Dek urang Nangkodoh lau dilarikan malah pisau nan tadjam sarato kain putiah nan sahero tidak tabado gadang hati niat bak raso kasampai djuo galak tasanjum maso itu.
Lorong kapado Kambang Luari alah ditarimo pisau djo kain lalu tagak hanjo lai turun sakali kahalaman diratjak malah kudo hanjo lai dipatju sakali maso itu kudo manduo lari kantjang tidak tabado kantjang larinjo banjaklah nagari nan talampau djuah basarang dakek djuo hampia katibo hanjo lai alah tibo dilua kampuang kununlah pikirannjo Kambang Luari maso itu adang2 takana dinan bana namuah carsonjo manggandjua suruik adang2 tibo dajo Iblis: „Namuah tak namuah adiak denai kawinkan djo Nangkodoh Baha bia denai bunuh sampai mati".
Kudo balari djuo maso itu alah ribo garan disanan ijo dihalaman rumah gadang lalu turun dari ateh kudo dipauikkan kudo dibawah kaju kamuniang badjalanlah injo tjando karumah.
Sanan takadjuik Puti Bungsu mantjaliak rupo karenah kakaknjo ijola parangai Kambang Luari ditjaliak adang rupo mukonjo adang2 putjek nan bak kain ganiah dang2 merah nan bak buah sago lalu bakato maso itu: "Manolah tuan kanduang djanjo hambo tuan den Kambang Luari apokoh sababnjo damikian rupo tuan nan bak sarupo dikadja hantu djahek balun lai paranah tuan nan bak nangko apokoh sabab karanonjo tarangkan djuoalah pado denai".
Mandjawab Kambang Luari: „Adiak den Puti Bungsu dangakan malah dek adiak elok2 buliah den tjurai den paparkan nan salorong badan hambo nangko ijo
