buruak pun tidak sadang elok dipandang mato lalu turun injo kahalaman kudo alah tasadio djo palanonjo di ratjak kudo hanjo lai kudo manduo lari kantjang adang2 mandarap mangguratiah bunji ganto bak batimang pai tigo pulangpun tigo adang2 tadanga tinggi adang2 radanga randah man daju2 paratian lah banjak kampuang nan talampau lah banjak nagari nan tasinggahi djauah basaring dakek djuo hampia karibo hanjo lai ijo diranah Tandjuang, Subaliak,
Alah tibo tjando didalam kampuang taruih sakali ka galanggang biru biru urang nan banjak: „Dari manokoh Sutan nan datang nangko salaruik salamo nangko galanggang rami balun paranah Sutan nangko kamati dimanokoh dusun nagarinjo antah kok tahasuik dari bumi antah kok turun dari langit sariklah Puti ka djodunjo laranglah Sutan ka bandiangnio".
Sadang dek urang nan bamain digalanggang tipak dinan kalah bahibo hati tampan kausai malah galangang sabab, lah tibo urang nan paruik ka djudunjo Puti Santan Batapih mano nan manang alah bagiding buti tapi baru manampak urang nan baru datang nantun lah lupo di kalah manang,
Alah sampai kaba kapado radjo Nangkodoh Baha galak tasanjum samaso itu dilapeh pandang kiri djo kanan pandang dakok ditukiakkan pandang djauah dilajangkan dipandang katangah galanggang alah tampak surang urang diateh kudo sadang dikarumuni dek urang nan banjak satuan bakato Nangkoloh Baha: „Manolah adiak kanduang Santan Barapih alah datang malah Satun nan rantjak ijolah nan kadjudonjo adiak kanduang lonjongkan malah dek adiak ka galanggang baolah sirah
