Aliahnjo kapado Kambang Luari sadangnjo ma ngalai2 dikurisi sadang ba manuang2 maso itu duduak di jangkan rumah gadang tibolah Dubalang mambao surek saputjuak sarato siriah salangkoknjo lalu ditarimo malah surek nantun dek Kambang Luari lalu dibatjo maso itu dari awal sampai akhirojo sadang mambatjo surek nantun siriah dikunjahnjo djua sarinjo alah dilulua sapahnjo dibuangkan ka halaman kaleknjo tingga di rakungan.
Tidaklah lamo antaronjo lah lalu malah ramuan nan badjampi jalah ramuan pitunang djo pakasiah hati nan tidak sanang lai darah alah ba dabok2 pikiran tjewang tak manantu pangana ka halek Puti Santan Batapih saraso tabajang diruang mato talinteh rupo di angan2. Alah dihinok dimanuangkan diukua djo pikiran surang diri makin mamabuak paratian tadorong kasiah ka bakeh Pati Santan Batapih rupo nan alon kalihatan nan batamu sakali balun baitulah konon pakaaiah lakek.
„Koknjo denai tidak pai ka galanggang nantun kok bodoh bana awak djanjo urang awak anak radjo djanjo Urang lagipun Sutan dinagari". Alah lamo duduak bapikia sanan mahimbau injo maso itu : „Manolah adiak kanduang Puti Bungsu mari kamari malah adiak kalua kan malah pakaian denai kini djuo denai nak pai ka Balanggang ijo karanah Tandjuang Subaliak ikolah kulansiang nanlah tibo ikolah panggilan nan lah datang. Koknjo tidak denai pai kito kok diupek urang kamudian tidak doh tatjaliak dunia urang laimoh awak anak radjo2 bukanlah urang kabanjakkan sadjo kito kok dihinokan orang".
