Page:Kajawen 03 1928-01-11.pdf/13

From Wikisource
Jump to navigation Jump to search
This page has not been proofread.

ꦏꦥꦼꦤ꧀ꦝꦼꦠ꧀꧈​ꦱꦤ꧀ꦝꦔꦤ꧀ꦱꦤ꧀ꦝꦔꦤ꧀ꦲꦶꦁ​ꦏꦁ​ꦏꦢꦺꦏꦺꦏ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦸ​ꦤꦸꦤ꧀ꦠꦼꦤ꧀ꦱꦩꦶ​ꦢꦶꦥꦸꦤ꧀ꦲꦼꦁ​ꦒꦺꦤꦶ꧉​ꦏꦭ​ꦥꦸꦤꦶꦏ​ꦭꦗꦼꦁ​ꦮꦶꦮꦶꦠ꧀ꦲꦤꦧꦸꦃ​ꦒꦺꦴꦁ​ꦱ꧈​ꦏꦝꦁ​ꦏꦝꦁ​ꦩꦿꦒꦠ꧀ꦩꦲꦼꦱ​ꦲꦸꦠꦮꦶ​ꦊꦩ꧀ꦧꦸ꧈​ꦱꦶꦫꦲꦶꦥꦸꦤ꧀ꦥꦔꦤ꧀ꦠꦺꦤ꧀ꦗꦊꦂ​ꦭꦤ꧀ꦲꦺꦱ꧀ꦠꦿꦶ​ꦱꦩꦶ​ꦥꦸꦤ꧀ꦲꦼꦛꦸꦫꦶ​ꦠꦺꦴꦪ​ꦭꦤ꧀ꦠꦶꦔꦤ꧀꧈​ꦢꦼꦤꦼ​ꦠꦶꦫꦲꦤꦶꦁ​ꦠꦺꦴꦪ​ꦲꦶꦁ​ꦭꦤ꧀ꦠꦶꦔꦤ꧀ꦮꦲꦸ​ꦭꦗꦼꦁ​ꦏꦲꦺꦴꦩ꧀ꦧꦺꦏꦏꦼꦤ꧀ꦝꦠꦼꦁ​ꦥꦔꦤ꧀ꦠꦺꦤ꧀ꦏꦭꦶꦃ꧉​ꦢꦭꦸꦤꦶꦥꦸꦤ꧀ꦥꦔꦤ꧀ꦠꦺꦤ꧀ꦭꦗꦼꦁ​ꦏꦥꦁ​ꦒꦶꦲꦏꦼꦤ꧀꧉​ꦏꦭ​ꦥꦁ​ꦒꦶꦲꦶꦥꦸꦤ꧀꧈​ꦥꦔꦤ꧀ꦠꦼꦤ꧀ꦗꦊꦂ​ꦏꦼꦢꦃ​ꦲꦤꦠꦱꦶ​ꦭꦮꦼ​ꦲꦶꦁ​ꦏꦁ​ꦏꦲꦸꦧꦼꦠ꧀ꦲꦸꦧꦼꦠꦏꦼꦤ꧀ꦲꦶꦁ​ꦧꦢꦤꦶꦥꦸꦤ꧀ꦥꦔꦤ꧀ꦠꦺꦤ꧀ꦲꦺꦱ꧀ꦠꦿꦶ​ꦔꦁ​ꦒꦼ​ꦝꦸꦮꦸꦔꦶꦥꦸꦤ꧀꧈​ꦱꦭꦗꦼꦔꦶꦥꦸꦤ꧀ꦥꦔꦤ꧀ꦠꦺꦤ꧀ꦏꦏꦭꦶꦃ​ꦏꦠꦼꦩ꧀ꦠꦺꦴꦏꦏꦼꦤ꧀ꦲꦚ꧀ꦗꦼꦤꦼꦔꦶ​ꦥꦱꦩꦸꦮꦤ꧀ꦮꦲꦸ​ꦔꦤ꧀ꦠꦺꦴꦱ꧀ꦱꦢꦭꦸ​ꦩꦸꦥꦸꦠ꧀꧈​ꦲꦺꦚ꧀ꦗꦶꦔꦶꦥꦸꦤ꧀ꦥꦔꦤ꧀ꦠꦺꦤ꧀ꦏꦼꦏꦭꦶꦃ​ꦱꦩꦶ​ꦩꦔꦁ​ꦒꦼ​ꦱꦤ꧀ꦝꦔꦤ꧀ꦠꦼꦤꦸꦤꦤ꧀ꦲꦶꦁ​ꦏꦁ​ꦏꦢꦢꦼꦏꦏꦼꦤ꧀ꦱꦢꦶꦤ꧀ꦠꦼꦤ꧀ꦏꦢꦺꦴꦱ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦕꦫꦶꦪꦺꦴꦱꦏꦼꦤ꧀ꦲꦶꦁ​ꦔꦶꦁ​ꦒꦶꦭ꧀꧈​ꦱꦲ​ꦥꦔꦁ​ꦒꦼ​ꦠꦼꦤꦸꦤꦤ꧀ꦮꦲꦸ​ꦭꦗꦼꦁ​ꦏꦱꦶꦩ꧀ꦥꦼꦤ꧀ꦏꦁ​ꦒꦼ​ꦱꦭꦩꦶ​ꦭꦩꦶꦤꦶꦥꦸꦤ꧀ꦩꦶꦤꦺꦴꦁ​ꦏ​ꦗꦶꦩꦠ꧀꧉​ꦩꦏꦠꦼꦤ꧀ꦕꦫꦶꦪꦺꦴꦱꦶꦥꦸꦤ꧀ꦠꦶꦪꦁ​ꦑꦭꦁ​ꦩꦤꦮꦶ​ꦒꦝꦃ​ꦢꦩꦼꦭ꧀ꦩꦤ꧀ꦠꦸ꧉ ꧋ꦱꦩꦁꦏꦼꦕꦫꦕꦫꦤꦶꦥꦸꦤ꧀ꦩꦤꦮꦶꦮꦺꦴꦤ꧀ꦠꦼꦤ꧀ꦠꦶꦪꦁꦏꦱꦥꦲꦤ꧀꧉ ꧋ꦩꦤꦮꦶꦮꦺꦴꦤ꧀ꦠꦼꦤ꧀ꦱꦭꦃꦱꦠꦸꦁꦒꦶꦭꦶꦁꦏꦸꦭꦮꦂꦒꦤꦶꦥꦸꦤ꧀ꦠꦶꦭꦂ꧈​ꦥꦔꦁ​ꦒꦼꦤꦶꦥꦸꦤ꧀ꦏꦸꦭꦮꦂꦒ​ꦲꦶꦁ​ꦏꦁ​ꦠꦶꦭꦂ​ꦱꦲ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦭꦩꦶ​ꦭꦩꦶ꧈​ꦱꦱꦩ꧀ꦥꦸꦤꦶꦥꦸꦤ꧀ꦭꦪꦺꦴꦤ꧀ꦏꦥꦼꦠꦏ꧀꧈​ꦭꦗꦼꦁ​ꦏꦧꦼꦱ꧀ꦩꦶ​ꦲꦶꦁ​ꦢꦶꦤ꧀ꦠꦼꦤ꧀ꦥꦸꦤꦶꦏ​ꦲꦸꦒꦶ꧉​ꦢꦺꦤꦺꦥꦔꦁ​ꦒꦼ​ꦲꦶꦁ​ꦏꦁ​ꦲꦺꦁ​ꦒꦭ꧀ꦲꦺꦁ​ꦒꦭ꧀꧈​ꦥꦸꦤꦶꦏ​ꦲꦶꦁ​ꦒꦶꦃ​ꦱꦩꦶ​ꦏꦧꦼꦱ꧀ꦩꦶ꧈​ꦲꦤꦔꦶꦁ​ꦏꦭ​ꦚꦺꦮꦸ​ꦢꦶꦤ꧀ꦠꦼꦤꦶꦥꦸꦤ꧀꧉​ ꧋ꦏꦗꦮꦶꦥꦸꦤꦶꦏꦝꦮꦲꦶꦁꦠꦶꦒꦁꦢꦶꦤ꧀ꦠꦼꦤ꧀ꦲꦸꦠꦮꦶꦥꦶꦠꦸ​ꦢꦶꦤ꧀ꦠꦼꦤꦶꦥꦸꦤ꧀ꦏꦮꦺꦴꦤ꧀ꦠꦼꦤꦏꦼꦤ꧀ꦮꦶꦭꦸꦗꦼꦔꦤ꧀꧉​ꦱꦮꦼꦤꦺꦲꦶꦁ​ꦠꦶꦪꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦚꦫꦶꦪꦺꦴꦱꦏꦼꦤ꧀꧈​ꦧꦶꦭꦶꦃ​ꦝꦮꦲꦶꦁ​ꦱꦺꦮꦸ​ꦢꦶꦤ꧀ꦠꦼꦤꦶꦥꦸꦤ꧀ꦱꦺꦴꦏ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦩ꧀ꦧꦼꦱ꧀ꦩꦶ​ꦒꦺꦴꦭꦺꦏ꧀ꦏꦗꦼꦁ​꧈​ꦲꦶꦁ​ꦏꦁ​ꦲꦶꦁ​ꦒꦶꦭꦶꦥꦸꦤ꧀ꦱꦠꦸꦁ​ꦒꦭ꧀ꦔꦤ꧀ꦠꦺꦴꦱ꧀ꦏꦭꦶꦃ​ꦠꦼꦔꦃ​ꦏꦏꦶ꧉​ꦩꦶꦤꦺꦴꦁ​ꦏ​ꦒꦒꦩ꧀ꦧꦫꦤꦶꦥꦸꦤ꧀ꦏꦸꦭꦮꦂꦒ​ꦲꦶꦁ​ꦏꦁ​ꦠꦶꦭꦂ​ꦮꦲꦸ꧉​ꦏꦗꦮꦶ​ꦏꦭꦶꦃ​ꦥꦿꦏꦮꦶꦱ꧀ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀꧈​ꦮꦺꦴꦤ꧀ꦠꦼꦤ꧀ꦩꦭꦶꦃ​ꦕꦕꦿꦶꦪꦺꦴꦱꦚ꧀ꦕꦕꦿꦶꦪꦺꦴꦱꦤ꧀ꦧꦧ꧀ꦕꦫ​ꦕꦫꦤꦶꦥꦸꦤ꧀ꦠꦶꦠꦶꦪꦁ​ꦑꦭꦁ​ꦲꦶꦁ​ꦏꦁ​ꦱꦪꦼꦏ꧀ꦠꦺꦴꦱ꧀ꦔꦤꦺꦃ​ꦲꦤꦺꦲꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​ꦏꦁ​ꦲꦚꦫꦶꦪꦺꦴꦱꦏꦼꦤ꧀꧈​ꦧꦶꦭꦶꦃ​ꦠꦶꦠꦶꦪꦁ​ꦑꦭꦁ​ꦥꦸꦤꦶꦏ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦱꦿꦶꦁ​ꦲꦤꦼꦩ꧀ꦧꦃ​ꦝꦠꦼꦁ​ꦉꦕ​ꦏꦗꦼꦁ​ꦲꦶꦁ​ꦏꦁ​ꦲꦮꦂꦤꦶ​ꦱꦒꦮꦺꦴꦤ꧀꧈​ꦩꦭꦃ​ꦏꦧꦫꦶꦥꦸꦤ꧀ꦉꦕ​ꦏꦗꦼꦁ​ꦮꦲꦸ​ꦲꦶꦁ​ꦒꦶꦃ​ꦱꦺꦴꦏ꧀ꦏꦁ​ꦒꦼ​ꦚꦸꦩ꧀ꦥꦃ​ꦧꦫꦁ​꧉​ꦥꦸꦤꦥ​ꦉꦕ​ꦉꦕ​ꦮꦲꦸ​ꦲꦮꦂꦤꦶ​ꦱꦼꦒꦮꦺꦴꦤ꧀ꦱꦪꦼꦏ꧀ꦠꦺꦴꦱ꧀꧈​ꦥꦸꦤꦶꦏ​ꦢꦺꦫꦺꦁ​ꦏꦱꦸꦩꦼꦉꦥꦤ꧀ꦏꦤ꧀ꦛꦶ​ꦚꦠ꧈​ꦲꦤꦔꦶꦁ​ꦏꦧꦫꦶꦥꦸꦤ꧀ꦩꦶꦭ​ꦲꦶꦁ​ꦒꦶꦃ​ꦪꦼꦏ꧀ꦠꦺꦴꦱ꧀꧈​ꦧꦶꦭꦶꦃ​ꦠꦶꦠꦶꦪꦁ​ꦑꦭꦁ​ꦩꦤꦮꦶ​ꦲꦤꦶꦤ꧀ꦢꦏꦏꦼꦤ꧀ꦥꦸꦤꦥ​ꦥꦸꦤꦥ​ꦲꦶꦁ​ꦏꦁ​ꦒꦒꦪꦸꦠꦤ꧀ꦏꦭꦶꦪꦤ꧀ꦲꦒꦩꦶꦤꦶꦥꦸꦤ꧀꧈​ꦥꦸꦤꦶꦏ​ꦲꦱꦿꦶꦁ​ꦩꦶꦒꦸꦤꦏꦏꦼꦤ꧀ꦉꦕ​ꦏꦗꦼꦁ​ꦒꦺꦥꦺꦁ​ꦲꦶꦁ​ꦏꦁ​ꦏꦤꦩꦏꦏꦼꦤ꧀꧇​ꦥꦸꦱ꧀ꦥ​ꦒꦩ꧀ꦧꦂ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦩꦤꦮꦶ​ꦏꦊꦉꦱ꧀ꦮꦶꦭꦸꦗꦼꦔꦶ​ꦠꦶꦪꦁ​ꦥꦼꦗꦃ꧉​ꦩꦤꦮꦶ​ꦏꦩꦤꦃ​ꦏꦤ꧀ꦛꦶ​ꦥꦚ꧀ꦗꦁ​꧈​ꦩꦶꦭ​ꦲꦶꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦊꦉꦱꦶꦥꦸꦤ꧀꧈​ꦧꦶꦭꦶꦃ​ꦠꦸꦮꦸꦲꦶꦁ​ꦕꦕꦿꦶꦪꦺꦴꦱꦚ꧀ꦕꦕꦿꦶꦪꦺꦴꦱꦤ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦏꦊꦧꦼꦠ꧀ꦤꦭꦂ​ꦮꦲꦸ꧈​ꦗꦭꦫꦤ꧀ꦱꦏꦶꦁ​ꦱꦼꦱꦼꦔꦶꦠꦤ꧀ꦲꦮꦶꦠ꧀ꦩꦤꦮꦶ​ꦏꦠꦶꦠꦶꦏ꧀ꦲꦶꦁ​ꦗꦩꦤ꧀ꦏꦶꦤꦤꦶꦥꦸꦤ꧀꧈​ꦠꦶꦠꦶꦪꦁ​ꦑꦭꦁ​ꦥꦸꦤꦶꦏ​ꦲꦩꦶꦭ​ꦧꦺꦴꦠꦼꦤ꧀ꦥꦸꦫꦸꦤ꧀ꦠꦸꦠꦸꦁ​ꦒꦶꦭꦤ꧀ꦏꦭꦶꦲꦤ꧀ꦠꦶꦪꦁ​ꦙꦮꦶ꧈​ꦱꦲ​ꦩꦁ​ꦒꦺꦤꦶꦥꦸꦤ꧀ꦲꦶꦁ​ꦒꦶꦃ​ꦠꦤ꧀ꦱꦃ​ꦩꦶꦪꦩ꧀ꦧꦏꦶ꧉​ꦢꦺꦤꦺꦲꦶꦁ​ꦱꦩꦁ​ꦏꦼ꧈​ꦱꦉꦁ​ꦠꦶꦠꦶꦪꦁ​ꦑꦭꦁ​ꦱꦪ​ꦢꦔꦸ​ꦱꦪ​ꦥꦸꦫꦸꦤ꧀ꦲꦔꦼꦩ꧀ꦥꦭꦶ​ꦝꦠꦼꦁ​ꦠꦶꦠꦶꦪꦁ​ꦗꦮꦶ꧈​ꦱꦩ꧀ꦥꦸꦤ꧀ꦠꦼꦩ꧀ꦠꦸ​ꦲꦶꦁ​ꦒꦶꦃ​ꦱꦪ​ꦲꦔꦺꦭ꧀ꦥꦔꦸꦢꦶꦤꦶꦥꦸꦤ꧀ꦩꦸꦫꦶꦃ​ꦱꦒꦼꦢ꧀ꦱꦸꦩꦼꦉꦥ꧀ꦩꦼꦁ​ꦒꦃ​ꦲꦶꦁ​ꦏꦁ​ꦢꦢꦺꦴꦱ꧀ꦲꦱꦭꦶꦁ​ꦠꦶꦠꦶꦪꦁ​ꦑꦭꦁ​ꦮꦲꦸ꧉​(ꦧꦝꦼ​ꦏꦱꦩ꧀ꦧꦼꦠ꧀ꦠꦤ꧀)