27
diambiak adiak Tjindai Taberai manangih dipaluak adiak ditangisi manangih ma isak2 bapantun bahibo hati:
- Sadjak ka Mungka urang digaduang
- banjaklah silaro nan manggerai,
- Sadjak paningga ajah kanduang
- banjaklah sansaro nan dirasai.
Dilalokkan adiak kadalam buaian sanan bakato Puti Bungsu: „Manolah tuan Kambang Luari toh malah kito pai karimbo elok disanan denai tuan bunuah koknjo disiko denai tuan bunuah kok tau urang kampuang tidaklah ka djadi mukasuik tuan tapi sungguahpun baitu bana mananti djuo malah tuan sakutiko hambo sanduakkan malah nasi untuak adiak kanduang Tjindai Taberai", lalu disanduak malah nasi dibungkuih malah djo sambanjo dilatakkan kadalam kampia dimasuakkan kadalam buaian: „Adiak kanduang laloklah lalok laloklah adiak den buaikan".
Ajia mato ba darai2 nan bak maniak putuih talinjo nan bak intan putuih pangarang lalu mamakai hanjo lai lah lakek kain dengan badju sarato subang dengan galang. Alah sudah basikek djo babadak lalu turun kahalaman dihiriangkan dek Kambang Luari surang pun tidak ado urang nan batanjo dipaluruih sadjo kadalam parak ditjari djalan mamutuih alah tibo dilua kampuang handak mandjalang padang giriang2 lapehlah pulo dari sanan alah tibo ditapi rimbo sinan bakato Puti Bungsu: "Manolah tuan kanduang hambo kok buliah pintak djo pinto usahlah kawin tuan djo Puti Santan Batapih koknjo kawin djuo tuan bialah denai basusah pajah denai tjarikan malah nan kapatuik. nan satolkk sabandingan djo tuan",
