Page:Kajawen 09 1928-02-01.pdf/2

From Wikisource
Jump to navigation Jump to search
This page has not been proofread.

ꦫꦲꦺꦴꦱ꧀ꦗꦮꦶ​

꧋ꦲꦸꦠꦩꦶꦤꦶꦁꦔꦒꦼꦱꦁ꧉​

꧋ꦱꦢꦪꦲꦶꦁꦏꦁꦒꦸꦩꦼꦭꦂꦲꦶꦁꦔꦭꦩ꧀ꦢꦺꦴꦚꦥꦸꦤꦶꦏ꧈ꦏꦗꦮꦶꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦩꦤꦸꦁ​ꦱ꧈​ꦏꦮꦱ꧀ꦠꦤ꧀ꦤꦤ꧀ꦠꦶꦠꦃ꧉​ꦩꦼꦁ​ꦒꦃ​ꦱꦢꦪ​ꦠꦶꦠꦃ​ꦮꦲꦸ​ꦱꦩꦶ​ꦏꦧꦼꦢꦏ꧀ꦧꦼꦢꦏ꧀ꦲꦏꦼꦤ꧀꧈​ꦏꦢꦺꦴꦱ꧀ꦠ​ꦠꦶꦠꦃ​ꦲꦶꦁ​ꦏꦁ​ꦱꦶꦥꦠ꧀ꦧꦺꦴꦠꦼꦤ꧀ꦩꦺꦴꦧꦃꦩꦺꦴꦱꦶꦏ꧀꧈​ꦱꦶꦥꦠ꧀ꦒꦼꦱꦁ​꧈​ꦲꦶꦁ​ꦏꦁ​ꦒꦝꦃ​ꦚꦮ꧈​(ꦱꦢꦪ​ꦏꦼꦮꦤ꧀꧈​ꦱꦂꦠ​ꦩꦤꦸꦁ​ꦱ) enz.

꧋ꦢꦺꦤꦺꦱꦢꦪꦠꦶꦠꦃꦮꦲꦸꦲꦶꦁꦏꦁꦏꦮꦶꦕꦭ꧀ꦭꦸꦲꦸꦂꦥꦶꦪꦩ꧀ꦧꦏ꧀ꦧꦸꦢꦶꦤꦶꦥꦸꦤ꧀ꦤꦩꦸꦁ​ꦩꦤꦸꦁ​ꦱ꧉​ꦱꦂꦠ​ꦱꦢꦪ​ꦠꦶꦠꦃ​ꦱꦤꦺꦱ꧀ꦱꦶꦥꦸꦤ꧀ꦮꦲꦸ​ꦱꦩꦶ​ꦏꦶꦤꦺꦴꦢꦿꦠ꧀ꦠꦏꦼꦤ꧀ꦢꦼꦤꦶꦁ​ꦦꦔꦼꦫꦤ꧀ꦩꦶꦤꦺꦴꦁ​ꦏ​ꦥꦶꦫꦤ꧀ꦠꦺꦴꦱ꧀ꦱꦶꦁ​ꦒꦼꦱꦁ​ꦔꦶꦥꦸꦤ꧀ꦩꦤꦸꦁ​ꦱ​ꦲꦶꦁ​ꦔꦭꦩ꧀ꦢꦺꦴꦚ꧉​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ꧇​ꦒꦸꦱ꧀ꦠꦶ​ꦄꦭ꧀ꦭꦃ​ꦥꦸꦤꦶꦏ​ꦏꦮꦱ꧈​ꦢꦺꦤꦺꦩꦤꦸꦁ​ꦱ​ꦥꦸꦤꦶꦏ​ꦮꦶꦕꦏ꧀ꦱꦤ꧉​ꦏꦸꦮꦱꦤꦶꦁ​ꦦꦔꦼꦫꦤ꧀ꦲꦶꦁ​ꦒꦶꦃ​ꦱꦢꦪ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦒꦸꦩꦼꦭꦂ​ꦥꦸꦤꦶꦏ꧉​ꦢꦺꦤꦺꦏꦮꦶꦕꦏ꧀ꦱꦤꦤ꧀ꦤꦶꦁ​ꦩꦤꦸꦁ​ꦱ꧇​ꦠꦼꦏ​ꦭꦗꦼꦁ​ꦱꦒꦼꦢ꧀ꦩꦱ꧀ꦠꦤ꧀ꦤꦶ​ꦧꦫꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦒꦸꦩꦼꦭꦂ꧈​ꦱꦂꦠ​ꦱꦒꦼꦢ꧀ꦔꦽꦏꦢꦪ꧈​ꦔꦤ꧀ꦠꦺꦴꦱ꧀ꦱꦒꦼꦢ꧀ꦩꦲꦼꦢꦃꦲꦶ​ꦒꦼꦱꦁ​ꦔꦶꦥꦸꦤ꧀꧉​

꧋ꦢꦢꦺꦴꦱ꧀ꦱꦩ꧀ꦥꦸꦤ꧀ꦕꦼꦛꦩꦤꦮꦶꦩꦤꦸꦁꦱꦥꦸꦤꦶꦏꦭꦁꦏꦸꦁ​ꦭꦸꦲꦸꦂ​ꦏꦠꦶꦩ꧀ꦧꦁ​ꦭꦤ꧀ꦠꦶꦠꦃ​ꦱꦤꦺꦱ꧀ꦱꦶꦥꦸꦤ꧀꧉​ꦩꦶꦭ​ꦏꦛꦃ​ꦏꦛꦃꦲꦶꦁ​ꦩꦤꦸꦁ​ꦱ​ꦭꦗꦼꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦏꦢꦸꦤꦸꦁ​ꦔꦤ꧀ꦮꦠꦼꦏ꧀ꦠꦼꦏꦧꦸꦂ꧈​ꦲꦮꦶꦠ꧀ꦱꦏꦶꦁ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦏꦭꦗꦼꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦲꦔꦿꦸꦩꦲꦺꦴꦱ꧀ꦱꦶ​ꦏꦭꦸꦲꦸꦂꦫꦤ꧀ꦤꦶꦥꦸꦤ꧀ꦏꦠꦶꦩ꧀ꦧꦁ​ꦱꦱꦩꦶꦤꦶꦁ​ꦠꦶꦠꦃ꧉​ꦮꦱꦤ​ꦧꦺꦴꦠꦼꦤ꧀ꦲꦺꦔꦼꦠ꧀ꦩꦤꦮꦶ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦮꦲꦸ​ꦢꦸꦩꦢꦺꦴꦱ꧀ꦱꦶꦥꦸꦤ꧀ꦲꦸꦒꦶ​ꦱꦏꦶꦁ​ꦏꦺꦴꦢꦿꦠ꧀ꦠꦶꦁ​ꦲꦾꦁ​ꦲꦓꦸꦁ​꧈​ꦏꦥꦫꦶꦁ​ꦔꦤ꧀ꦏꦧꦼꦒ꧀ꦗꦤ꧀ꦩꦶꦮꦃ​ꦏꦱꦁ​ꦱꦂꦫꦤ꧀꧈​ꦧꦺꦴꦠꦼꦤ꧀ꦧꦼꦢ​ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​ꦱꦸꦂꦪ​ꦠꦸꦮꦶꦤ꧀ꦉꦩ꧀ꦧꦸꦭꦤ꧀꧉​

꧋ꦩꦤꦸꦁꦱꦥꦸꦤꦶꦏꦲꦁꦒꦝꦃꦲꦶꦥꦶꦏꦶꦂꦫꦤ꧀ꦱꦲꦥꦩꦮꦱ꧀ꦱꦤ꧀ꦲꦶꦁ​ꦏꦁ​ꦊꦥꦱ꧀ꦏꦠꦶꦩ꧀ꦧꦁ​ꦭꦤ꧀ꦱꦠꦺꦴ꧉​ꦱꦢꦪ​ꦠꦶꦤ꧀ꦢꦏ꧀ꦠꦤ꧀ꦢꦸꦏ꧀꧈​ꦱꦺꦴꦭꦃ​ꦠꦶꦁ​ꦏꦃ​ꦲꦶꦁ​ꦏꦁ​ꦧꦝꦼ​ꦭꦶꦤꦩ꧀ꦥꦃꦲꦤ꧀꧈​ꦱꦫꦤ​ꦢꦶꦥꦸꦤ꧀ꦩꦤꦃ​ꦫꦸꦩꦶꦪꦶꦤ꧀꧈​ꦱꦢꦪ​ꦥꦤ꧀ꦢꦩꦼꦭ꧀ꦲꦶꦁ​ꦏꦁ​ꦧꦝꦼ​ꦩꦶꦒꦸꦤꦤ꧀ꦤꦶ꧈​ꦧꦺꦴꦠꦼꦤ꧀ꦏꦼꦠꦁ​ꦉꦏꦲꦺꦴꦱ꧀꧈​ꦥꦸꦤꦶꦏ​ꦱꦤꦢꦾꦤ꧀ꦏꦽꦤ꧀ꦠꦼꦒ꧀ꦒꦶꦁ​ꦩꦤꦃꦲꦶꦥꦸꦤ꧀ꦱꦸꦛꦶꦏ꧀ꦲꦤꦤ꧀ꦢꦁ​ꦧ꧀ꦒꦶ꧈​ꦩꦼꦏ꧀ꦱ​ꦢꦶꦥꦸꦤ꧀ꦭꦩ꧀ꦥꦃꦲꦶ​ꦱꦫꦤ​ꦠꦼꦏꦢ꧀꧈​ꦲꦮꦶꦠ꧀ꦧꦝꦼ​ꦩꦶꦒꦸꦤꦤ꧀ꦤꦶ​ꦮꦺꦴꦃꦲꦶꦥꦸꦤ꧀ꦮꦲꦸ꧉​ꦱꦂꦠ​ꦲꦁ​ꦒꦺꦤ꧀ꦤꦶꦥꦸꦤ꧀ꦥꦢꦺꦴꦱ꧀ꦠꦼꦝ​ꦧꦺꦴꦠꦼꦤ꧀ꦏꦁ​ꦒꦼ​ꦱꦢꦶꦤ꧀ꦠꦼꦤ꧀ꦏꦭꦶꦃ​ꦢꦶꦤ꧀ꦠꦼꦤ꧀ꦏꦼꦩꦮꦺꦴꦤ꧀꧈​ꦥꦔꦁ​ꦏꦃꦲꦶꦥꦸꦤ꧀ꦩꦤꦮꦶ​ꦠꦶꦫꦃ​ꦏꦱꦶꦩ꧀ꦥꦼꦤ꧀ꦏꦁ​ꦒꦼ​ꦏꦶꦏꦶꦪꦠꦤ꧀ꦒꦼꦱꦁ​ꦔꦶꦥꦸꦤ꧀ꦲꦶꦁ​ꦱꦤꦺꦱ꧀ꦮꦼꦏ꧀ꦢꦭ꧀꧈​ꦏꦼꦮꦤ꧀ꦥꦸꦤꦶꦏ​ꦲꦸꦒꦶ​ꦲꦁ​ꦒꦝꦃꦲꦶ​ꦥꦶꦏꦶꦂꦫꦤ꧀ꦱꦂꦠ​ꦥꦩꦮꦱ꧀꧈​ꦲꦤꦔꦶꦁ​ꦧꦺꦴꦠꦼꦤ꧀ꦱꦒꦼꦢ꧀ꦱꦩ꧀ꦥꦸꦂꦤ​ꦏꦢꦺꦴꦱ꧀ꦢꦺꦤꦺꦩꦤꦸꦁ​ꦱ꧉

꧋ꦱꦤꦢꦾꦤ꧀ꦩꦤꦸꦁꦱꦮꦲꦸꦱꦩ꧀ꦥꦸꦤ꧀ꦤꦩꦠꦶꦠꦃꦲꦶꦁꦏꦁ​ꦭꦸꦲꦸꦂ​ꦥꦶꦪꦩ꧀ꦧꦏ꧀꧈​ꦲꦤꦔꦶꦁ​ꦩꦤꦮꦶ​ꦢꦶꦥꦸꦤ꧀ꦠꦤ꧀ꦝꦶꦁ​ꦏꦭꦶꦪꦤ꧀ꦱꦱꦩꦶꦤꦶꦁ​ꦩꦤꦸꦁ​ꦱ​ꦲꦸꦒꦶ​ꦧꦼꦢꦧꦼꦢ꧈​ꦮꦺꦴꦤ꧀ꦠꦼꦤ꧀ꦩꦤꦸꦁ​ꦱ​ꦲꦶꦁ​ꦏꦁ​ꦲꦱꦺꦴꦂ​ꦱꦂꦠ​ꦭꦸꦲꦸꦂ​ꦏꦮꦿꦸꦃ​ꦱꦲ​ꦧꦸꦢꦶꦤꦶꦥꦸꦤ꧀꧈​ꦥꦸꦤꦶꦏ​ꦮꦲꦸ​ꦒꦸꦩꦤ꧀ꦠꦸꦁ​ꦱꦏꦶꦁ​ꦥꦔꦗꦂꦫꦤ꧀ꦱꦲ​ꦥꦏꦸꦭꦶꦤꦤ꧀ꦤꦶꦥꦸꦤ꧀꧉​ꦏꦭꦸꦲꦸꦂꦫꦤ꧀ꦤꦶꦁ​ꦩꦤꦸꦁ​ꦱ​ꦥꦸꦤꦶꦏ​ꦱꦏꦶꦁ​ꦒꦒꦥ꧀ꦥꦤꦶꦁ​ꦩꦤꦃ​ꦏꦸꦭ꧈​ꦩꦤꦮꦶ​ꦧꦺꦴꦠꦼꦤ꧀ꦏꦭꦶꦤ꧀ꦠꦸ꧈​ꦤꦩꦸꦁ​ꦒꦸꦩꦤ꧀ꦠꦸꦁ​ꦱꦏꦶꦁ​ꦲꦸꦠꦩꦶꦤꦶꦁ​ꦧꦸꦢꦶꦤꦶꦥꦸꦤ꧀꧉​ꦱꦤꦢꦾꦤ꧀ꦱꦩ꧀ꦥꦸꦤ꧀ꦥꦼꦗꦃ꧈​ꦩꦤꦸꦁ​ꦱ​ꦠꦼꦏ꧀ꦱꦶꦃ​ꦠꦶꦭꦂ​ꦒꦺꦴꦤ꧀ꦢ​ꦲꦶꦁ​ꦏꦁ​ꦲꦁ​ꦒꦩ꧀ꦧꦿꦠ꧀ꦲꦫꦸꦩ꧀꧈​ꦲꦶꦁ​ꦏꦁ​ꦢꦢꦺꦴꦱ꧀ꦥꦺꦴꦕꦥ꧀ꦥꦤ꧀ꦱꦲꦼ꧈​ꦱꦂꦠ​ꦱꦢꦪ​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀꧈​ꦢꦢꦺꦴꦱ꧀ꦠꦸꦠꦸꦭꦢꦤ꧀ꦲꦶꦁ​ꦔꦏꦛꦃ꧉

꧋ꦮꦺꦴꦤ꧀ꦢꦺꦤꦺꦩꦤꦸꦁꦱꦲꦶꦁꦏꦁꦏꦢꦸꦤꦸꦁꦔꦤ꧀ꦧꦸꦢꦶꦲꦸꦠꦩꦶ​ꦮꦲꦸ​ꦏꦧꦼꦏ꧀ꦠ​ꦱꦏꦶꦁ​꧇​

꧑꧇ ꦥꦚ꧀ꦕꦺꦤ꧀ꦱꦏꦶꦁꦝꦝꦱꦂꦫꦶꦥꦸꦤ꧀꧉

꧒꧇ ꦱꦏꦶꦁꦥꦩꦂꦱꦸꦢꦶ꧈ꦲꦶꦁꦒꦶꦃꦥꦸꦤꦶꦏꦲꦚ꧀ꦗꦶꦪꦠ꧀ꦩꦤꦃ