꧋ꦧꦸꦢꦶꦢꦪꦲꦚꦫꦱ꧀ꦱꦏꦼꦤ꧀ꦭꦫꦺꦱꦼꦏꦺꦴꦭꦃ꧉
꧋ꦔꦶꦁꦒꦶꦭ꧀ꦥꦸꦤꦶꦏꦒꦩ꧀ꦧꦂꦫꦶꦥꦸꦤ꧀ꦥꦫꦭꦫꦺꦱꦼꦏꦺꦴꦭꦃꦲꦶꦁꦏꦁꦱꦩꦶꦢꦶꦥꦸꦤ꧀ꦲꦢꦤ꧀ꦤꦶꦢꦺꦤꦶꦁꦥꦏꦼꦩ꧀ꦥꦭ꧀ꦭꦤ꧀ Ons huis ꦲꦶꦁꦄꦩ꧀ꦱꦼꦠꦼꦂꦝꦩ꧀꧈ꦏꦠꦶꦫꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦥꦁꦒꦺꦤ꧀ꦤꦤ꧀ꦱꦗꦮꦶꦤꦶꦁꦏꦶꦛꦲꦶꦁꦏꦁꦱꦲꦺꦲꦮꦤ꧀ꦤꦶꦥꦸꦤ꧀꧉ꦲꦶꦁꦔꦿꦶꦏꦸꦭꦫꦺꦭꦫꦺꦏꦠꦶꦔꦭ꧀ꦱꦮꦼꦒ꧀ꦱꦩꦶꦱꦶꦤꦲꦸꦲꦁꦒꦿꦗꦶꦏꦗꦼꦁ꧉
꧋ꦱꦩ꧀ꦥꦸꦤ꧀ꦱꦮꦠꦮꦶꦱ꧀ꦢꦔꦸꦲꦶꦁꦄꦩ꧀ꦱꦼꦠꦼꦂꦝꦩ꧀꧈ꦤꦒꦫꦶꦮꦭꦤ꧀ꦢꦶ꧈ꦮꦺꦴꦤ꧀ꦠꦼꦤ꧀ꦥꦏꦼꦩ꧀ꦥꦭ꧀ꦭꦤ꧀ꦤꦩ꧇ Ons huis꧈ꦲꦶꦁꦏꦁꦱꦼꦢꦾꦤ꧀ꦤꦶꦥꦸꦤ꧀ꦲꦩ꧀ꦧꦸꦢꦶꦢꦪ꧈ꦩꦸꦫꦶꦃꦏꦱꦫꦱ꧀ꦱꦤ꧀ꦤꦶꦁꦭꦫꦺꦱꦺꦴꦏꦺꦴꦭꦃꦱꦫꦤꦱꦧꦼꦤ꧀ꦏꦭꦩꦺꦴꦁꦱꦢꦶꦥꦸꦤ꧀ꦠꦶꦫꦃꦲꦏꦼꦤ꧀ꦝꦠꦼꦁꦱꦠꦸꦁꦒꦶꦭ꧀ꦭꦶꦁꦥꦁꦒꦺꦤ꧀ꦤꦤ꧀ꦲꦶꦁꦏꦁꦲꦮꦤꦶꦥꦸꦤ꧀ꦱꦏꦺꦕ꧉ꦢꦺꦤꦺꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦁꦒꦺꦤ꧀ꦤꦤ꧀ꦔꦿꦶꦏꦸ꧈ꦭꦫꦺꦭꦫꦺꦮꦲꦸꦱꦩ꧀ꦥꦸꦤ꧀ꦢꦶꦥꦸꦤ꧀ꦱꦝꦶꦪꦤ꧀ꦤꦶꦒꦿꦶꦪꦲꦶꦁꦏꦁꦲꦒꦼꦁꦔꦶꦥꦸꦤ꧀ꦲꦚꦼꦏꦥ꧀ꦥꦶ꧈ꦥꦸꦤꦥꦩꦭꦶꦃꦥꦏꦫꦔꦤ꧀ꦤꦶꦥꦸꦤ꧀ꦲꦸꦒꦶꦮꦶꦪꦂ꧉ꦩꦤꦮꦶꦥꦶꦤꦸꦗꦸꦥꦫꦭꦫꦺꦭꦫꦺꦱꦼꦏꦺꦴꦭꦃꦥꦸꦤꦶꦏꦱꦩꦶꦏꦊꦉꦱ꧀ꦢꦶꦥꦸꦤ꧀ꦠꦶꦫꦃꦲꦏꦼꦤ꧀ꦩꦿꦶꦏꦸ꧈ꦭꦫꦺꦭꦫꦺꦮꦲꦸꦤꦩꦸꦁꦱꦩꦶꦏꦥꦸꦫꦶꦃꦲꦚꦼꦤꦼꦁꦩꦤꦃꦲꦶꦥꦸꦤ꧀꧈ꦲꦶꦁꦏꦁꦲꦤꦸꦤ꧀ꦠꦸꦤ꧀ꦤꦶꦝꦠꦼꦁꦏꦱꦫꦱ꧀ꦱꦤ꧀ꦤꦶꦁꦧꦢꦤ꧀꧉ꦱꦤꦢꦾꦤ꧀ꦩꦏꦠꦼꦤ꧀ꦤꦲꦶꦁꦒꦶꦃꦩꦼꦏ꧀ꦱꦏꦤ꧀ꦛꦶꦢꦶꦥꦸꦤ꧀ꦲꦸꦭꦠ꧀ꦲꦸꦭꦠ꧀ꦠꦏꦼꦤ꧀ꦢꦺꦤꦶꦁꦱꦭꦃꦱꦠꦸꦁꦒꦶꦭ꧀ꦭꦶꦁꦠꦶꦪꦁꦲꦶꦁꦏꦁꦏꦥꦠꦃꦲꦔꦽꦏ꧀ꦱꦏꦮꦶꦭꦸꦗꦼꦁꦔꦤ꧀ꦤꦶꦁꦥꦫꦭꦫꦺꦮꦲꦸ꧉ꦩꦼꦁꦒꦃꦥꦿꦠꦶꦏꦼꦭ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦱꦲꦺꦱ꧀ꦠꦸꦲꦤꦺꦴꦕꦺꦴꦒ꧀ꦒꦶꦱꦔꦼꦠ꧀ꦝꦠꦼꦁꦭꦩ꧀ꦥꦃꦲꦶꦁꦒꦼꦱꦁꦲꦶꦁꦏꦁꦏꦼꦢꦃꦲꦱꦺꦴꦤ꧀ꦠꦤ꧀ꦱꦤ꧀ꦠꦸꦤ꧀ꦲꦮ꧈ꦲꦮꦶꦠ꧀ꦥꦫꦩꦲꦺꦴꦱ꧀ꦠꦩ꧀ꦠꦸꦱꦩ꧀ꦥꦸꦤ꧀ꦱꦩꦶꦲꦔꦸꦢꦤꦺꦤ꧀ꦤꦶ꧈ꦧꦶꦭꦶꦃꦱꦧꦼꦤ꧀ꦱꦧꦼꦤ꧀ꦲꦶꦁꦏꦶꦛꦲꦒꦼꦁꦥꦸꦤꦶꦏꦲꦮꦤꦶꦥꦸꦤ꧀ꦠꦩ꧀ꦠꦸꦏꦶꦫꦁꦱꦲꦺ꧈ꦗꦭꦂꦫꦤ꧀ꦱꦏꦶꦁꦏꦛꦃꦲꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀꧇ꦎꦠꦺꦴ꧈ꦏꦿꦺꦠ꧈ꦒꦿꦺꦴꦧꦒ꧀꧈ꦭꦤ꧀ꦱꦱꦩꦶꦤꦶꦥꦸꦤ꧀꧈ꦢꦢꦺꦴꦱ꧀ꦩꦤꦮꦶꦥꦫꦭꦫꦺꦭꦫꦺꦱꦼꦏꦺꦴꦭꦃꦲꦶꦁꦏꦁꦥꦽꦭꦸꦔꦶꦤ꧀ꦝꦏ꧀ꦏꦏꦼꦤ꧀ꦱꦼꦱꦼꦫꦥꦤ꧀ꦲꦸꦠꦮꦶꦥꦔꦗꦫꦤ꧀ꦤꦶꦥꦸꦤ꧀ꦱꦏꦶꦁꦒꦸꦫꦸ꧈ꦩꦺꦴꦁꦏꦩꦤꦮꦶꦏꦊꦉꦱ꧀ꦥꦶꦤꦸꦗꦸꦩꦺꦴꦁꦱꦧꦼꦤ꧀ꦠꦺꦂꦲꦸꦠꦮꦶꦩꦺꦴꦁꦱꦲꦶꦁꦏꦁꦏꦶꦫꦁꦱꦏꦺꦕ꧈ꦱꦲꦸꦥꦩꦶꦭꦫꦺꦭꦫꦺꦮꦲꦸꦧꦺꦴꦠꦼꦤ꧀ꦢꦶꦥꦸꦤ꧀ꦗꦒꦶꦏꦱꦫꦱ꧀ꦱꦤ꧀ꦤꦶꦥꦸꦤ꧀꧈ꦲꦶꦁꦔꦿꦶꦏꦸꦠꦩ꧀ꦠꦸꦭꦗꦼꦁꦲꦤꦸꦮꦸꦃꦲꦏꦼꦤ꧀ꦏꦶꦫꦁꦔꦶꦁꦏꦱꦫꦱ꧀ꦱꦤ꧀ꦭꦤ꧀ꦏꦩꦗꦼꦁꦔꦤ꧀ꦤꦶꦥꦸꦤ꧀ꦲꦁꦒꦺꦤ꧀ꦤꦶꦁꦱꦶꦤꦲꦸ꧈ꦲꦩꦶꦭꦥꦽꦭꦸꦱꦔꦼꦠ꧀ꦥꦫꦭꦫꦺꦮꦲꦸꦏꦁꦒꦺꦱꦮꦠꦮꦶꦱ꧀ꦩꦺꦴꦁꦱꦢꦶꦥꦸꦤ꧀ꦠꦶꦫꦃꦲꦏꦼꦤ꧀ꦝꦠꦼꦁꦥꦁꦒꦺꦤ꧀ꦤꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦱꦏꦺꦕꦲꦮꦤꦶꦥꦸꦤ꧀꧉ꦩꦺꦁꦒꦃꦮꦺꦴꦃꦲꦶꦁꦧꦸꦢꦶꦢꦪꦩꦏꦠꦼꦤ꧀ꦥꦸꦤꦶꦏꦲꦒꦼꦁꦱꦔꦼꦠ꧀ꦥꦶꦒꦸꦤꦤꦶꦥꦸꦤ꧀ꦠꦸꦩꦿꦥ꧀ꦏꦱꦫꦱ꧀ꦱꦤ꧀ꦠꦸꦮꦶꦤ꧀ꦏꦩꦗꦼꦁꦔꦤ꧀ꦤꦶꦁꦭꦫꦺ꧈ꦲꦩꦶꦭꦔꦤ꧀ꦠꦺꦴꦱ꧀ꦢꦸꦩꦸꦒꦶꦱꦩꦁꦏꦺꦥꦏꦼꦩ꧀ꦥꦭ꧀ꦭꦤ꧀ Ons huis ꦏꦱ꧀ꦧꦸꦠ꧀ꦔꦶꦁꦒꦶꦭ꧀꧈ꦱꦧꦼꦤ꧀ꦠꦲꦸꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦏꦼꦝꦠ꧀ꦠꦤ꧀ꦱꦃꦲꦔꦶꦤ꧀ꦠꦸꦤ꧀ꦤꦏꦼꦤ꧀ꦭ
