Kan io Radjo Alam Sati mamintak kapado si Salamaik mano hang Salamaik mari kamari pukul tabuh larangan kato titahnjo Radjo nanlun.
Lorong kapado si Salamalk ditakuakan kapalo nan satu disimpuah lutuik nan duo manjambah manjusun djari.
Lah sudah tarimo parintah dipukua labuah larangan manjahuik tabuah dihilia mambaleh tabuah di mudiak sauik manjauik tabuah nan banjak tabuah Djma.at panjudahi,
Barimpun urang dalam nagari gadang ketek tu mudo dilurah dalang mandaki dibukik datang manurun panuah sasak dalam nagari indak tamuekn di nan data nan lakuang lah panuah pulo,
Sanan manjambah manti tuo ampun ambo dek Tuanku kalau dibuang kami djauah kalau digantuang kami tinggi apo sabab tabuah babunji dimano gadih dapek malu atau paga nan lah lapuak atau kok randjau nan ta asak dimano musuah nan lah datang baitu sambah manti Tuo.
Manitah Dang Tuanku bukan gadih dapek malu tidak musuah nan datang karono mukasuik dalam hati nan lagelang pado mato kito baralek tudjuah hatri mambao lurun mandi io si budjang Gombang Alanı bunuah kabau bara kasadang makanan urang dalam nag.ri mandjamu sagalo hambo rakjat baitu tilah Dang Tuanku daulat Tuanku Radjo Alam urang mandanga bahati suko pulanglah urang surang surang
Lah langang ustano Balairuang Sari ustano perak maligal ameh baukia baturap turap ukia bakaluak daun paku kadja mangadja ula nago baukia ameh dengan perak sangalk elok dipanda:g mato maligai tinggi tudjuah tingkek.
