Hari samalam malam nantun laruik malam mangko talalok baru talalok tibolah mimpi mimpi rasian maso itu tampak bulan sangaik tarang malajok buruang dikapalo ditangkok buruang kapamenan buruang nuri pandai bakato.
Sanan bakato nuri nantun tolongan Tuhan alah tibo pasanang hati kaduonjo baitu bunji mimpi rasian badan tadjago hari siang takana mimpi djo rasian mimpi elok nan tibo lah hamia nan padusi manganduang maso itu ijo didalam babadan duo sananglah hati kaduonjo.
Manuruik kaba tjurito urang injo barasa baiak baiak mandjadi Radjo maso dahulu Radjo banamo Alam Sati padusi banamo Andam Dewi maso baliau mandjadi Radjo mamarentah dalam nagari tidak ado injo baranak lah mularaik baru babari sudah lah nasip badan diri karano kanai sumpah sumpah malakek dibadan injo ustano nagari mandjadi rimbo mularaik hiduik kaduonjo
Sadjak puti dalam baban banjak urang nan sajang urang kampuang manaruah hibo banja dapek rasaki pambarian urang dalam kampuang dapek kain usang usang tabao bareh lado garam murah rasaki Radjo nantun sanang hati sadjuak pikiran,
Lah sampai bilangan bulan tjukuik sambilan bulan papek patang kami malam Djuma.ik bulan sadang limo baleh tarang tjuatjo dalam rimbo bulan sarupo paneh siang.
Dek untuang takadia Allah sakiknjo puti Andam Dewi sakik basalin si Andam lajialah anak semalam nantun injo baranak laki laki. Satu lajia padja nantun tibo dilantai lantai putuih tibo ditanah tanah lambang anak batuah dio kiramaik sanang hati ibu djo bapak mamintak sukur pado Allah kok to kiramaik padja nangko lai batuah anak iko babaliak karadjaan nan
