lamak djuo hampia suruik bak samulo banan bakato Puti Raniak Djintan :„Daulat bapak kanduang hambo adiak hambo alah bakao sehat rimbo balehlah djuo guno injo buah himbaulah anak rang pabuwekkanlah rumah sabarikanlah sawah dengan taranak sabab baitu nan taniat dibambo dahulunjo”.
Dek urang tuanku Radjo Mudo diparentahkan kapado anak buah dibuwekkan rumah limo ruang kok djo isi pakakehnjo sarato djo kabau dengan bantiang dibari sawah dengan ladang.
Alah sabulan antaronjo sanan bakato Puti Raniak Djintan „Adiak kanduang si Untuang Sudah rasoi banalah badan adiak laikoh alah sehat bana badan adiak kini". Mandjawab si Untuang Sudah „Atjiak den Puti Raniak Djintan kalau itu nan atjiak tanjokan tidak ado nan taraso sakit lai kok makan alah kakurangan nasi kok lalok alah lamak pulo kan atjiak djuo nan kapajah". Bakato Puti Raniak Djintan : „Usah disabuik duo kali sadjak dahulu alah denai katokan Allah pambari Tuhan ameh djo perak banjak dikito padi baru ba himpik2 usahlah padi usang ba timbun2 adiak barusuah hati".
