀ꦲꦸꦏꦸꦩ꧀ꦝꦠꦼꦁꦥꦶꦪꦩ꧀ꦧꦏ꧀ꦏꦶꦥꦸꦤ꧀꧈ꦱꦸꦩꦺꦴꦁꦒꦏꦮꦸꦭꦝꦺꦫꦺꦏ꧀ꦏꦏꦼꦤ꧀ꦝꦠꦼꦁꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ꦠꦶꦊꦩ꧀ꦦꦿꦧꦸ Tristan ꦠꦸꦮꦶꦤ꧀ꦱꦁꦦꦿꦩꦺꦱ꧀ꦮꦫꦶꦮꦲꦸ꧉
꧋ꦯꦁꦦꦿꦧꦸꦔꦤ꧀ꦢꦶꦏ꧇ꦲꦶꦪ꧈ꦱꦶꦫꦩꦁꦏꦠ꧀ꦠꦝꦶꦱꦶꦏ꧀꧈ꦲꦔꦼꦤ꧀ꦠꦺꦤ꧀ꦤꦤꦫꦮꦸꦃꦲꦶꦁꦱꦸꦤ꧀꧈ꦲꦤꦲꦶꦁꦢꦭꦤ꧀ꦏꦁꦭꦸꦩꦼꦧꦸꦩꦫꦁꦲꦶꦁꦲꦭꦱ꧀ꦩꦲꦸ꧉ꦥꦺꦴꦩꦲꦗꦧꦫꦶꦧꦶꦤ꧀꧈ꦲꦗꦔꦤ꧀ꦠꦶꦲꦤꦮꦺꦴꦁꦏꦁꦱꦸꦩꦸꦫꦸꦥ꧀꧈ꦲꦮꦶꦠ꧀ꦲꦶꦁꦱꦸꦤ꧀ꦧꦏꦭ꧀ꦠꦶꦤ꧀ꦢꦏ꧀ꦲꦶꦗꦺꦤ꧀꧉ꦏꦗꦧꦲꦶꦏꦸꦱꦶꦫꦧꦏꦭ꧀ꦲꦶꦁꦱꦸꦤ꧀ꦒꦚ꧀ꦗꦂꦲꦼꦩꦱ꧀ꦭꦤ꧀ꦱꦭꦏ꧈ꦱꦥꦶꦫꦥꦤꦸꦮꦸꦤ꧀ꦤꦶꦫꦧꦏꦭ꧀ꦲꦶꦁꦱꦸꦤ꧀ꦥꦫꦶꦁꦔꦶ꧉
꧋ꦩꦤ꧀ꦠꦿꦶꦮꦤꦲꦺꦁꦒꦭ꧀ꦩꦁꦏꦠ꧀꧈ꦲꦔꦼꦤ꧀ꦠꦺꦴꦱ꧀ꦱꦶꦫꦮꦸꦃꦲꦶꦥꦸꦤ꧀ꦱꦁꦤꦠꦮꦺꦴꦤ꧀ꦠꦼꦤ꧀ꦲꦶꦁꦩꦂꦒꦶꦭꦸꦩꦼꦧꦼꦠ꧀ꦝꦠꦼꦁꦲꦶꦁꦮꦤꦩꦺꦴꦫꦺꦴꦲꦶꦱ꧀ꦮꦲꦸ꧉ꦩꦸꦒꦶꦩꦸꦒꦶꦓꦸꦱ꧀ꦠꦶꦄꦭ꧀ꦭꦃꦲꦥꦫꦶꦁꦧꦼꦧꦼꦤ꧀ꦢꦸꦝꦠꦼꦁꦩꦤ꧀ꦠꦿꦶꦮꦤꦲꦶꦁꦏꦁꦲꦮꦺꦴꦤ꧀ꦩꦤꦃꦲꦶꦥꦸꦤ꧀ꦥꦸꦤꦶꦏꦢꦺꦤꦺꦠꦼꦏꦗꦲꦶꦭ꧀꧉ꦲꦶꦁꦮꦶꦁꦏꦶꦁꦥꦫꦩꦲꦺꦴꦱ꧀ꦧꦝꦺꦲꦔꦮꦸꦤꦶꦁꦔꦤ꧀ꦤꦶꦥꦼꦗꦃꦲꦶꦥꦸꦤ꧀ꦩꦤ꧀ꦠꦿꦶꦮꦤꦥꦸꦤꦶꦏ꧈ꦲꦶꦁꦒꦶꦃꦥꦸꦤꦶꦏꦩꦶꦤꦺꦴꦁꦏꦥꦲꦸꦏꦸꦩ꧀ꦩꦤ꧀ꦤꦶꦥꦸꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦢꦢꦺꦴꦱ꧀ꦗꦸꦫꦸꦠꦼꦭꦶꦏ꧀꧉
꧋ꦏꦕꦫꦶꦪꦺꦴꦱ꧀ꦱꦁꦦꦿꦧꦸꦲꦺꦁꦒꦭ꧀ꦝꦮꦸꦃꦲꦚꦝꦶꦪꦑꦏꦼꦤ꧀ꦠꦶꦠꦶꦃꦲꦤ꧀ꦤꦶꦥꦸꦤ꧀꧈ꦭꦗꦼꦁꦠꦼꦝꦏ꧀ꦤꦶꦠꦶꦃꦠꦶꦠꦶꦃꦲꦤ꧀ꦏꦭꦪꦤ꧀ꦲꦔꦁꦒꦂꦥꦼꦝꦁ꧉ꦠꦶꦤ꧀ꦢꦏ꧀ꦏꦶꦥꦸꦤ꧀ꦝꦼꦝꦼꦩꦶꦠ꧀ꦠꦤ꧀ꦱꦲꦠꦤ꧀ꦥꦏꦝꦺꦫꦺꦏ꧀ꦏꦏꦼꦤ꧀ꦲꦶꦁꦲꦧ꧀ꦢꦶꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭ꧉ꦏꦭꦱꦩꦤ꧀ꦠꦺꦤ꧀[11]ꦱꦁꦤꦠꦏꦺꦔꦼꦠ꧀ꦠꦤ꧀ꦤꦭꦶꦏꦲꦚꦼꦥꦼꦁꦲꦶꦁꦏꦁꦥꦸꦠꦿꦏꦥꦺꦤꦏ꧀ꦏꦤ꧀ꦲꦶꦁꦮꦚ꧀ꦕꦶꦢꦭꦸꦫꦸꦩꦶꦪꦶꦤ꧀꧉ꦱꦂꦠꦏꦺꦔꦼꦠ꧀ꦠꦤ꧀ꦝꦠꦼꦁꦱꦼꦩꦸꦤꦶꦥꦸꦤ꧀ꦥꦸꦠꦿꦶ Isolde ꦲꦶꦁꦏꦁꦲꦔꦠꦶꦔꦭ꧀ꦭꦏꦼꦤ꧀ꦱꦔꦼꦠ꧀ꦠꦽꦱ꧀ꦤꦤꦶꦥꦸꦤ꧀ꦝꦠꦼꦁ Tristan꧉ꦩꦤꦮꦶꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦱꦒꦼꦢ꧀ꦩꦿꦁꦒꦸꦭ꧀ꦭꦶꦦꦿꦧꦸ Tristan ꦭꦤ꧀ꦥꦸꦠꦿꦶ Isolde ꦱꦲꦺꦱ꧀ꦠꦸꦧꦝꦺꦢꦶꦥꦸꦤ꧀ꦥꦠꦿꦥ꧀ꦥꦶꦥꦲꦸꦏꦸꦩ꧀ꦩꦤ꧀ꦲꦶꦁꦏꦁꦲꦮꦿꦠ꧀꧈ꦩꦶꦤꦺꦴꦁꦏꦥꦩꦊꦱ꧀ꦱꦶꦁꦕꦶꦢꦿꦤꦶꦥꦸꦤ꧀꧉ꦱꦉꦁꦠꦶꦤ꧀ꦢꦏ꧀ꦏꦶꦥꦸꦤ꧀ꦢꦸꦩꦸꦒꦶꦲꦶꦁꦩꦂꦒꦶꦲꦶꦁꦏꦁꦭꦸꦩꦼꦧꦼꦠ꧀ꦝꦠꦼꦁꦲꦶꦁꦮꦤꦮꦲꦸ꧈ꦭꦗꦼꦁꦥꦫꦶꦁꦝꦮꦸꦃꦝꦠꦼꦁꦩꦤ꧀ꦠꦿꦶꦮꦤꦱꦸꦥꦢꦺꦴꦱ꧀ꦭꦸꦩꦩ꧀ꦥꦃꦫꦸꦩꦶꦪꦶꦤ꧀꧈ꦥꦔꦤ꧀ꦢꦶꦏꦤꦶꦥꦸꦤ꧀꧇ꦲꦺꦃꦩꦤ꧀ꦠꦿꦶꦲꦭꦱ꧀꧈ꦱꦶꦫꦭꦸꦩꦏꦸꦮꦲꦶꦁꦔꦉꦥ꧀꧈ꦲꦶꦁꦱꦸꦤ꧀ꦲꦤꦸꦠ꧀ꦧꦸꦫꦶꦭꦏꦸꦤꦶꦫ꧈ꦤꦔꦶꦁꦢꦶꦪꦺꦁꦒꦭ꧀ꦱꦂꦠꦩꦶꦭꦶꦃꦲꦢꦭꦤ꧀ꦏꦁꦕꦼꦝꦏ꧀ꦝꦺꦮꦺ꧉
꧋ꦯꦁꦤꦠꦭꦤ꧀ꦩꦤ꧀ꦠꦿꦶꦮꦤꦤꦸꦤ꧀ꦠꦼꦤ꧀ꦭꦸꦩꦼꦧꦼꦠ꧀ꦲꦶꦁꦮꦤ꧈ꦭꦩ꧀ꦥꦃꦲꦶꦥꦸꦤ꧀ꦒꦒꦚ꧀ꦕꦁꦔꦤ꧀꧉ꦯꦁꦦꦿꦧꦸꦲꦔꦤ꧀ꦢꦼꦭ꧀ꦭꦏꦼꦤ꧀ꦝꦠꦼꦁꦲꦶꦁꦥꦼꦝꦁꦔꦶꦥꦸꦤ꧀꧈ꦲꦶꦁꦏꦁꦫꦸꦩꦶꦪꦶꦤ꧀ꦱꦩ꧀ꦥꦸꦤ꧀ꦲꦱꦿꦶꦁꦔꦠꦶꦔꦭ꧀ꦭꦏꦼꦤ꧀ꦏꦶꦏꦶꦪꦠ꧀ꦠꦤ꧀ꦤꦶꦥꦸꦤ꧀ꦩꦤꦮꦶꦏꦲꦒꦼꦩ꧀ꦥꦼꦫꦁ꧉ꦩꦶꦭꦭꦗꦼꦁꦏꦠꦫꦶꦏ꧀ꦩꦏ꧀ꦱꦿꦺꦁꦱ꧀ꦮꦫꦤꦶꦥꦸꦤ꧀꧈ꦱꦲꦲꦔꦤ꧀ꦢꦶꦏꦩꦏꦠꦼꦤ꧀꧇ꦪꦺꦤ꧀ꦲꦺꦴꦫꦲꦶꦁꦱꦸꦤ꧀ꦲꦶꦪꦱꦶꦡꦿꦶꦱ꧀ꦠꦤ꧀ꦏꦁꦧꦏꦭ꧀ꦤꦼꦩꦃꦲꦶꦥꦠꦶ꧉ꦎꦱꦲꦸꦥꦩꦶꦦꦿꦧꦸꦡꦿꦶꦱ꧀ꦠꦤ꧀ꦮꦸꦔꦸꦮ꧈ꦱꦭꦃꦱꦠꦸꦁꦒꦭ꧀ꦱꦲꦺꦱ꧀ꦠꦸꦧꦝꦺꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦁꦒꦶꦃꦠꦶꦮꦱ꧀꧉ꦩꦤ꧀ꦠꦿꦶꦮꦤꦭꦗꦼꦁꦩꦠꦸꦂ꧇ꦓꦸꦱ꧀ꦠꦶ꧈ꦱꦥꦸꦤꦶꦏꦱꦩ꧀ꦥꦸꦤ꧀ꦕꦼꦭꦏ꧀꧉
꧋ꦯꦁꦦꦿꦧꦸꦤꦸꦤ꧀ꦠꦼꦤ꧀ꦩꦤ꧀ꦝꦥ꧀꧉ꦠꦶꦠꦶꦃꦲꦤ꧀ꦤꦶꦥꦸꦤ꧀ꦕꦶꦤꦚ꧀ꦕꦁꦲꦶꦁꦏꦗꦼꦁꦲꦒꦼꦁ꧈ꦭꦗꦼꦁꦠꦼꦝꦏ꧀ꦝꦫꦠ꧀꧉ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦢꦔꦸꦢꦸꦩꦸꦒꦶꦲꦶꦁꦒꦿꦶꦪꦲꦭꦶꦠ꧀ꦥꦢꦸꦤꦸꦁꦔꦤ꧀ꦤꦶꦥꦸꦤ꧀ꦦꦿꦧꦸ Tristan ꦭꦤ꧀ꦥꦸꦠꦿꦶ Isolde꧉ꦯꦁꦤꦠꦤꦸꦤ꧀ꦠꦼꦤ꧀ꦭꦸꦏꦂꦩꦤ꧀ꦠꦼꦭ꧀꧉ꦩꦤ꧀ꦠꦿꦶꦮꦤꦧꦝꦺꦲꦤ꧀ꦝꦺꦫꦺꦏ꧀ꦚꦏꦼꦠ꧀ꦠꦶꦒꦿꦶꦪ꧈ꦤꦔꦶꦁꦏꦝꦮꦸꦃꦲꦤ꧀ꦩꦸꦤ꧀ꦢꦸꦂ꧉ꦯꦁꦦꦿꦧꦸꦤꦸꦤ꧀ꦠꦼꦤ꧀ꦭꦸꦩꦼꦧꦼꦠ꧀ꦲꦶꦁꦒꦿꦶꦪꦱꦂꦮꦶꦲꦔꦱ꧀ꦠꦥꦼꦝꦁꦭꦶꦒꦤ꧀꧉ꦥꦼꦝꦁꦱꦩ꧀ꦥꦸꦤ꧀ꦧꦝꦺꦏꦠꦩꦑꦏꦼꦤ꧀꧈ꦮꦸꦱꦤꦏꦁꦒꦼꦏ꧀ꦲꦶꦁꦒꦭꦶꦃ꧈ꦢꦺꦤꦺꦩꦫꦶꦏ꧀ꦱꦤꦶꦮꦺꦴꦤ꧀ꦠꦼꦤ꧀ꦥꦼꦝꦁꦭꦶꦒꦤ꧀ꦲꦶꦁꦏꦁꦲꦔꦼꦊꦠ꧀ꦲꦼꦊꦠ꧀ꦠꦶꦱꦫꦶꦫꦤꦶꦥꦸꦤ꧀ꦱꦁꦥꦸꦠꦿꦶꦏꦭꦶꦪꦤ꧀ꦦꦿꦧꦸ Tristan꧉ꦏꦗꦮꦶꦥꦸꦤꦶꦏꦥꦿꦠꦶꦁꦏꦃꦲꦶꦥꦸꦤ꧀ꦲꦁꦒꦺꦤ꧀ꦤꦶꦁꦠꦶꦊꦩ꧀꧈ꦩꦿꦠꦤ꧀ꦝꦤ꧀ꦤꦶꦱꦲꦺꦤꦶꦁꦏꦭꦏꦸꦮꦤ꧀ꦤꦶꦥꦸꦤ꧀꧉ꦯꦁꦤꦠꦔꦸꦤꦤ꧀ꦢꦶꦏꦩꦏꦠꦼꦤ꧀꧇ꦞꦸꦃ꧈ꦦꦔꦺꦫꦤ꧀ꦏꦁꦩꦲꦲꦒꦸꦁ꧈ꦱꦫꦺꦃꦤꦺꦏꦸꦭꦱꦸꦩꦼꦉꦥ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦩꦏꦠꦼꦤ꧀꧈ꦥꦸꦤꦥꦠꦶꦪꦁꦏꦏꦭꦶꦃꦥꦸꦤꦶꦏꦏꦼꦢꦃꦏꦸꦭꦥꦼꦗꦃꦲꦶ꧉ꦱꦲꦸꦥꦩꦶꦱꦩꦶꦪꦒꦝꦃꦭꦭꦩ꧀ꦥꦃꦲꦤ꧀ꦲꦮꦺꦴꦤ꧀꧈ꦲꦁꦒꦺꦤ꧀ꦤꦶꦥꦸꦤ꧀ꦱꦩꦶꦠꦶꦊꦩ꧀ꦧꦺꦴꦠꦼꦤ꧀ꦧꦝꦺꦏꦲꦼꦊꦠ꧀ꦲꦼꦊꦠ꧀ꦠꦤ꧀ꦥꦼꦝꦁꦭꦶꦒꦤ꧀꧉ꦥꦸꦤꦥꦱꦺꦴꦏ꧀ꦠꦶꦪꦁꦔꦧꦺꦴꦠꦼꦤ꧀ꦱꦩꦶꦱꦸꦩꦼꦉꦥ꧀ꦧꦶꦭꦶꦃꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦩꦿꦠꦤ꧀ꦝꦤ꧀ꦤꦶꦱꦲꦚꦠꦑꦏꦼꦤ꧀ꦉꦱꦶꦏ꧀ꦏꦶꦁꦩꦤꦃꦲꦶꦥꦸꦤ꧀꧉ꦩꦶꦭꦤꦶꦥꦸꦤ꧀ꦏꦸꦭꦲꦶꦁꦒꦶꦃꦧꦺꦴꦠꦼꦤ꧀ꦧꦝꦺꦲꦩꦼꦗꦃꦲꦶꦠꦶꦪꦁꦏꦏꦭꦶꦃꦥꦸꦤꦶꦏ꧉ꦲꦮꦶꦠ꧀ꦩꦤꦮꦶꦏꦸꦭꦥꦼꦗꦃꦲꦤ꧈ꦱꦲꦺꦱ꧀ꦠꦸꦤꦶꦥꦸꦤ꧀ꦢꦸꦫꦏꦱꦔꦼꦠ꧀꧉
꧋(ꦧꦝꦺꦏꦱꦩ꧀ꦧꦼꦠ꧀ꦠꦤ꧀)
