Page:Kajawen 01 1928-01-04.pdf/4

꧋ꦲꦶꦁ​​ꦏꦗꦮꦺꦤ꧀ꦔꦿꦶꦏꦶ​ꦠꦸꦩꦸꦠ꧀ꦧꦝꦺ​ꦔꦽꦩ꧀ꦧꦒ꧀ꦲꦶꦁ​​ꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦒꦁ​ꦱ​ꦩꦺꦚ꧀ꦕꦺꦴꦏ꧀ꦏꦶꦥꦸꦤ꧀ꦝꦠꦼꦁ​​ꦠꦠ​ꦏꦭꦲꦶꦫꦤ꧀ꦲꦶꦁ​ꦏꦁ​​ꦕꦸꦤ꧀ꦝꦸꦏ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​​ꦗꦩꦤ꧀꧈​​ꦲꦶꦁ​ꦒꦶꦃ​ꦥꦸꦤꦶꦏ​ꦗꦩꦤ꧀ꦤꦶꦁ​​ꦥꦏꦼꦩ꧀ꦥꦭ꧀ꦭꦤ꧀꧉​

꧋ꦒꦩ꧀ꦧꦂꦫꦶꦁ​​ꦒꦁ​ꦱ​ꦲꦶꦁ​ꦏꦁ​​ꦗꦁ​ꦏꦼꦥ꧀​

꧋ꦩꦤꦮꦶ​ꦢꦶꦥꦸꦤ꧀ꦥꦺꦫꦁ​꧈​​ꦫꦶꦕꦶꦏ꧀ꦏꦤ꧀ꦤꦶꦁ​​ꦒꦁ​ꦱ​ꦥꦸꦤꦶꦏ​ꦮꦂꦤꦶ​ꦮꦂꦤꦶ꧈​​ꦱꦠꦸꦁ​ꦒꦭ꧀ꦱꦠꦸꦁ​ꦒꦭ꧀ꦭꦶꦥꦸꦤ꧀ꦒꦝꦃ​ꦤꦩ​ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​​ꦏꦊꦩ꧀ꦥꦏ꧀ꦏꦶꦁ​​ꦫꦶꦕꦶꦏ꧀ꦏꦤ꧀ꦱꦢꦪ​ꦮꦲꦸ​ꦤꦩ​ꦒꦁ​ꦱ​ꦱꦫꦚ꧀ꦕꦏ꧀꧈​​ꦲꦶꦁ​​ꦱꦫꦚ꧀ꦕꦏ꧀ꦏꦶꦥꦸꦤ꧀ꦩꦺꦁ​ꦏꦸ​ꦤꦩ​ꦥꦶꦪꦩ꧀ꦧꦏ꧀꧈​​ꦲꦶꦁ​ꦒꦶꦃ​ꦥꦸꦤꦶꦏ​ꦱꦭꦺꦤ꧀ꦢꦿꦺꦴ​ꦲꦸꦠꦮꦶ​ꦥꦺꦭꦺꦴꦒ꧀꧈​​ꦩꦤꦸꦠ꧀ꦱꦏꦶꦁ​​ꦭꦫꦱ꧀ꦱꦶꦁ​​ꦲꦸꦔꦺꦭ꧀꧈​​ꦢꦺꦤꦺ​ꦠꦸꦩꦿꦥ꧀ꦭꦫꦱ꧀ꦱꦶꦁ​​ꦱ꧀ꦮꦫꦤꦶꦥꦸꦤ꧀꧈​​ꦲꦶꦁ​ꦒꦶꦃ​ꦲꦔ꧀ꦮꦺꦴꦤ꧀ꦠꦺꦤ꧀ꦤꦏꦺꦤ꧀ꦒꦿꦺꦒꦺꦠ꧀​ꦠꦸꦮꦶꦤ꧀ꦲꦺꦔꦺꦱ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​​ꦠꦸꦮꦶꦤ꧀ꦲꦤꦸꦮꦸꦃꦲꦏꦺꦤ꧀ꦕꦺꦴꦕꦺꦴꦤ꧀ꦢꦺꦴꦔꦤ꧀ꦤꦶꦁ​​ꦫꦲꦺꦴꦱ꧀ꦥꦔꦿꦲꦺꦴꦱ꧀ꦱꦶꦁ​​ꦠꦶꦪꦁ​꧉​​ꦧꦧ꧀ꦥꦸꦤꦶꦏ​ꦩꦤꦮꦶ​ꦢꦶꦥꦸꦤ꧀ꦕꦸꦤ꧀ꦝꦸꦏ꧀ꦏꦏꦺꦤ꧀​ꦏꦭꦶꦪꦤ꧀ꦏꦮꦺꦴꦤ꧀ꦠꦺꦤ꧀ꦤꦤ꧀ꦤꦶꦁ​​ꦥꦏꦺꦩ꧀ꦥꦭ꧀ꦭꦤ꧀ꦲꦶꦁ​ꦏꦁ​​ꦱꦩ꧀ꦥꦸꦤ꧀ꦠꦺꦠꦺꦥ꧀ꦲꦢꦺꦒ꧀ꦒꦶꦥꦸꦤ꧀꧈​​ꦮꦺꦴꦤ꧀ꦠꦺꦤ꧀ꦲꦺꦩ꧀ꦥꦺꦂꦫꦶꦥꦸꦤ꧀꧈​​ꦲꦮꦶꦠ꧀ꦏꦮꦺꦴꦤ꧀ꦠꦺꦤ꧀ꦤꦤ꧀ꦤꦶꦁ​​ꦗꦺꦁ​ꦒꦺꦫꦺꦁ​ꦔꦶꦥꦸꦤ꧀ꦱꦩ꧀ꦥꦸꦤ꧀ꦗꦁ​ꦏꦺꦥ꧀꧉​​

꧋ꦤꦔꦶꦁ​​ꦏꦢꦺꦴꦱ꧀ꦥꦸꦤ꧀ꦢꦶ​ꦱꦒꦺꦢ꧀ꦢꦶꦥꦸꦤ꧀ꦩꦱ꧀ꦠꦤꦶ​ꦗꦁ​ꦏꦺꦥ꧀ꦩꦺꦁ​ꦒꦃꦲꦶꦁ​​ꦒꦁ​ꦱ꧈​​ꦧꦶꦭꦶꦃ​ꦢꦺꦫꦺꦁ​​ꦚꦸꦩꦺꦫꦺꦥ꧀ꦥꦶ​ꦫꦶꦕꦶꦏ꧀ꦏꦤ꧀ꦤꦶꦥꦸꦤ꧀꧈​​ꦩꦶꦭ​ꦲꦶꦁ​ꦒꦶꦃ​ꦏꦺꦢꦃ​ꦏꦥꦿꦠꦺꦭꦏ꧀ꦲꦏꦺꦤ꧀꧈​​ꦪꦺꦤ꧀ꦒꦁ​ꦱ​ꦱꦫꦚ꧀ꦕꦏ꧀​ꦥꦸꦤꦶꦏ​ꦲꦶꦁ​ꦏꦁ​​ꦧꦏꦸ​ꦲꦮꦂꦤꦶ꧇​​ꦫꦺꦧꦧ꧀꧈​​ꦏꦺꦤ꧀ꦝꦁ​꧈​​ꦒꦺꦤ꧀ꦢꦺꦂ꧈​​ꦒꦩ꧀ꦧꦁ​꧈​​ꦢꦺꦩꦸꦁ​꧈​​ꦏꦺꦛꦸꦏ꧀꧈​​ꦏꦺꦤꦺꦴꦁ​꧈​​ꦏꦺꦩ꧀ꦥꦸꦭ꧀꧈​​ꦠꦸꦮꦶꦤ꧀​ꦒꦺꦴꦁ​꧉​​ꦥꦸꦤꦶꦏ​ꦱꦤ