— 60
ubek bakato sambia manangih hibo bati tidak kapalang dek mantjaliak mamak kanduangnjo kan ijo si Kambang Luari.
Allah Ta'ala kajo sungguah kununlah non samaso itu dilakekkan malah ubek sarato djo panawa dek sangaik mamintak pado Allah balimo dukun mamantokan ubek lorong kapado Kambang Luari lah tabu injo didirinjo lah takana dinan bana sanan dilapeh pandang kiri djo kanan tjaliak djauah dilajangkan tjalik hampia lah ditukiakkan lah tampak dek injo Budjang Salamat sarato dengan Pangulu Nagari sanan bakaro samaso itu: „Manolah bapak Pangulu Nagari sarato dengan Badjang Salamat lapehkanlah ba'a pilanggu nangko denai nan tidak ka malawan".
Sanan batanjo si Budjang Duano: „Manolah mamak nan barantai bari laruih hambo batanjo dimano banakoh dusun djo nagari mamak tarangkan malah djaleh2 buliah njak tantu pulo kami mangiroi".
Mandanga kato nan bak kian alunan dek Kambang Luari ajia mato giriang gamiriang sanan mandjawab sadu sadan „Manolah urang budjang nan baranjo kok njo itu nan ditanjokan dangakan malah elok2 buliah nak hambo tjurai hambo paparkan:
tumbuah mandjelo diudjuang Tandjuang
Taodjoang non tidak baliku lai,
Ameh urai iko dahulunjo
kini mandjadi ameh lantjuang
lantjuang nan tidak laku lai.
baliku djalan rang kaladang
