Santan Batapih alah mandanga kato nan bak kian basigap malah hanjo lai lalu disuruah si Kambang nan banjak mahedangkan djamuan djo djuadahnjo langkok sagalo makanannjo.
Lorong kapado Nangkodoh Baha dipabuek malah surek saputjuak ijo kapado Kambang Luari: Tuan kanduang Kambang Luari nan ditanah Duo Baleh Koto nan dikarambia nan atok tungku anai: dek tuanku Radjo Mudo. Ikolah surek nan sapucjuak sarato siriah nan sakapua ka ganti badan diri hambo datang mandjalang kanduang. Adapun mukasuik djo sangadjo ijo handak mandjamu tuan datang karanah Tandjuang Subaliak kan ijo kami mamantjang galanggang ijolah galanggang pantjari djudu nan kadjudunjo adiak kanduang hambo nan banamo Puti Santan Batapih,
Alah banjak Sutan nan datang alah banjak radjo2 nan tibo surangpun tidak nan katudju, Tipak dibadan diri hambo haram talak kok barandjak dari tuan kanduang nan kadjudunjo adiak hambo kok lai untuang baik dikami tidaklah cuan manulak tantangan itu basugiro malah tuan datang.
Salam dan maaf dari hambo
radjo diranah Tandjuang Subaljak,
Nangkodah Baha.
Surek dibao dek Dubalang ijo karanah Duo Baleh Koro diretjak malah kudo taruih dipatju maso itu tidaklah tabado kantjang larinjo.
Rampaklah paga madang laju
tareh lah buah saliguri,
Diasak kaba tantang itu
ka bakeh si Kambang Luari,
