IV. RAMBUN PAMENAN MANDAPEK TUNGKEK WASIAT.
Dialiah kaba tantang itu aliahnjo kapado Rambun Pamenan sadang didalam rimbo gadang alah sehat bana badan injo lalu badjalan hanjo lai. Alah sahari doo hari sampai sapakan dua pakan kok siang basalinduang paneh kok malam basalimuik ambundatang hudjan kahudjanan datang paneh kapanehan dimano patang sanaan bamalam hebih bulan babilang tahun alah duo tahun pulo kalamonjo nagari tak tantu ka dituruik manjarah sadjo pada Allah hari malam hanjo hai malam badjawek dengan siang tadanga ajam bakokuak malihek tjando kabawah alah tampak api tatjelak dituruik pulo kakian kiranjo pondok urang paladang bakato Rambun Pamenan: "O niniak urang paladang bawolah tompang dagang sansai hambo nangko dagang mularaik dusun nagari tidak tantu".
Takadjuk niniak rang piladang lalu malihek kahalaman ijo lah tampak anak budjang mandjawab urang paladang: „Bujuang naik malah karumah". Alah naik Rambun Pamenan ado sabanta injo duduak nasi lah masak hanjo lai sanan bakato niniak rang paladang : "O bujuang nan djolong datang disabuik namo tidak tantu dihimbau gala balum tarang bujuang kamari malah makan barang nan ado kito makan alab njata kito didalam rimbo makan djo gulai nan baabuih". Alah makan Rambun Pamenan makan sasuwok dou suwok
