Page:Kajawen 37 1927-09-15.pdf/16

꧋ ꦉꦩ꧀ꦧꦒ꧀ꦒꦶꦥꦸꦤ꧀ꦦꦺꦠꦿꦸꦏ꧀ ꦭꦤ꧀ ꦓꦫꦺꦁ​꧉​ ꦧꦧ꧀꧈​ꦠꦸꦭꦸꦁ​ꦩꦼꦤ꧀ꦛꦸꦁ​꧉​

꧋ꦓꦫꦺꦁ​꧇​ꦮꦛꦛꦶꦛꦃ꧈​ꦠꦿꦸꦏ꧀꧈​ꦏꦺꦴꦮꦺ​ꦩꦼꦤ꧀ꦠꦱ꧀ꦤꦼꦩꦺꦴꦤ꧀ꦤꦶ​ꦲꦥ꧈​ꦕꦲꦾꦩꦸ​ꦏꦛꦶꦏ꧀ꦱꦸꦩꦿꦶꦔꦃ꧈​ꦩꦤ꧀ꦛꦼꦂ​ꦏꦪ​ꦥꦚ꧀ꦕꦸꦂꦫꦤ꧀ꦏꦼꦧꦸꦩ꧀ꦥꦼꦠ꧀ꦠꦤ꧀꧈​ꦲꦥ​ꦩꦼꦤ꧀ꦠꦱ꧀ꦏꦧꦼꦒ꧀ꦗꦤ꧀ꦲꦺꦴꦭꦺꦃ​ꦲꦺꦴꦭꦺꦃꦲꦤ꧀ꦲꦁ​ꦒꦺꦴꦤ꧀ꦩꦸ​ꦚꦼꦧꦿꦺꦴꦠ꧀ꦲꦤ​ꦲꦶꦁ​ꦥꦱꦂ​ꦒꦩ꧀ꦧꦶꦂ꧈​ꦲꦥ​ꦩꦼꦤ꧀ꦠꦱ꧀ꦩꦼꦤꦁ​ꦲꦁ​ꦒꦺꦴꦤ꧀ꦩꦸ​ꦥꦱꦁ​ꦝꦝꦸ꧈​ꦱꦗꦏ꧀ꦏꦺ​ꦠꦼꦏ​ꦩꦺꦱꦩ꧀ꦩꦺꦱꦼꦩ꧀ꦏꦪ​ꦮꦺꦴꦁ​ꦱꦶꦁ​ꦏꦧꦼꦧꦼꦊꦤ꧀꧉​

꧋ꦦꦺꦠꦿꦸꦏ꧀꧇​ꦥꦤ꧀ꦢꦏ꧀ꦮꦩꦸ​ꦪꦺꦤ꧀ꦲꦏꦸ​ꦱꦺꦴꦏ꧀ꦚꦼꦧꦿꦺꦴꦠ꧀꧈​ꦏꦸꦮꦶ​ꦲꦺꦴꦫ​ꦧꦼꦤꦼꦂ​ꦧꦧꦂꦥꦶꦱꦤ꧀꧈​ꦲꦏꦸ​ꦩꦸꦁ​ꦱꦺꦴꦏ꧀ꦤꦶꦠꦶꦥ꧀ꦥꦏꦺ​ꦧꦫꦁ​ꦔꦶꦁ​ꦭꦶꦪꦤ꧀ꦚꦁ​ꦲꦺꦴꦩꦃ​ꦥꦒꦮꦺꦪꦤ꧀ꦏꦤ꧀ꦛꦶ​ꦏꦭꦭꦺꦤ꧀ꦲꦺꦴꦫ​ꦤꦼꦩ꧀ꦧꦸꦁ​ꦩꦫꦁ​ꦱꦶꦁ​ꦢꦸꦮꦺ​ꦝꦶꦱꦶꦏ꧀꧉​ꦩꦸꦁ​ꦒꦸꦃ​ꦲꦤꦤꦺ​ꦲꦏꦸ​ꦲꦺꦴꦭꦺꦃ​ꦏꦧꦼꦒ꧀ꦗꦤ꧀꧈​ꦏꦸꦮꦶ​ꦩꦸꦭ​ꦪ​ꦚꦠ꧈​ꦲꦩꦂꦒ​ꦱꦲꦶꦏꦶ​ꦲꦏꦸ​ꦲꦺꦴꦭꦺꦃ​ꦩꦂꦒ​ꦧꦶꦱꦤꦺ​ꦢꦸꦮꦺ​ꦥꦮꦶꦠ꧀ꦠꦤ꧀ꦏꦁ​ꦒꦺꦴ​ꦔꦶꦔꦸ​ꦲꦶꦮꦏ꧀ꦒꦿꦩꦺꦃ​ꦏꦪ​ꦏꦁ​ꦏꦺꦴꦕꦿꦶꦠꦑꦏꦺ​ꦏꦲꦺ꧉​

꧋ꦓꦫꦺꦁ​꧇​ꦱꦸꦏꦸꦂ꧈​ꦠ꧈​ꦱꦸꦏꦸꦂ꧈​ꦪꦺꦤ꧀ꦏꦺꦴꦮꦺ​ꦮꦶꦱ꧀ꦲꦺꦴꦭꦺꦃ​ꦢꦭꦤ꧀ꦧꦶꦱꦤꦺ​ꦢꦸꦮꦺ​ꦥꦮꦶꦮꦶꦠ꧀ꦠꦤ꧀꧈​ꦲꦏꦸ​ꦩꦺꦭꦸ​ꦲꦤ꧀ꦢꦺꦴꦔꦑꦏꦺ꧈​ꦠꦼꦩ꧀ꦠꦸꦤꦺ​ꦪꦺꦤ꧀ꦲꦤ​ꦧꦼꦒ꧀ꦗꦩꦸ꧈​ꦱꦲꦺꦴꦫ​ꦲꦺꦴꦫꦤꦺ​ꦱꦢꦸꦭꦸꦂ​ꦠꦸꦮ​ꦪ​ꦲꦺꦴꦭꦺꦃ​ꦫꦺꦧꦺꦭ꧀ꦭꦤ꧀꧉​ꦩꦫ​ꦕꦿꦶꦠꦏ꧀ꦤ​ꦚꦁ​ꦲꦏꦸ꧈​ꦏꦥꦿꦶꦪꦺ​ꦢꦭꦤ꧀ꦤꦺ​ꦏꦺꦴꦮꦺ​ꦧꦏꦭ꧀ꦲꦺꦴꦭꦺꦃ​ꦥꦮꦶꦠ꧀ꦠꦤ꧀ꦏꦸꦮꦶ꧉​

꧋ꦦꦺꦠꦿꦸꦏ꧀꧇​ꦏꦺꦴꦮꦺ​ꦫꦏ꧀ꦲꦶꦪ​ꦮꦼꦫꦸꦃ꧈​ꦠ꧈​ꦔꦉꦥ꧀ꦥꦺ​ꦲꦺꦴꦩꦃꦏꦸ​ꦏꦲꦺ​ꦢꦶꦲꦼꦁ​ꦒꦺꦴꦤ꧀ꦤꦶ​ꦮꦺꦴꦁ​ꦄꦫꦧ꧀꧈​ꦏꦧꦂꦫꦺ​ꦝꦼꦩꦼꦤ꧀ꦧꦔꦼꦠ꧀ꦠꦼꦠꦸꦭꦸꦁ​ꦩꦫꦁ​ꦮꦺꦴꦁ​ꦱꦶꦁ​ꦭꦒꦶ​ꦏꦱꦁ​ꦱꦫꦤ꧀ꦲꦸꦠꦮ​ꦏꦏꦸꦫꦁ​ꦔꦤ꧀꧉​ꦭ꧈​ꦭꦒꦶ​ꦢꦶꦤ​ꦩꦶꦁ​ꦒꦸ​ꦏꦁ​ꦏꦥꦸꦁ​ꦏꦸꦂ​ꦏꦶꦪꦶ꧈​ꦲꦏꦸ​ꦤꦼꦩ꧀ꦧꦸꦁ​ꦚꦸꦮꦸꦤ꧀ꦠꦸꦭꦸꦁ​ꦥꦮꦶꦠ꧀ꦠꦤ꧀ꦩꦼꦚꦁ​ꦝꦺꦮꦺꦏ꧀ꦏꦺ꧉​

꧋ꦓꦫꦺꦁ​꧇​ꦪꦃ꧈​ꦲꦠꦶꦏꦸ​ꦏꦺꦴꦏ꧀ꦧꦚ꧀ꦗꦸꦂ​ꦫꦢ​ꦲꦸꦮꦱ꧀꧈​ꦱꦧꦧ꧀ꦭꦸꦩꦿꦃꦲꦺ​ꦲꦤꦏ꧀ꦏꦤ꧀ꦤꦺ​ꦱꦺꦴꦏ꧀ꦲꦧꦺꦴꦠ꧀ꦧꦔꦼꦠ꧀꧉​ꦲꦤꦔꦶꦁ​ꦩꦫ​ꦕꦿꦶꦠꦏ꧀ꦤ​ꦚꦁ​ꦲꦏꦸ꧈​ꦏꦥꦿꦶꦪꦺ​ꦥꦤꦼꦩ꧀ꦧꦸꦁ​ꦩꦸ​ꦚꦁ​ꦮꦺꦴꦁ​ꦄꦫꦧ꧀ꦩꦲꦸ꧉​

꧋ꦦꦺꦠꦿꦸꦏ꧀꧇​ꦲꦸꦠꦁ​ꦩꦿꦺꦴꦤꦺꦴ​ꦏꦸꦮꦶ​ꦲꦺꦴꦫ​ꦔꦁ​ꦒꦺꦴ​ꦲꦤꦏ꧀ꦏꦤ꧀꧈​ꦩꦂꦒ​ꦢꦢꦶ​ꦭꦫꦔꦤ꧀ꦤꦺ​ꦲꦒꦩ꧈​ꦢꦺꦤꦺ​ꦥꦤꦼꦩ꧀ꦧꦸꦁ​ꦏꦸ​ꦚꦁ​ꦮꦺꦴꦁ​ꦄꦫꦧ꧀ꦏꦸꦮꦶ​ꦕꦫ​ꦩ꧀ꦭꦪꦸ꧈​ꦲꦩꦂꦒ​ꦲꦺꦴꦫ​ꦧꦶꦱ​ꦕꦫ​ꦗꦮ​ꦧꦧꦂꦥꦶꦱꦤ꧀꧈​ꦲꦥ​ꦪ​ꦏꦸꦢꦸ​ꦠꦏ꧀ꦠꦶꦫꦺꦴꦑꦏꦺ​ꦲꦺꦴꦩꦺꦴꦁ​ꦕꦫ​ꦩ꧀ꦭꦪꦸ꧉​

꧋ꦓꦫꦺꦁ​꧇​ꦭꦸꦮꦶꦃ​ꦧꦼꦕꦶꦏ꧀ꦠꦶꦫꦺꦴꦏ꧀ꦤ​ꦧꦲꦺ​ꦏꦪ​ꦲꦁ​ꦒꦺꦴꦤ꧀ꦩꦸ​ꦉꦩ꧀ꦧꦸꦒ꧀ꦒꦤ꧀ꦏꦲꦺ꧈​ꦪꦺꦤ꧀ꦕꦫ​ꦩ꧀ꦭꦪꦸ​ꦪ​ꦠꦶꦫꦺꦴꦏ꧀ꦤ​ꦕꦫ​ꦩ꧀ꦭꦪꦸ꧈​ꦥꦽꦭꦸꦤꦺ​ꦲꦏꦸ​ꦧꦺꦤ꧀ꦧꦶꦱ​ꦮꦼꦫꦸꦃ​ꦏꦉꦥ꧀ꦥꦺ​ꦄꦫꦧ꧀ꦩꦲꦸ​ꦏꦤ꧀ꦛꦶ​ꦒꦩ꧀ꦧ꧀ꦭꦁ​꧉​

꧋ꦦꦺꦠꦿꦸꦏ꧀꧇​ꦪ​ꦧꦼꦕꦶꦏ꧀ꦠ꧈​ꦩꦸꦁ​ꦧꦲꦺ​ꦪꦺꦤ꧀ꦲꦤ​ꦏ꧀ꦭꦶꦫꦸꦏꦸ꧈​ꦲꦗ​ꦢꦶꦒꦼꦒꦸꦪꦸ꧈​ꦩꦂꦒ​ꦕꦫ​ꦩ꧀ꦭꦪꦸꦏꦸ​ꦏꦶꦪꦶ​ꦲꦺꦴꦫ​ꦥꦠꦶ​ꦒꦤꦼꦥ꧀꧈​ꦫꦸꦔꦺꦴꦏ꧀ꦤ​ꦪ꧈​ꦩꦁ​ꦏꦺꦤꦺ​ꦥꦤꦼꦩ꧀ꦧꦸꦁ​ꦏꦸ꧇​ꦠꦸꦮꦤ꧀꧈​ꦱꦪꦃ​ꦲꦶꦤꦶ​ꦱꦼꦏꦫꦁ​ꦝꦊꦩ꧀ꦏꦼꦱꦸꦱꦃꦲꦤ꧀ꦧꦼꦱꦂ​ꦱꦼꦏꦭꦶ꧈​ꦏꦧꦂꦤꦃ​ꦠꦸꦮꦤ꧀ꦱꦸꦏ​ꦠꦸꦭꦸꦁ​ꦱꦼꦱꦩꦚ​ꦩꦼꦤꦸꦱꦶꦪꦃ꧈​ꦤꦺꦏ꧀ꦤꦺꦏ꧀ꦏꦺ​ꦠꦸꦮꦤ꧀ꦩꦲꦺꦴ​ꦠꦸꦭꦸꦁ​ꦲꦺꦴꦫꦁ​ꦪꦁ​ꦧꦫꦸ​ꦠꦼꦂꦧꦪꦁ​ꦧꦪꦁ​ꦱꦼꦥꦼꦂꦠꦶ​ꦱꦪ​ꦲꦶꦤꦶ꧉​

꧋ꦓꦫꦺꦁ​꧇​ꦮꦝꦸꦃ​ꦠꦿꦸꦏ꧀꧈​ꦲꦁ​ꦒꦺꦴꦤ꧀ꦩꦸ​ꦕꦫ​ꦩ꧀ꦭꦪꦸ​ꦏꦛꦶ