niat djo sangadjo koknjo lai suko tuan tarimo bali djo pintak kapado tuan ijo nak mandjadi rang sumando dek tuan untuak suami dek Puti Bungsa”.
Sanan mandjawab. Kambang Luari: „Ampunlah hambo dek tuanku salorong dibadan diri hambo surang alah suko bana hambo manarimo tapi samantang pun pulo satudju djo batiajo manantilah tuan sakutiko". Lajo badjalan Kambang Luari manudja ka ruwang tangah taruih sakali tjando ka dapua didapati si Bungsu sadang bamanuang Sanan bakato Kambang Luari: „Manolah adiak kanduang djanjo denai dangakan dek ádiak elok2 alah datang urang pado denai ijo bandak maminang adiak kanduang. Injo nan radjo dinagari Tandjuang Subaliak nan bagala Nangkodoh Baha. Pulang bitjaro pado adiak”.
Mandjawab Puti Bungsu: „Tuan kanduang Kambang Luari salorong tantangan bitjaro nantun pado wakatu iko kini alun lai ado taniat nak basuami. Sabab baito kato denai bapak djo mandeh baru marapolang kiro nan alun mando'a saratuih hati suruikkan dek tuan kanduang elok2 rulak malah dengan parundiangan kudian kok ado umua samo pandjang kok lai untuang djo bagian tarangkan malah elok2 usahnjo salah tarimo”.
Pihak dek Kambang Luari dilihek adiak alah manangih tidak diulang duo kali bakaro lalu badjalan ka awang tangah ka bakeh angku Nangkodoh Baha sahari bakato Kambang Luari : „Manolah: angku Nangkodoh Baha dangakan malah dek angku elok2 usahlah angku salah tarimo nan salorong tantangan parundiangan
