Baru mandanga dikato mantun nan bahaso kakaknjo didalam sakit namuah si Untuang Sudah babaliak pulang badjalanlah injo banjo lai dihiriangkan dek Dubalang nan barampek dek lamo lambek nan didjalan djauah basarang dakek djuo alah tibo injo dirumah taruih sakali ka ateh andjuang mandeh djo bapak sadang bamanuang dibukak kulambu rumin tabukaklah pulo kulambu tjindai alah tabukak kulambu katudjuahnjo tampaklah Puti Raniak Djintan sadangnjo sangat manangguang pasakitan ajia matonjo ba darai2 sanan mahimbau si Untuang Sudah takadjuik Puti Raniak Djintan mandanga adiak nan lah babaliak pulang badan nan sakit alah taraso sehat lalu duduak injo sakali bakato injo maso itu: „Adiak kanduang si Untuang Sudah liheklah rupo untoang kakak salamo adiak pai badjalan makan tidak minumpun tidak hampialah kito tidak basuwo lai ijo bana nan bak buni pantun urang :
djatuah silaronjo tigo tangkai
satangkai kambang di Padang
putjuak mandjelo buwah ranun,
Salamo kito ba tjarai2
siang dihatak gandjua lalai
malam dimabuak adiak surang
ratjun bak raso ka diminum.
Lai diubek taknjo sanang antah ubek diadiak surang dangakan malah sabuwah lai nak duo pantun sairiang:
disakah dek nak rang Tiku
djatuah badarai silaronjo
53
