— 42
manjakiak lihia Pandeka Manan. Dek kuatnjo tangan Dubalang Gagah mantjakiak nantun hampia tabudua mato Pandeka Manan samaso itu tidaklah injo dapek manggarik lai kungkuang lakek santuangpun tibo mangampun Pandeka Manan.
Alah sudah tjakak djo kalahi lalu dibao urang nan barampek nantun pai manghadap radjo ijolah Sutan Radjo Ali: „Manolah tuanku radjo kami ampunlah kami dek tuanku sababnjo mangko sadamikian dek kami Dubalang nan barampek manarimo parentah dari dahulunjo kaknjo lunak kami sudu koknjo kareh kami takiak nan Satantang urang nan barampek nangko kan injo malawan pado kami alah panek dengan lunak tapaso kami mangarehh djapuik tabao dek kami kamari.
Salorong urang nan barampek nangko ikolah urang nan mantjatjuah nan mantjatjau injolah nan mamaliang krumah Puti Bungsu".
Baru mandanga dikato itu sinan bakato Sutan Radjo Ali: ,,Manolah tuan Dubalang nan barampek kini baitu malah dek tuan baolah urang nangko ka Balairung Sari disinan malah kito sidangkan koknjo paruik piutang batarimo kokajo hutang ka dibajia Kini baitu malah dek tuan Budjang Salamat palu malah tabuah nan Laragan himpunkan sagalo anak nagari usua malah Paegulu djo Handiko ijo katampek Balairong Sari".
Dek urang Budjang Salamat lalu diambiak malah rotan sonsong sanan dilatjuik tabuah nan Larangan sembai manjembai tubuah nan banjak tubuah Djuma'at panjudahi. Alah bahimpun urang gadang ketek nan dilurah datang mandaki nan dibukit alah manurun tidak tabado banjak ummat tidak tamuek dinan lapang dinan
