29
disiko adiak denai bunuah".
Mandjawek Puri Bungsu: "Djiko ka tuan bunuah djuo manantilaḥ tuan sakutiko", lalu diluluih galang djo subang sarato djo tjintjin nan didjari dibukak pulo maniak dengan rantai lalu dibungkuih djo saputangan ajia mato badarai djuo. Alah sudah sado nan bak kian basanda injo ka batang kaju lalu bakato maso itu: "Manolah tuan kanduang Kambang Luari lah denai kini denai nan tidak ka malawan buliah nak pai tuan babini nan ka pambajia badan den nangko alah ka sanang bana hati tuan".
Lorong kapado Kambang Luari tidaklah ado nan ditjatuahkannjo awaknjo basigap hanjo lai diambiak malah pisau maso itu lalu ditikamkannjo pisau kalihia Puti Bungsu darah manjambua maso itu ditampuangnjo dengan gantang iambiak malah kain pandjang Puti Bungsu disaoknjo malah bangkai Puti Bungsu. Gadang hatinjo tidak tabado lalu badjalan hanjo lai ijo malah tidak ado manaruah hibo dihatinjo dek lah digaro Sjetan djo Iblis.
Kununlah dek Puti Bungsu nan bak sarupo tjatjiang kanai tokok lah taganang darah samaso itu. Allahu Rabbi nan katahu namun baitu bana lorong kapado Kambang Luari tidaknjo ado malihek kabalakang ba lari2 sadjo maso itu tabuang darah dipatjiknjo djuo dek tjapek awaknjo balari alah tibo dihalaman rumah gadang lalu diratjak kudo hanjo lai dipatju sakali ka nagari Tanjuang Subaliak tidak ado injo malihek kiri kanan.
Dek lamo lambek nan didjalan djauah basarang dakek djuo kok dakek tibolah garan ijo dihalaman rumah Puti Santan Batapih sanan batamu djo Radjo Nangkodoh
