Talajang nagari didalam sangaik rusuh tiok urang bahati susah indak ado manaruah sanang ketek tuo mudo bapusu-pusu kian kumari karano radjo baru mati Radjo banamo Radjo Tuo. Radjo nan tidak ado baranak kamanakan djo adiak tidak pulo Radjo surang tungga babeleng pinang sabatang ateh bukik.
Lah tudjuah kail maadokan rapek rapek mupakaik mantjari Radjo sia nan patuik kapangganti sarupo manggantaug anak ajam masuak tigo kalua tigo bak maeto kain saruang tidak ado kasudahan hilang aka basa basa sarato dubalang djo Mantari tatum buk pikiran kasamonjo tidak tantu kadisabuik.
Sanan bakato Manti Tuo manolah tuan adok adang nan salingka dalam rapek manuruik pikiran hati ambo djikok katapi sak katangah kalau ditangah digampai manuruik adaik ran biaso tidak putuik di Balairuang Sari bao ka Balai Basa Basa tatumbuak djuo tantang itu bao baio djo nagari sarato urang Ampek Djinih partamo Alim Ulama kaduo Basa-Basa nan katigo Tjadiak pandai tjukuik kaampek Hambo rakjat.
Sapakaik urang Ampek djinih kok bulek buliah bigolongkan pitjak buliah dilajangkan kalau dapek kato sasuai dapek kato nan saukua itulah kalo sabana kato djikok diasak injo lajua kalau dibubuik injo mati.
Mandanga kato Manti Tuo supakaik saukua urang nan banjak surangpun tidak nan balang.
Kan io hari barisuak matohari sapanggalan sanan batitah Manti Tuo kapado Dubalang Pagawal Nagari mano hang kaduonjo kito maadokan rapek papek sadiokan tampek Basa Basa sarato tampek imam Katik tjukuik djo tampek Tjadiak Pandai guguah lah labuah larangan.
