Tibo dihadapan Gombang Alam gadjah baranti hanjo lai diambiak pingang Gombang Alam balalai pandjang gadjah nantun dilatakkan kapungguangnjo baitu djuo Nilam Tjajo bulalai mambalik pinggang si Nilam dilatakkan dipungguangnjo turun urang dia teh kudo samo manjamban pado si Gombang.
Sanan bakato Manti Tuo ampunlah hambo Dang Tuanku ampun barību kali ampun adapun kami nan banjak nangko kami nan dari Tjamin Talajang.
Lah malang tibo dikami Radjo kami lah lamo bar pulang sudah barpulang ka Rahmatullah labiah satahun tidak baradjo sapakaik sagalo isi nagari io sagalo hambo rakjat malapeh gadjah sati mantjari Radjo Tjamin Talajang kini basuo djo Tuanku Tuan ku dibao kausiano mandjadi Radjo mahukum adia pusek di lo pumounan ikan tampuak tangkai Tjamin Talajang kato sambahnjo Manti Tuo.
Sanan mandjawab Gombang Alam mano sagalo niniak djo mamak tampek mahukum adia adia sarato alim djo ulama suluah bendang dalam nagari saaro urang tjaliak pandai parik paga dalam nagari lorong kadado badan hambo umua baru satahun djaguang darah baru satampuak pinang aka singkeh bana pun tidak balun patuik mandjadi Radjo pandai maukua samo pandjang pandai maudji samo merah tahu diereng dengan gendeng tahu disakik hambo rakjat dilahia rakjat manambah dibatin Radjo mandjambah karadjo barek Radjo nantun alun tapikua dibadan hambo.
Sanan mandjawab Manti Tuo ampun hambo dek Tuanku Tuanku tak dapek batangguah tanguah sudah sapakai hambo takjat kalau diliek sipaik Tuanku basuo bano sipaik Radjo asa Radjo ka Radjo djuo asa Puti ka Puti djuo
Sudah manti manjambah gadjah badjalan babaliak
