Mandanga kato Manti Tuo manjambah pegawai nagari disusun djari nan sapaluah dilakukan kapa lo nan satu diundjuakan laluik nan duo bakalo du balang mao itu apo parentah kami djundjuang apo tlah kami tarimo.
Kan io dubalang gagah kalau bakatto injo mandareh tjapek kaki ringan tangan alun disuruah injolah pai alun ditagah ~kata hilang~ diguguah labuan larangan sauik manjauik tabuah nan banjak maningkah tabuah dihilia mambaleh tabuah dimudiak manjauik tabuah dipuhun tabuah Djumaik panjudahi.
Mandanga tabuah babunji takadjuik urang nan banjak dilurah alah mandaki dibukik alah manurun nan djauh datang bakudo nan dakek badjalan kaki nan buto datang bairik nan patah datang batungkek nan lumpuah insuik insuik i.
Rapek papek tangah padang gadang ketek tuo mudo laki-laki parampuan djimek sadonjo katangah padang lah panuah dinan data nan lakuan lah pa nuah pulo.
Sanan bakato Manti Tuo io djuo mamang urang tuo duduak surang basampik-sampik duduak basamo balapang lapang makasuik kito maadokan rapek mintak pikiran kerang banjak satantang dari Radjo kito lah tigo bulan indak ba-Radjo Radjo tidak bawarisan hilang tidak kapangganti hiduik marantau samo gadang kok duduak samo randah kalau lagak samo tinggi indak nan patuik djadi Radjo.
Mandanga kato manti tuo bamatjam-matjam pandapek urang satangah disuruah baundi.
Bakalo pulo urang tuo urang tuo nan pandjang djangguik umualah labiah saratuih tahun.
Bakalo urang tuo nantun mano sagalo niniak mamak sarato alim djo ulama baitu djuo tjadiak pan.
