basalah namuah basumpah djo basapiah lapehkan malah aden dibapak adiak tingga tidak bakawan padja sirah tidak baraka manangih manggaruang pandjang kanai sipak kanai laradjang badarah muko djo kapalo pansan injo si Gombang Alam.
Maliek anak disangko mati dilrik dihelo katapi pasia dibuangkan katapi lauik.
Lah sudah si Gumbang masuak lauik dilarikan ikan kian kumari pulanglah baliak urang ladang,
Kapasa kapakan kinali Mambali bareh limo kati Kaba baraliah hanjo lai lo kapado Rambun Sati
Kaba basallah hanjo lai tasabuik nagari Pantai Ameh radjonjo satahun naiak nobaik Radjo mudo budjang malah baru baumua duo puluah Radjo banamo Rambun Sati
Kan io maso ito dihimpunkan sagalo anak mantari dimintak sagalo nan mudo mudo.
Hari sapagi pagi nantun barimpun sagalo anak mantari Radjo kapai baturu dibao andjiang paburuan langkok djo padang dengan badia.
Kan io Rambun sati diratjak gadjah kabasaran mairiang nan banjak dengan kudo dituruik djalan masuak rimbo dilapehkan andjiang nan banjak.
Sampai hari tangah hari usah kadapek paburuan djadjak sadjo tidak tampak sanan manitah Dang Tuanku elok turun kito dahulu malapeh arak panek badan.
Turun urang nan banjak ba-djalan² masuak samak tibo diateh batu gadang tadanga urang manangih diliek dipandang njato tampak anak sadang manangih hibo rasonjo mandangakan dihampiri padja nantun.
