Page:Kaba Puti Sari Banilai.pdf/143

  Batua itu bunyi aguang
  Aluaran di Bukik Jambu
  Di bukik lanik tanang
  Urang tu sadung barelek
  Inyo nan sadang baralek gadang
  Lah barapo hari koh lamonyo
  Galanggang diramikannyo
  Sabuang lah dijadikannyo.

110. Rajo mano nan tak datang
  Sutan mano nan tak tibo
  Nan jauah datang bajapuik
  Nan hampia datang bahimbau
  Jauah surek nan talayang
  Hampia siriah nan bakapua
  Tapi samantang pun baitu
  Alah barapo ko lamonyo
  Alek tigo bulan papek
  Rami siang jo malam
  Rami patang jo pagi.

111. Manjawek Sutan Juaro
  "O Tuak janyo hambo
  Kok itu alah jaleh
  Kok itu alah lah tantu
  Lah jaleh pulo dek kami
  Apo sabab karanonyo
  Mako alek sagadang tu
  Mako jamu sagadang tu
  Apo asa samulonyo
  Cubo tarangkan bakeh kami
  Nak sanang di dalam hati
  Nak sajuak dalam kiro-kiro!"

112. Lalu manjawek urang dangau tu
  "O Nak nan baru datang
  Kok itu nan ang tanyokan

[[category:Minangkabau}}}