Lorong kapado Kambang Luari kapalo bak raso ka rangkah pamandangan alah ba bega2 paruik bak raso ka muntah dek mamakan siriah nan alah badesokan saraco timbakau nan alah baramuan. Alah panjang sana Kambang Luari lalu ditatiang dek Dubalang ba samo2 ka ateh rumah gadang dilatakkan diateh kasua taba, Tidaklah lamo antaronjo lah tahu injo di dirinjo ditjaliak suok djo kida dilapeh pandang, bakuliliang sinan tampak Puti Santan Batapih sadang duduak manjudji djo manarawang Sanan bakato Puti Santan Batapih: Tuan kanduang Kambang Luari malah kito malah ba samo2 alah litak malah tuan agaknjo nasi lah dingin manantikan".
Kununlah dek Kambang Luari alah hilang pikiran nan bana, alah bak sarupo bantiang gadang-dilakekkan kili2 namuah sadjo dikarakkan kaluwannjo namuah djuo dek karano alah tamakan diramuan tidak takana lai kampuang djo halaman tidaknjo tahu dihati hibo pikirannjo kapado Puti Santan Batapih sadjo tiok ditjaliak Puti Santan Bitapih hati batambah mabuak djao ijo bana nan bak pantun urang:
Si ajuah tabang minilantang
hinggok di pulau Indopuro,
Biduak patjah pandajuang bilang
Pulau dihadang djauah djuo.
Dalam ukatu masa itu naiklah radjo Nangkodoh Baha sarato tibo injo bakato: „Manolah tuan kanduang Kambang Luari alah lamo bana tuan hambo nantikan alah babulan galanggang rami alah banjak radjo nan tibo tidaklah ado nan katudju tidaklah saukua djo sapa dan ijolah nan ka djudunjo adiak kanduang hambo nan
