pulang di-iriangkan dubalang dje Mantari sarato basa niniak mamak marantjak kudo baganto babunji tjanang djo talempong sarato pupuik djo saluang bunji sorak dengan sorai gagap gumbito dalam rimbo sagalo urang bahati suko.
Lorong kapado Manti Tuo sarato Gombang Alam Sati batjahajo pakaian kaduonjo pakaian ameh intan sandiang dalam mangka mangka katjo dipungguang gadjah kipeh basabuang suok kida gadjah badjalan tidak baranti nan dituruik basarang dakek tingakan basarang djauh.
Tibo gadjah dalam nagari lo nagari Mandang Ka mulan Radjo banamo Radio Sati bapak kanduang Nilam Tjajo baru maliek p rarakan takadjuik Radjo maso itu sanan dihimbau dubalang gagah
Tibo dubalang batigo sanan batitah Radjo nantun bunji apo dipintu nagari tjubo pareso bunji nantun bari kaba pado denai
Kan io dubalang Radjo manjambah Injo maso itu lalu badjalan bagageh-gageh.
Sanan bakato Dubalarg kapado pangiriang Gombang Alam manolah tuan kasamonjo bukan hambo salah siasek tidak hambo salah tanjo hambo disuruah disarajo io daulat Dang Tuanku apo makasuik tuan kamari tidak buliah tuan badjalan sabalun parentah Radjo kami.
Mandanga kato dubalang mandjawab pangiriang Gombang Alam kami datang dari rimbo mambao Radjo Tjamin Talajang Radjo baru naiak nobaik.kami datang dari rimbo.
Lah sudah kaba didanga badjalan baliak kaustano sanan manjambah dubalang disusun djari nan sapuluah ampun hambo dek Tuanku hambo makek gadjah gadang duduak rang mudo laki bini ruponjo Radjo
