bak sarupo panah lapeh dari busuanjo.
Dek lamo bakalamoan djauah basarang dakek djuo alah tibo garan disanan ijo dihalaman rumahnjo lalu turun dari ateh kudo sanan bakato Nangkodoh Baha: „Manolah Budjang Djuaro latjuiklah tabuah larangan kumpuakan Basa djo Pangulu sarato Tjadiak Pandai dalam nagari nangko", karo sampai injo naik ka ateh rumah talingo alah njariang2 bak kian pantjaliakan ba rapi2 muko sirah bak buah sago taraso bana hino badan tidaklah lamo antaronjo gumanralah bunji tabuah sahuik manjahuik tabuah nan banjak. ·
Alah bahimpun anak nagari dimuko halaman istano radjo tidak tabado banjaknjo ummat gadang ketek tuo djo mudo laki2 dju parampuan tjukuik Pangulu djo Handiko sarato Imam dengan Chatib dari lurah datang mandaki nan di bukit datang manurun tidak tamuek dinan lapang dinan laduang alah panuah pulo.
Sanan manjambah Manti djalong pandai „Ampun. lah kami dek tuanku djiko digantuang kami tinggi djiko dibuang kami djauah tuanku djuo karugiab kato nan bana kami sambahkan djuo.
Apolab sabab katanonjo mangko tabuah babunji laikoh Pangulu salah hukum ataukoh Dubalang sabuik rampeh dimanokoh parit nan tarampa ataukah musuh nan mahadang laikoh rando dapek malu tuanku terangkan malah pado kami nak tantu kami mangirai buliah nak sanang didalam hati nak sunji didalam kiro2”.
Lalu manitah Nangkodoh Baha: „Manolah sagalo Niniak Mamak sarato Imam dengan Chatib mak sarato Basa dio Pungulu sado nan hadir kini nangko mangkonjo tabuah ka disuruah gua bukanlah ado sado nan bak kian
