angku tadi alah hambo parundiangkan djo adiak hambo nan banamo Puti Bungsu.
Awaknjo mamintak djandji malah dahulu kudian angku babaliak malah kamari kok lai umua, samo pan- djang kok lai untuang djo bagian batamu ruweh djo buku. Namun diwakatu iko kini angku babaliak pulang malah dahulu sabab baitu kato denai nan tahadok didiri adiak kanduang bambo balunlah tangih tabantokkan balun lai kariang ajia mato dek karano ibu djo bapak baru marapulang itulah baru nan di rusuahkannjo".
Mandanga kato Kambang Luari kununlah dek Nang- kodoh Baha mandjawab injo maso itu: „Tuan kanduang Kambang Luari dangakan malah dek tuan denai katokan sadjauah nangko hambo kamari kini tuan mamintak djandji pulo djandji nan tidak ado badjangko katokan malah kasulaiaanjo nak tantu hambo mangiroi:
Kok hudjan hudjankan bana
mak tantu batudang kain,
Kok tidak tidak kan bana
mak tantu mantjari nan lain.
Usah di gantuang2 djuo elok malah ba djaleh2:
Aso tali duo pidjakkan
nak nantu banto denai djalaikan,
Aso lai duo tidakkan
nak tantu hambo mamikiakan.
Eloklah di kana2 bana elok di hudjo2 djo pikiran. pado manjasa kamudian”, lalu marentak Nangkodoh Ba- ha marentak tagak samaso itu.
Takadjuik sanan Puti Bungsu balari injo karuwang tangah baru tibo jajo bakato: „Manolah angku Ning. kodoh Baba ba apo bana kato angku tjako cjubolah
