ꦧꦊꦢꦧꦼꦭ꧀ꦧꦺꦴꦠꦼꦤ꧀ꦱꦏꦼꦕ꧉ꦠꦺꦴꦥꦶꦤꦶꦥꦸꦤ꧀ꦏꦭꦶꦠꦼꦤ꧀꧈ꦱꦗꦏꦶꦥꦸꦤ꧀ꦔꦥ꧀ꦭꦶꦏ꧀ꦏꦢꦺꦴꦱ꧀ꦧꦫꦁꦏꦱ꧀ꦭꦼꦩ꧀ꦥꦶꦠ꧀꧉ꦩꦏꦠꦼꦤ꧀ꦲꦸꦒꦶꦱꦺꦴꦭꦃꦠꦶꦁꦏꦲꦶꦥꦸꦤ꧀꧈ꦲꦶꦁꦒꦶꦃꦠꦤ꧀ꦱꦃꦲꦁꦒꦸꦩꦸꦗꦼꦔꦏꦼꦤ꧀ꦏꦼꦩꦮꦺꦴꦤ꧀꧈ꦏꦢꦺꦴꦱ꧀ꦠ꧇ꦭꦩ꧀ꦥꦲꦶꦥꦸꦤ꧀ꦩꦺꦤ꧀ꦛꦺꦏ꧀ꦩꦺꦤ꧀ꦛꦺꦏ꧀ꦲꦱꦸꦏꦸꦩꦼꦢꦭ꧀꧈ꦱꦏꦼꦝꦥ꧀ꦱꦏꦼꦝꦥ꧀ꦩꦮꦶꦢꦶꦥꦸꦤ꧀ꦲꦼꦒꦺꦴꦔꦶ꧇ꦩꦼꦚ꧀ꦕꦺꦴꦭꦺꦴꦠ꧀꧈ꦲꦸꦥꦩꦶꦭꦩ꧀ꦥꦲꦶꦥꦸꦤ꧀ꦮꦲꦸꦏꦼꦔꦶꦔꦏꦱꦼꦫꦠ꧀꧈ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦩꦏꦠꦼꦤ꧀꧇ꦲꦺꦤ꧀ꦛꦺꦏ꧀ꦲꦺꦤ꧀ꦛꦺꦏ꧀꧈ꦲꦺꦤ꧀ꦛꦺꦏ꧀ꦲꦺꦤ꧀ꦛꦺꦏ꧀꧈ꦕꦺꦴꦭꦺꦴꦠ꧀꧉ꦲꦤꦔꦶꦁꦔꦿꦶꦏꦤꦶꦥꦸꦤ꧀ꦲꦶꦁꦒꦶꦃꦭꦸꦕꦸꦱꦔꦼꦠ꧀꧈ꦕꦼꦏꦏꦶꦥꦸꦤ꧀ꦩꦤꦮꦶꦧꦺꦴꦠꦼꦤ꧀ꦩꦿꦶꦏ꧀ꦱꦤꦶꦥꦶꦪꦩ꧀ꦧꦏ꧀꧈ꦏꦶꦤ꧀ꦠꦼꦤꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦱꦒꦼꦢ꧀ꦲꦩꦱ꧀ꦠꦤꦶꦭꦸꦕꦸꦤꦶꦥꦸꦤ꧀ Charlie Chaplin ꦥꦸꦤꦶꦏ꧉ꦲꦤꦔꦶꦁꦲꦶꦁꦏꦗꦮꦺꦤ꧀ꦔꦿꦶꦏꦶꦧꦺꦴꦠꦼꦤ꧀ꦤꦼꦢꦾꦲꦔꦤ꧀ꦝꦫꦏꦼꦤ꧀ꦩꦼꦁꦒꦲꦶꦁꦊꦭꦸꦕꦺꦴꦤꦶꦥꦸꦤ꧀ꦱꦁꦧꦝꦸꦢ꧀ Charlie Chaplin꧈ꦲꦮꦶꦠ꧀ꦠꦸꦩꦿꦥꦶꦥꦸꦤ꧀ꦧꦺꦴꦁꦱꦗꦮꦶ꧈ꦢꦺꦴꦱ꧀ꦧꦺꦴꦠꦼꦤ꧀ꦏꦶꦫꦁꦧꦝꦸꦢ꧀ꦲꦶꦁꦏꦁꦭꦸꦕꦸꦱꦪꦼꦏ꧀ꦠꦺꦴꦱ꧀꧈ꦱꦤꦢꦾꦤ꧀ꦠꦤꦩꦤꦶꦥꦸꦤ꧀ꦧꦺꦴꦠꦼꦤ꧀ꦏꦱꦸꦮꦸꦂꦏꦢꦺꦴꦱ꧀ꦧꦝꦸꦢ꧀ꦲꦶꦁꦠꦤꦃꦄꦩꦼꦫꦶꦏꦃꦏꦱ꧀ꦧꦸꦠ꧀ꦔꦶꦁꦒꦶꦭ꧀꧈ꦏꦢꦺꦴꦱ꧀ꦠ꧇ꦧꦝꦸꦢ꧀ꦲꦧ꧀ꦢꦶꦢꦊꦩ꧀ꦲꦶꦁꦏꦁꦯꦶꦤꦸꦲꦸꦤ꧀ꦲꦶꦁꦯꦸꦫꦏꦂꦠ꧈ꦖꦽꦩꦭꦤ꧀ꦖꦥꦤ꧈ꦥꦸꦤꦶꦏꦏꦧꦫꦶꦥꦸꦤ꧀ꦭꦸꦕꦸꦤꦶꦥꦸꦤ꧀ꦲꦔꦼꦢꦧ꧀ꦲꦺꦢꦧꦶꦱꦪꦼꦏ꧀ꦠꦺꦴꦱ꧀꧉ꦥꦸꦤꦥꦩꦭꦶꦃꦩꦤꦮꦶꦱꦩ꧀ꦥꦸꦤ꧀ꦥꦸꦫꦸꦤ꧀ꦔꦠꦶꦔꦭꦏꦼꦤ꧀ꦱꦺꦴꦭꦃꦠꦶꦁꦏꦲꦶꦥꦸꦤ꧀ꦲꦸꦠꦮꦶꦩꦤꦮꦶꦱꦩ꧀ꦥꦸꦤ꧀ꦥꦸꦫꦸꦤ꧀ꦮꦶꦕꦤ꧀ꦠꦼꦤ꧀꧈ꦠꦶꦪꦁꦧꦺꦴꦠꦼꦤꦏꦥꦶꦁꦏꦼꦭ꧀ꦥꦶꦁꦏꦼꦭ꧀꧈ꦱꦮꦼꦒ꧀ꦔꦠꦶꦔꦭ꧀ꦕꦭꦸꦔꦸꦥ꧀ꦏꦼꦩꦮꦺꦴꦤ꧀꧈ꦱꦩ꧀ꦥꦸꦤ꧀ꦲꦤ꧀ꦢꦢꦺꦴꦱꦏꦼꦤ꧀ꦒꦼꦂꦒꦼꦫꦤ꧀꧈ꦢꦢꦺꦴꦱ꧀ꦕꦼꦏꦏꦶꦥꦸꦤ꧀꧈ꦩꦤꦮꦶꦧꦧ꧀ꦊꦭꦸꦕꦺꦴꦤ꧀ꦏꦼꦩꦮꦺꦴꦤ꧀꧈ꦏꦢꦺꦴꦱ꧀ꦠꦶꦪꦁꦗꦮꦶꦧꦺꦴꦠꦼꦤ꧀ꦥꦽꦭꦸꦔꦸꦪꦁ꧉ꦲꦤꦔꦶꦁꦱꦫꦺꦃꦤꦶꦁ Charlie Chaplin ꦭꦸꦤꦶꦏꦏꦱꦸꦮꦸꦂꦲꦶꦁꦗꦒꦢ꧀꧈ꦏꦢꦺꦴꦱ꧀ꦲꦶꦁꦔꦿꦶꦏꦶꦥꦽꦭꦸꦲꦚꦫꦶꦪꦺꦴꦱꦏꦼꦤ꧀ꦱꦮꦠꦮꦶꦱ꧀꧈ꦩꦼꦁꦒꦃꦲꦱꦭ꧀ꦲꦸꦱꦸꦭ꧀ꦱꦲꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦧꦝꦸꦢ꧀ꦮꦲꦸ꧉ꦩꦏꦠꦼꦤ꧀ꦲꦸꦒꦶꦥꦶꦏꦗꦼꦔꦤꦶꦁꦒꦩ꧀ꦧꦂꦒꦩ꧀ꦧꦂꦲꦶꦁꦏꦁꦏꦩꦲꦶꦤꦏꦼꦤ꧀ꦢꦼꦤꦶꦁꦖꦂꦭꦶꦪꦼꦥꦸꦤꦶꦏ꧉ꦱꦤꦗꦤ꧀ꦒꦩ꧀ꦧꦂꦒꦩ꧀ꦧꦂꦥꦸꦤꦶꦏꦮꦸꦗꦸꦢꦶꦥꦸꦤ꧀ꦤꦩꦸꦁꦮꦂꦤꦶꦧꦼꦧꦚꦺꦴꦭꦤ꧀ꦏꦼꦩꦮꦺꦴꦤ꧀꧈ꦲꦤꦔꦶꦁꦱꦪꦼꦏ꧀ꦠꦺꦴꦱꦶꦥꦸꦤ꧀ꦔꦼꦩꦸꦥꦶꦏꦗꦼꦁꦲꦶꦁꦏꦁꦮꦶꦒꦠꦺꦴꦱ꧀꧉ꦩꦸꦫꦶꦃꦫꦸꦤ꧀ꦠꦸꦠꦶꦥꦸꦤ꧀ꦏꦫꦔꦤ꧀ꦥꦸꦤꦶꦏ꧈ꦭꦁꦏꦸꦁꦫꦸꦩꦶꦪꦶꦤ꧀ꦲꦚꦫꦶꦪꦺꦴꦱꦏꦼꦤ꧀ꦲꦱꦭ꧀ꦲꦸꦱꦸꦭ꧀ꦠꦸꦮꦶꦤ꧀ꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦱꦁꦧꦝꦸꦢ꧀ Charlie Chaplin ꦩꦲꦸ꧉
Charlie Chaplin ꦤꦸꦗꦸꦩꦲꦶꦤ꧀꧉
Charlie Chaplin ꦒꦼꦱꦁꦚꦫꦱꦒꦮꦺꦴꦤ꧀꧉
꧋ꦩꦼꦁꦒꦃꦤꦩꦤꦶꦥꦸꦤ꧀ꦧꦝꦸꦢ꧀ꦮꦲꦸꦲꦶꦁꦏꦁꦱꦗꦠꦶ꧈ꦲꦶꦁꦒꦶꦃꦥꦸꦤꦶꦏ꧇ Charlie Spencer Chaplin ꦥꦸꦤ꧀ꦢꦶꦤꦒꦫꦶꦏꦭꦲꦶꦫꦤꦶꦥꦸꦤ꧀꧈ꦥꦸꦤꦶꦏꦧꦺꦴ
