kabasaran radjo2.
Tigo bulan lamonjo tukang bakaradjo lah hasil sado nan paguno lah dilapeh malah surek kahilia djo ka mudiak nan djauah surek dikirimkan nan dakek diusua datang. Galanggang bamulai hanjo lai lah banjak Sutan nan datang alah banjak Djuaro nan tibo sabuang djo djadi sangaik mandjadi taruah batampin timba baliak ameh djo perak alah babungguak urai nan alah ba katjo2 parah tadji bak disukari siriah mandjadi sarok balai gambia mandjadi tanah lijek.
Alah limo bulann galanggang rami lorong kapado Nangkodoh Baha tidaklah ado basanang hati sabab nan dihati alun lai lapeh nan diniat alun lai sampai sanan bakato injo kapado adiak kanduangnjo ijolah Pati Santan Batapih: „Manolah adiak kanduang Santan Batapih siapkan malah sagalo nan paralu aturlah hidangan sålangkoknjo tjukuikkan makanan djo djuadahnjo usahlah adiak katinggalan sjarat hedangkan dilapiak Manggalo agiah batirai bakulambu usah tatjatjek adat kito usah taupek karano baso usah buruak karano karenah adiak.
Kok sanjampangnjo tibo Kambang Luari anak dek radjo Duo Baleh Koto sonsongkan dek adiak djo tjarano surah iriangkan dek dajang2 djo panginang bao naik ka ateh rumah duduakkan awaknjo diateh kasua Manggalo nampakkan dek adiak sajang adiak padjasokan bana elok2 pandai2 malah adiak ba purak2 barikan makanan nan lamak2 lakukan malah ramuan pakasiah tjukuik pitunang santuang pilalainjo. Kok lai untuang pado kito tapupuih malu dikaniang tahapuih arang dimuko".
Mandanga kato kakak kanduangnjo tipak dek Puti
