tidaklah Pangulu lantjang hukum tidaklah Dubalang rabuik rampeh tidaklah ado tando dapek malu ataupun parik nan tarampa ato hanjo ado sabuah nan manjeso dalam hati dangakan malah elok2:
Tidaklah alu sagadang nangko
alu tasanda di pamatang,.
Tidaklah malu sagadang nangko
arang tarjoreng pado kaniang.
Tidaklah malu nan sagadang nangko 'bagulimang Sapanuah muko tidaklah hino sahino nangko hino balungguak dikapalo. Kini baitu malah dek kito baralek malah kito kini nangko kito pantjang malah galanggang ijo galanggang pantjari djudu nan kadjudunjo Adiak kanduang dek hambo nan banamo Puti Santan Batapih. Koknjo lai gadai ka tatabuih malu kok lai ka tatuntuik mak tahu urang nan bahaso turah lai babaru bak tahu urang nan bahaso idjuak lai basaga buliah nak Samo2 tahu dimasin garam mak samo2 manangguang nan bak 'adat satjaro hiduik baleh mambaleh koknjo Sjariat mamandang zhahir koknjo Hakikat mamandangBathin".
Mandanga titah Dan bak kian mufakatlah urang sado nan rapek nantun alah dapek kato semufakat untuak ka mamantjang galanggeng dibagi karadjo maasiang2, satangah paí karimbo pai mantjari kaju satangah pai mantjakau taranak untuak djuadah dihalek djamu.
Dek tjakap tukang bakaradjo alah sudah malah garan gelanggang nanten rantjak nan bukan alang2 baukia ba mego2 nan barirai ba langit2 tunggak bapaluik djo kain kuniang rupo sudah langgam tabao tabaolah
