Kan io samaso itu titah parentah Dang Tuanku kapado dubalang djo pagawai manjuruah tjari Gombang Alam sampai dapek tjari djuo kato parentah Rambun Sati parentah kareh maso itu.
Kan io dubalang gagah dibao urang saratuih urang tjukuik djo bareh djo bakalan sarato baliung djo gadubang parambah samak dirimbo dibao suluah tjiek surang sabulan lamo mantjari namun si Gombang tidak basuo.
Kan io Puti Ambun Suri sudah takadia garak Allah disarahkan sadjo pado Tuhan Allah ta‘ala kajo sungguah disalamaikkan djuo tuan kanduang batamu djuo Gombang Alam baitu doa siang malam.
Kan io urang nan banjak injo babaliak pulang tiok liku didjalani tibo dilurah dituruni tibo dibukikalah didaki alah tarang samak dirambah namun si Gombang tidak basuo.
Tjintjin banamo ganto suri
Sasuai sadjo dikalingkiang
Hilang kamano kad tjari
Lautan sadjo bakuliling
Rumah sikola di Antokan
Tampak nan dari Salajo
Disiko kata diantikan
Tasabuik pulo Nilam Tjajo
Birauari si Nilam Tjajo anak kanduang Radjo Sati lo didalam Mandang Kamulan asa Radjo turun ka Radjo asa Puti ka Puti djuo.
Dek buruak untuang badan nagari disarang gara gasi Raksasa gadang nan tibo banjak rakjat babih mati dimakan Raksasa paragasi.
Tingginjo duo batang batuang batih sagadang lumbuang mato gadang tabalalak langkah sekaju kain suaro sarupo guruah dilangik djari sagadang batang
