Adolah pado suatu hari datang nan tidak di sangko2 kan ijo Suran Radjo Budjang lah datang injo samaso itu ijolah adiak kanduang dek Sutan Radjo Ali. Lah tampak injo ditangah galanggang sanan bakato Puti Buagsu : „,Manolah adiak kanduang Puti Tjindai Taberai eloklah adiak basugiro pai malah katangah galanggang alah tibo malan urang nan patuik kok diudji lai samo merah kok ditimbang lai samo barek sonsongkan malah dek adiak djo tjarano bao naik malah ka ateh rumah. Itulah urang nan lai patuik san kadjudunjo adiak kanduang”.
Tipak dek Puti Tjindai Taberai lalu turun ka halaman dihiriangkan dek dajang2 djo panginang sanan badariak tjando tunggak tuo bakadja tjatjek areh paran sanan bagaluik bajang2 diri diansua djuo malah ka tangah galanggang baru tibo injo bakato: „Manolah tuan Suran Radjo Budjang ikolah siriah nan sakapua sarato rokok nan sabatang ka ubek hauih tuan didjalan”.
Lah panek hambo dek babansi
nin babansi rujuang dirimbo,
Lah panek hambo dek manaoti
nan dinanti tak kudjuang tibo.
Sanan mendjawab Sutan Radjo Budjang :
Bialah panek adiak babansi
babansi rujuang nan dirimbo,
Bialah panek adiak mananti
nan dinanti kan lai tibo.
Dek urang Sutan Radjo Budjang lah dikunjah siriah sakapua lalu dihisok rokok nan sabatang sanan
