Page:Kajawen 02 1928-01-07.pdf/18

From Wikisource
Jump to navigation Jump to search
This page has not been proofread.

ꦮꦲꦺꦴꦱꦤ꧀ꦭꦉ​

꧋ꦢꦺꦴꦔꦺꦁꦣꦺꦮꦶꦩꦼꦤꦸꦂꦱꦼꦠ꧉

II.

꧋ꦏꦢꦽꦁꦏꦺꦤꦼꦏꦁꦗꦼꦁꦫꦠꦸ꧉

꧄ ꦟ꧀ꦢꦿ ꧄ ꦏꦺꦴꦕꦥ꧀ꦲꦶꦁ​ꦩꦼꦁ​ꦏꦺꦴ​ꦱꦁ​ꦤꦠ꧈​ꦏꦿꦩ​ꦩꦤꦺꦃ​ꦲꦺꦴꦭꦺꦃ​ꦥꦸꦠꦿꦶ꧈​ꦲꦶꦱꦶꦃ​ꦲꦤꦺꦴꦩ꧀ꦥꦸꦠꦿ​ꦤꦠ꧈​ꦱꦁ​ꦲꦥꦿꦧꦸ​ꦧꦔꦼꦠ꧀ꦲꦱꦶꦃ꧈​ꦲꦺꦴꦫ​ꦱꦸꦮꦼ​ꦠꦸꦩꦸꦭꦶ꧈​ꦧꦚ꧀ꦗꦸꦂ​ꦗꦼꦤꦼꦁ​ꦏꦁ​ꦗꦼꦁ​ꦫꦠꦸ꧈​ꦱꦏ​ꦱꦶꦲꦼ​ꦱꦁ​ꦤꦠ꧈​ꦥꦫꦶꦧꦱꦤꦼ​ꦩꦺꦃ​ꦭꦭꦶ꧈​ꦚꦁ​ꦥꦸꦠꦿꦤꦼ​ꦲꦶꦪ​ꦏꦸꦮꦶ​ꦩꦼꦤꦸꦂꦱꦼꦠ꧉ ꧄ꦩꦸꦭꦤꦼꦱꦶꦁꦔꦸꦥꦏꦫ꧈ꦲꦶꦁꦱꦭꦮꦱꦼꦩꦸꦁꦲꦧ꧀ꦢꦶ꧈ꦩꦼꦁ​ꦏꦺꦴ​ꦔꦤ꧀ꦠꦶ​ꦢꦢꦶ​ꦧꦺꦴꦕꦃ꧈​ꦩꦭꦃ​ꦮꦶꦱ꧀ꦩꦺꦃ​ꦥꦿꦮꦤ꧀ꦱꦸꦤ꧀ꦛꦶ꧈​ꦮꦂꦤꦤꦼ​ꦲꦪꦸ​ꦭꦸꦮꦶꦃ꧈​ꦔꦼꦱꦺꦴꦂꦏꦼ​ꦏꦧꦺꦃ​ꦮꦺꦴꦁ​ꦲꦪꦸ꧈​ꦏꦼꦕꦿꦶꦠ​ꦒꦂꦮ​ꦤꦠ꧈​ꦏꦒꦸꦔꦤ꧀ꦏꦩꦪꦤ꧀ꦩꦤ꧀ꦢꦶ꧈​ꦫꦸꦥ​ꦏꦕ​ꦒꦼꦝꦼ​ꦧꦶꦱ​ꦕꦕꦠꦸꦫꦤ꧀꧉​ ꧄ꦢꦼꦤꦼ​ꦠ​ꦒꦮꦼꦤꦼ​ꦏꦕ꧈​ꦱꦧꦼꦤ꧀ꦢꦶꦤ​ꦢꦶꦠꦏꦺꦴꦤꦶ꧈​ꦱꦥ​ꦮꦺꦴꦁ​ꦲꦪꦸ​ꦱꦗꦒꦢ꧀꧈​ꦱꦶꦁ​ꦲꦺꦴꦫ​ꦲꦤ​ꦩꦝꦤꦶ꧈​ꦱꦧꦼꦤ꧀ꦱꦧꦼꦤ꧀ꦩꦁ​ꦱꦸꦭꦶ꧈​ꦱꦗꦒꦢ꧀ꦩꦸꦁ​ꦏꦁ​ꦗꦼꦁ​ꦫꦠꦸ꧈​ꦲꦺꦴꦫ​ꦲꦤ​ꦱꦶꦁ​ꦩꦝ꧈​ꦪꦺꦤ꧀ꦲꦠꦸꦉ​ꦔꦺꦴꦤꦺꦴ​ꦏꦸꦮꦶ꧈​ꦥꦁ​ꦒꦭꦶꦲꦼ​ꦏꦁ​ꦗꦼꦁ​ꦫꦠꦸ​ꦧꦔꦼꦠ꧀ꦧꦶꦔꦃ꧉ ꧄ꦲꦮꦶꦠ꧀ꦱꦠꦼꦩꦼꦤꦼꦚꦠ꧈ꦏꦁꦗꦼꦁꦫꦠꦸꦲꦪꦸꦭꦸꦮꦶꦃ꧈ꦤꦸꦗꦸ​ꦱꦮꦶꦗꦶꦤꦶꦁ​ꦢꦶꦤ꧈​ꦏꦁ​ꦗꦼꦁ​ꦫꦠꦸ​ꦢꦔꦸ​ꦭꦶꦫꦶꦃ꧈​ꦥꦿꦶꦪꦼ​ꦏꦕ​ꦱꦲꦶꦏꦶ꧈​ꦱꦗꦒꦢ꧀ꦱꦥ​ꦱꦶꦁ​ꦲꦪꦸ꧈​ꦔꦼꦤꦼ​ꦲꦠꦸꦉ​ꦏꦕ꧈​ꦲꦶꦁ​ꦏꦁ​ꦲꦪꦸ​ꦤꦩꦸꦁ​ꦒꦸꦱ꧀ꦠꦶ꧈​ꦤꦔꦶꦁ​ꦏꦮꦺꦴꦤ꧀ꦭꦤ꧀ꦥꦸꦠꦿ​ꦥꦸꦤ꧀ꦩꦼꦤꦸꦂꦱꦼꦠ꧉ ꧄ꦏꦁꦗꦼꦁꦫꦠꦸꦧꦔꦼꦠ꧀ꦢꦸꦏ꧈ꦒꦼꦢꦿꦸꦒ꧀ꦒꦼꦢꦿꦸꦒ꧀ꦗꦼꦫꦶꦠ꧀ꦗꦼꦫꦶꦠ꧀꧈​ꦲꦺ꧈​ꦢꦼꦤꦼ​ꦲꦤ​ꦱꦶꦁ​ꦩꦝ꧈​ꦱꦶ​ꦩꦼꦤꦸꦂꦱꦼꦠ​ꦥꦚꦏꦶꦠ꧀꧈​ꦲꦶꦪ​ꦲꦶꦪ​ꦱꦲꦶꦏꦶ꧈​ꦫꦱꦏꦼꦤ​ꦮꦮꦊꦱ꧀ꦏꦸ꧈​ꦲꦶꦁ​ꦱꦮꦶꦱꦼ​ꦔꦤ꧀ꦢꦶꦏ꧈​ꦏꦁ​ꦗꦼꦁ​ꦫꦠꦸ​ꦲꦤꦶꦩ꧀ꦧꦭꦶ꧈​ꦱꦮꦼꦤꦺꦲꦶꦁ​ꦩꦤ꧀ꦠꦿꦶ​ꦲꦧ꧀ꦢꦶꦤꦼ​ꦱꦁ​ꦤꦠ꧉​ ꧄ꦮꦶꦱꦼꦱꦺꦴꦮꦤ꧀ꦲꦔꦤ꧀ꦢꦶꦏ꧈ꦏꦺꦴꦮꦼꦲꦶꦏꦸꦩꦼꦱ꧀ꦛꦶꦔꦽꦠꦶ꧈​ꦪꦺꦤ꧀ꦢꦢꦶ​ꦲꦧ꧀ꦢꦶꦤꦶꦁ​ꦤꦠ꧈​ꦩꦸꦭ​ꦏꦺꦴꦮꦼ​ꦠꦏ꧀ꦠꦶꦩ꧀ꦧꦭꦶ꧈​ꦲꦤ​ꦥꦽꦭꦸ​ꦱꦶꦁ​ꦮꦢꦶ꧈​ꦭꦤ꧀ꦲꦺꦴꦫ​ꦏꦼꦤ​ꦏꦼꦥꦿꦸꦔꦸ꧈​ꦏꦺꦴꦮꦼ​ꦩꦼꦚꦔ​ꦲꦭꦱ꧀꧈​ꦒꦮꦤꦼꦤ꧀ꦱꦶ​ꦩꦼꦤꦸꦂꦥꦸꦠꦶꦃ꧈​ꦪꦺꦤ꧀ꦮꦶꦱ꧀ꦠꦼꦏꦤ꧀ꦏꦤ​ꦤꦸꦭꦶ​ꦥꦠꦺꦤꦤ꧉​ꦏꦮꦸꦭ​ꦤꦸꦮꦸꦤ꧀ꦱꦤ꧀ꦢꦶꦏ꧈​ꦩꦸꦁ​ꦏꦸꦭ​ꦩꦠꦸꦂ​ꦱꦏꦼꦝꦶꦏ꧀꧈​ꦥꦸꦤꦥ​ꦩꦼꦁ​ꦒꦃ​ꦏꦁ​ꦢꦺꦴꦱ꧈​ꦢꦼꦤꦼ​ꦏꦺꦴꦏ꧀ꦢꦶꦥꦸꦤ꧀ꦥꦼꦗꦲꦶ꧈​ꦱꦁ​ꦥꦿꦩꦺꦱ꧀ꦮꦫꦶ​ꦗꦼꦫꦶꦠ꧀꧈​ꦠꦺꦴꦧꦶꦭ꧀ꦢꦼꦤꦼ​ꦢꦢꦏ꧀ꦲꦸꦱꦸꦭ꧀꧈​ꦝꦮꦸꦃꦏꦸ​ꦭꦏꦺꦴꦤꦤ꧈​ꦭꦤ꧀ꦪꦺꦤ꧀ꦮꦶꦱ꧀ꦏꦭꦏꦺꦴꦤ꧀ꦩꦠꦶ꧈​ꦗꦸꦥꦸꦏꦼꦤ​ꦲꦠꦶꦤꦼ​ꦱꦶ​ꦩꦼꦤꦸꦂꦱꦼꦠ꧉​ ꧄ꦲꦉꦥ꧀ꦠꦏ꧀ꦒꦚꦁꦩꦼꦤ꧀ꦠꦲꦤ꧀꧈ꦤꦸꦫꦸꦠꦶꦥꦤꦱꦶꦁꦲꦠꦶ꧈ꦗꦩꦏ꧀ꦢꦼꦤꦼ​ꦮꦤꦶ​ꦩꦝ꧈​ꦲꦪꦸꦤꦼ​ꦏꦼꦩ꧀ꦭꦸꦮꦶꦃ​ꦭꦸꦮꦶꦃ꧈​ꦮꦶꦱ꧀ꦠ​ꦩꦁ​ꦏꦠ​ꦤꦸꦭꦶ꧈​ꦲꦗ​ꦔꦁ​ꦒꦺꦴ​ꦲꦺꦮꦃ​ꦲꦺꦮꦸꦃ꧈​ꦪꦺꦤ꧀ꦏꦂꦱꦏꦸ​ꦏꦊꦒꦤ꧀꧈​ꦧꦼꦱꦸꦏ꧀ꦏꦺꦴꦮꦼ​ꦩꦼꦱ꧀ꦛꦶ​ꦩꦸꦏ꧀ꦠꦶ꧈​ꦲꦥꦼꦱ꧀ꦧ꧀ꦭꦼꦧꦼꦱ꧀ꦢꦢꦶ​ꦧꦸꦥꦠꦶ​ꦤꦪꦏ꧉​ ꧄ꦤꦔꦶꦁꦪꦺꦤ꧀ꦔꦤ꧀ꦠꦶꦮꦸꦫꦸꦔ꧈ꦲꦗꦠꦏꦺꦴꦤ꧀ꦢꦺꦴꦱꦩꦼꦱ꧀ꦛꦶ꧈​ꦚꦮꦩꦸ​ꦧꦏꦭ꧀ꦏꦼꦒꦮ꧈​ꦮꦶꦱ꧀ꦠ​ꦩꦁ​ꦏꦠ​ꦢꦶꦒꦼꦭꦶꦱ꧀꧈​ꦏꦫꦺꦴ​ꦱꦶꦁ​ꦔꦠꦶ​ꦲꦠꦶ꧈​ꦲꦗ​ꦱꦼꦩ꧀ꦧꦿꦤ​ꦭꦏꦸꦩꦸ꧈​ꦲꦶꦁ​ꦏꦺꦴꦤꦺꦴ​ꦤꦸꦭꦶ​ꦩꦁ​ꦏꦠ꧀꧈​ꦲꦔꦩ꧀ꦥꦶꦫꦶ​ꦩꦼꦤꦸꦂꦥꦸꦠꦶꦃ꧈​ꦲꦶꦁ​ꦧꦠꦶꦤꦼ​ꦩꦸꦁ​ꦔꦼꦉꦱ꧀ꦏꦼꦫꦱ​ꦫꦱ꧉​