tuang hambo sabab sampai kamari ditangkok raksasa dalam rumah nagari disarang raksasa banjak rajat habih mati dimakan raksasa laki bini satangan dapek malarikan badan.
Malang tumbuh dibadan hambo dapek ditangkol dek raksasa dibao lari hambo kamari lah limo tahun hambo disiko tidak bakawan surang duo takuil kasia dikalokan dikeluan sadjo bada surang untuang basuo djo tuan raso hiduik duo kali takana bapal djo mande awak biaso urang sanang.
Manangih injo Nilam Tjajo ala mato badaral-diral bak intan putuih pangarang.
Maliek rupo Puti nantun rupo rantjak bak bulan panuah rambuik pandjang sampai kabatih kaniang diadjin kiliran tadji pipi sarupo pauh dilajang hiduang mantjuang bak disun tungga bibianjo mipih asam sauleh bulu mato samuik ba iriang talingo sabagai djarek tatahan daguaknjo awan tagantuang linianjo djendjang buhuak tak djadi dado kambang pinggang njo sariang tangan sarupo lilin diluang djari sabagai duri landak pao sabagai pao bilalang batih sabagai parnik padi tumiknjo sarupo talua buruang padjalanan sigandjua luluah pado pai suruik nan labiah samuik tapidjak indak mati alu tataruang patah tigo.
Kan lo si Gombang Alam maliek sadjo ka Nilam Tjajo kan io si Nilam Tjajo suduik mato bak mambunuah lo djuo bak pantun urang.
Api api tabang kadusun
Tibo didusun tabang kabanto
Indak mati kanal ratjun
Mati digeleng suduik mato
Ambiaklah limau ateh bukik
Diambiak usah disarajo
Mulo Iman katakilik
Mallek rantjak Nilam Tjajo
