Page:Kajawen 01 1928-01-04.pdf/5

From Wikisource
Jump to navigation Jump to search
This page has not been proofread.

ꦢꦾꦤ꧀ꦢꦺꦫꦺꦁ​​ꦗꦁ​ꦏꦼꦥ꧀​ꦩꦼꦁ​ꦒꦃꦲꦶꦁ​​ꦒꦁ​ꦱ꧈​​ꦤꦩ​ꦱꦩ꧀ꦥꦸꦤ꧀ꦠꦸꦩꦶꦤ꧀ꦢꦏ꧀ꦢꦶꦥꦸꦤ꧀ꦠꦧꦸꦃ꧉​​ꦢꦢꦺꦴꦱ꧀ꦩꦼꦁ​ꦒꦃꦲꦶꦁ​​ꦥꦏꦼꦩ꧀ꦥꦭ꧀ꦭꦤ꧀꧈​​ꦲꦶꦁ​ꦒꦶꦃ​ꦏꦼꦢꦃ​ꦤꦼꦠꦼꦥ꧀ꦥꦏꦼꦤ꧀ꦲꦢꦼꦒ꧀ꦒꦶꦁ​​ꦧꦼꦱ꧀ꦠꦶꦫꦶꦥꦸꦤ꧀꧈​​ꦱꦤꦢꦾꦤ꧀ꦢꦺꦫꦺꦁ​​ꦏꦛꦃ꧈​​ꦤꦔꦶꦁ​​ꦧꦏꦸꦤꦶꦁ​​ꦧꦲꦸ​ꦲꦶꦁ​ꦏꦁ​​ꦧꦝꦺ​ꦫꦸꦩꦒꦁ​​ꦲꦶꦁ​​ꦢꦩꦼꦭ꧀ꦤꦩ​ꦱꦩ꧀ꦥꦸꦤ꧀ꦗꦁ​ꦏꦼꦥ꧀꧈​​ꦏꦢꦺꦴꦱ꧀ꦠ​ꦲꦶꦁ​ꦏꦁ​​ꦢꦢꦺꦴꦱ꧀ꦥꦔꦂꦱ꧈​​ꦥꦤꦶꦠꦿ꧈​​ꦲꦂꦢꦤ꧈​​ꦥꦤꦶꦠꦾ꧉​​

꧋ꦱꦱꦩ꧀ꦥꦸꦤ꧀ꦤꦶꦁ​​ꦚꦸꦩꦼꦉꦥ꧀ꦥꦶ​ꦫꦶꦕꦶꦏ꧀ꦏꦤ꧀ꦤꦶꦁ​​ꦒꦁ​ꦱ꧈​​ꦭꦗꦼꦁ​​ꦩꦤꦃ​ꦠꦸꦩꦶꦤ꧀ꦢꦏ꧀ꦏꦶꦁ​​ꦥꦤꦧꦸꦃꦲꦶꦥꦸꦤ꧀꧉​​ꦩꦼꦁ​ꦒꦃꦲꦶꦁ​​ꦒꦁ​ꦱ꧈​​ꦱꦠꦸꦁ​ꦒꦭ꧀ꦠꦸꦁ​ꦒꦭ꧀ꦭꦶꦥꦸꦤ꧀​ꦒꦝꦃ​ꦱ꧀ꦮꦫ​ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​​ꦱꦩꦶ꧈​​ꦲꦺꦮꦢꦺꦤꦺ​ꦩꦤꦮꦶ​ꦱꦩ꧀ꦥꦸꦤ꧀ꦢꦶꦥꦸꦤ꧀ꦠꦧꦸꦃ꧈​​ꦱ꧀ꦮꦫ​ꦲꦶꦁ​ꦏꦁ​​ꦧꦺꦴꦠꦼꦤ꧀ꦱꦩꦶ​ꦮꦲꦸ​ꦭꦗꦼꦁ​​ꦱꦒꦼꦢ꧀ꦫꦸꦤ꧀ꦠꦸꦠ꧀ꦩꦤꦸꦠ꧀​ꦲꦶꦁ​​ꦒꦼꦤ꧀ꦝꦶꦁ​ꦔꦶꦥꦸꦤ꧀꧈​​ꦠꦸꦮꦶꦤ꧀​ꦧꦺꦴꦠꦼꦤ꧀ꦏꦺꦔꦶꦁ​​ꦥꦶꦱꦤ꧀ꦥꦶꦱꦤ꧀ꦩꦼꦁ​ꦒꦃꦲꦶꦁ​​ꦒꦁ​ꦱ​ꦠꦶꦤꦧꦸꦃ​ꦱꦱꦉꦁ​ꦔꦤ꧀ꦩꦤꦸꦠ꧀ꦱꦏꦗꦼꦁ​​ꦏꦗꦼꦁ​ꦔꦶꦥꦸꦤ꧀ꦥꦶꦪꦩ꧀ꦧꦏ꧀꧈​​ꦲꦸꦥꦩꦶꦤꦶꦥꦸꦤ꧀ꦉꦧꦧ꧀ꦔꦿꦫꦱ꧀ꦒꦩ꧀ꦧꦶꦂ​ꦱꦮꦶꦠ꧀꧈​​ꦒꦼꦤ꧀ꦢꦺꦂꦫꦶꦥꦸꦤ꧀​ꦥꦁ​ꦏꦸꦂ​ꦠꦸꦮꦶꦤ꧀ꦒꦁ​ꦱ​ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦸꦒꦶ​ꦧꦺꦢ​ꦧꦺꦢ꧈​​ꦱꦩ꧀ꦥꦸꦤ꧀ꦠꦩ꧀ꦠꦸ​ꦭꦗꦼꦁ​​ꦥꦠꦶꦁ​​ꦏ꧀ꦭꦼꦚꦶꦠ꧀ꦧꦺꦴꦠꦼꦤ꧀ꦏꦤ꧀ꦠꦼꦤ꧀ꦏꦤ꧀ꦠꦼꦤ꧀ꦤꦤ꧀꧉​​ꦢꦢꦺꦴꦱ꧀ꦱꦤꦢꦾꦤ꧀ꦕꦼꦛ​ꦩꦤꦮꦶ​ꦒꦁ​ꦱ​ꦥꦸꦤꦶꦏ​ꦲꦸꦔꦼꦭ꧀ꦭꦶꦥꦸꦤ꧀ꦧꦺꦢ​ꦧꦺꦢ꧈​​ꦤꦔꦶꦁ​​ꦩꦤꦮꦶ​ꦲꦸꦔꦼꦭ꧀ꦭꦶꦥꦸꦤ꧀​ꦠꦸꦫꦸꦠ꧀​ꦏꦢꦺꦴꦱ꧀ꦭꦫꦱ꧀ꦱꦶꦁ​​ꦒꦼꦤ꧀ꦝꦶꦁ​ꦔꦶꦥꦸꦤ꧀꧈​​ꦭꦗꦼꦁ​​ꦫꦸꦤ꧀ꦠꦸꦠ꧀ꦫꦩ꧀ꦥꦏ꧀꧈​​ꦱꦏꦺꦕ​ꦢꦶꦥꦸꦤ꧀​ꦩꦶꦉꦁ​ꦔꦏꦼꦤ꧀꧉​​

꧋ꦩꦏꦠꦼꦤ꧀ꦲꦸꦒꦶ​ꦩꦼꦁ​ꦒꦃ​ꦠꦸꦩꦿꦥ꧀ꦥꦶꦁ​​ꦥꦏꦼꦩ꧀ꦥꦭ꧀ꦭꦤ꧀꧈​​ꦫꦸꦩꦒꦁ​ꦔꦶꦁ​​ꦢꦩꦼꦭ꧀ꦭꦶꦥꦸꦤ꧀ꦥꦫ​ꦧꦼꦱ꧀ꦠꦶꦂ​ꦲꦶꦁ​ꦒꦶꦃ​ꦏꦼꦢꦃ​ꦱꦱꦉꦁ​ꦔꦤ꧀꧈​​ꦱꦩꦁ​ꦱ​ꦧꦺꦴꦠꦼꦤ꧀ꦒꦺꦴꦭꦺꦴꦁ​꧈​​ꦲꦶꦁ​ꦒꦶꦃ​ꦧꦝꦺ​ꦧꦺꦴꦠꦼꦤ꧀ꦱꦲꦺ​ꦢꦢꦺꦴꦱ꧀ꦱꦶꦥꦸꦤ꧀꧈​​ꦲꦢꦼꦒ꧀ꦒꦶꦁ​​ꦥꦏꦼꦩ꧀ꦥꦭ꧀ꦭꦤ꧀ꦭꦗꦼꦁ​​ꦧꦺꦴꦠꦼꦤ꧀​ꦮꦸꦗꦸꦢ꧀​ꦱꦤ꧀ꦠꦺꦴꦱ꧉​​ꦢꦢꦺꦴꦱ꧀ꦠꦼꦫꦁ​​ꦧꦶꦭꦶꦃ​ꦲꦶꦁ​ꦏꦁ​​ꦧꦺꦢ​ꦥꦸꦤꦶꦏ​ꦤꦩꦸꦁ​​ꦠꦶꦪꦔꦶꦥꦸꦤ꧀꧈​​ꦤꦔꦶꦁ​​ꦠꦸꦩꦿꦥ꧀​ꦉꦩ꧀ꦧꦒ꧀ꦒꦶꦥꦸꦤ꧀ꦫꦸꦤ꧀ꦠꦸꦠ꧀ꦏꦺꦩꦮꦺꦴꦤ꧀꧉​​

꧋ꦩꦶꦭ​ꦩꦼꦁ​ꦒꦃꦲꦶꦁ​​ꦥꦏꦼꦩ꧀ꦥꦭ꧀ꦭꦤ꧀꧈​​ꦩꦤꦮꦶ​ꦲꦔꦺꦔꦼꦠ꧀ꦠꦶ​ꦝꦠꦼꦁ​​ꦥꦶꦥꦶꦫꦶꦢ꧀ꦢꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​​ꦒꦁ​ꦱ꧈​​ꦠꦩ꧀ꦠꦸ​ꦱꦲꦺ​ꦲꦶꦁ​ꦏꦁ​​ꦥꦶꦤꦁ​ꦒꦶꦃ꧈​​ꦲꦮꦶꦠ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦤꦩꦸꦁ​​ꦱꦂꦮ​ꦠꦸꦫꦸꦠ꧀ꦠꦶꦤꦸꦫꦸꦠ꧀꧈​​ꦱꦭꦃ​ꦱꦠꦸꦁ​ꦒꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​​ꦚꦼꦧꦭ꧀ꦱꦏꦶꦁ​​ꦗꦼꦗꦼꦂ​ꦲꦶꦁ​ꦏꦁ​​ꦢꦶꦥꦸꦤ꧀ꦏꦗꦼꦁ​ꦔꦏꦼꦤ꧀꧉​​

꧋ꦲꦶꦁ​​ꦔꦶꦁ​ꦒꦶꦭ꧀ꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦩꦼꦁ​ꦒꦃ​ꦧꦏꦸꦤꦶꦁ​​ꦒꦁ​ꦱ꧈​​ꦱꦩ꧀ꦥꦸꦤ꧀ꦱꦒꦼꦢ꧀​ꦏꦁ​ꦒꦺ​ꦩꦶꦤ꧀ꦝꦏ꧀ꦲꦏꦼꦤ꧀ꦲꦢꦼꦒ꧀ꦒꦶꦁ​​ꦧꦼꦱ꧀ꦠꦶꦫꦶꦥꦸꦤ꧀꧉​​ꦱꦥꦸꦤꦶꦏ​ꦚꦫꦶꦪꦺꦴꦱ꧀ꦱꦏꦼꦤ꧀ꦫꦶꦕꦶꦏ꧀ꦏꦤ꧀ꦱꦤꦺꦱ꧀ꦱꦶꦥꦸꦤ꧀꧈​​ꦏꦢꦺꦴꦱ꧀ꦠ​ꦒꦼꦤ꧀ꦢꦺꦂ​ꦥꦤꦼꦫꦸꦱ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈​​ꦥꦸꦤꦶꦏ​ꦲꦸꦥꦩꦶꦤꦶꦥꦸꦤ꧀​ꦥꦫ​ꦮꦂꦒ​ꦭꦶꦩꦿꦃ꧈​​ꦱꦤꦢꦾꦤ꧀​ꦧꦺꦴꦠꦼꦤ꧀ꦧꦏꦸ​ꦢꦢꦺꦴꦱ꧀ꦗꦼꦗꦼꦂ꧈​​ꦤꦔꦶꦁ​​ꦭꦗꦼꦁ​​ꦲꦸꦩꦾꦸꦁ​​ꦲꦩ꧀ꦧꦫꦸꦁ​​ꦲꦩꦺꦴꦂ​ꦤꦸꦁ​ꦒꦶꦭ꧀ꦭꦫꦱ꧀꧈​​ꦮꦼꦏꦱꦤ꧀ꦗꦸꦩ꧀ꦧꦸꦃ​ꦢꦢꦺꦴꦱ꧀ꦱꦏꦺꦕ꧈​​ꦥꦸꦤꦶꦏ​ꦔꦶꦧꦫꦠ꧀ꦒꦸꦩꦼꦊꦁ​ꦔꦶꦁ​​ꦉꦩ꧀ꦧꦒ꧀ꦒꦶꦥꦸꦤ꧀​ꦥꦏꦼꦩ꧀ꦥꦭ꧀ꦭꦤ꧀꧉​​ꦢꦺꦤꦺ​ꦠꦸꦩꦿꦥ꧀ꦢꦪꦤꦶꦥꦸꦤ꧀ꦝꦠꦼꦁ​​ꦲꦶꦁ​​ꦔꦏꦛꦃ꧈​​ꦥꦸꦤꦶꦏ​ꦤꦩꦸꦁ​​ꦒꦸꦩꦤ꧀ꦠꦸꦁ​​ꦝꦠꦼꦁ​​ꦫꦫꦱ꧀ꦱꦏꦺꦕꦤꦶꦁ​​ꦒꦼꦤ꧀ꦝꦶꦁ​꧉​

꧋ꦮꦺꦴꦁ​​ꦏꦁ​​ꦮꦶꦱ꧀​ꦢꦸꦮꦺ​ꦥꦔꦸꦮꦱ꧈​​ꦲꦗ​ꦔꦺꦠꦺꦴꦏ꧀ꦲꦏꦺ​ꦥꦔꦸꦮꦱꦤꦺ꧈​​ꦲꦮꦶꦠ꧀ꦥꦔꦸꦮꦱ​ꦏꦁ​​ꦢꦶꦏꦺꦠꦺꦴꦏ꧀ꦲꦏꦺ​ꦲꦶꦏꦸ꧈​​ꦱꦗꦠꦶꦤꦺ​ꦢꦸꦫꦸꦁ​​ꦤꦸꦁ​ꦒꦭ꧀ꦏꦫꦺꦴ​ꦏꦁ​​ꦏꦱꦩ꧀ꦥꦶꦂꦫꦤ꧀꧈​​ꦢꦢꦶ​ꦪꦺꦤ꧀ꦠꦤ꧀ꦱꦃ​ꦢꦶꦏꦺꦠꦺꦴꦏ꧀ꦲꦏꦺ꧈​​ꦥꦶꦏꦺꦴꦭꦺꦃꦲꦺ​ꦩꦭꦃ​ꦲꦒꦮꦺ​ꦱꦸꦢꦤꦶꦁ​​ꦢꦿꦗꦢ꧀ꦢꦺ꧉​​

꧋ꦏꦲꦸꦠꦩꦤ꧀ꦤꦶꦁ​​ꦧꦸꦢꦶ​ꦲꦶꦏꦸ​ꦢꦸꦢꦸ​ꦱꦏ​ꦥꦁ​ꦒꦮꦺꦤꦺ​ꦏꦁ​​ꦔ꧀ꦭꦏꦺꦴꦤꦶ꧈​​ꦲꦮꦶꦠ꧀ꦱꦤꦢꦾꦤ꧀ꦥꦁ​ꦒꦮꦺ​ꦧꦼꦕꦶꦏ꧀꧈​​ꦩꦤꦮ​ꦲꦶꦁ​​ꦧꦠꦶꦤ꧀ꦲꦶꦱꦶꦃ​ꦢꦸꦮꦺ​ꦥꦔꦉꦥ꧀ꦲꦉꦥ꧀​ꦲꦺꦴꦭꦺꦃ​ꦥꦶꦮꦊꦱ꧀꧈​​ꦧꦼꦕꦶꦏ꧀ꦏꦺ​ꦩꦲꦸ​ꦩꦸꦁ​​ꦧꦏꦭ꧀ꦩꦸꦭꦶꦃ​ꦢꦢꦶ​ꦥꦶꦫꦤ꧀ꦠꦶ꧉​​ꦢꦺꦤꦺ​ꦗꦠꦶꦤꦶꦁ​​ꦏꦲꦸꦠꦩꦤ꧀꧈​​ꦲꦶꦏꦸ​ꦏꦁ​​ꦔ꧀ꦭꦏꦺꦴꦤ꧀ꦤꦶ​ꦲꦺꦴꦫ​ꦔꦿꦸꦩꦱꦤꦶ꧈​​ꦱꦤꦢꦾꦤ꧀ꦏꦁ​​ꦔ꧀ꦭꦏꦺꦴꦤ꧀ꦤꦶ​ꦢꦶꦠꦸꦢꦸꦃꦲꦶ​ꦲꦶꦁ​​ꦭꦶꦪꦤ꧀ꦩꦸꦁ​ꦒꦸꦃꦲꦶꦁ​​ꦏꦲꦸꦠꦩꦤ꧀ꦤꦺ꧈​​ꦲꦤꦤꦺ​ꦩꦸꦁ​​ꦒꦺꦝꦺꦒ꧀ꦲꦺꦴꦫ​ꦮꦼꦫꦸꦃ꧉​