bantah djo kalabi walaupun batuhuak djo baparang". Alah turun tjando kabalaman lalu disarjak malah kudo saikua surang kudo manduo lari kantjang adang2 mangguratiah lambek bunji ganto man daju2 adang2 galoro pandjang adang2 galoro pendek bunji ganto bak batimang pai tigo pulang tigo bilangan sakitu djuo.
Dek lamo lambek didjalan djauah basarang hampia djuo hampia katibo banjo lai banjaklah kampuang nan talampau banjaklah nagari nan tadjalangi. Alah tibo tan disanan ijo diranah Duo Baleh. Koto ribo dihalaman rumah Puti Bangsu lalu naik sakali ka ateh rumah Sanan takadjuik si Kambang Luari tatjameh raso paratian lalu bakato maso itu: „Manolah angku Nangkodoh. Baha nan salaruik salamo nangko alun paranah angku kamari apolah garan mukasuik djo sangodjo katokan malah pado denai".
Mandjawab Nangkodoh Baha; Tuan den Kambang Luari ikolah siriah nan sakapua ikolah timbakau nan saguluang makanlah siriah nangko sarato mahisok rokok nan sabatang tak tantu pulo kito barundiang".
Dek urang Kambang Luari alah dibao duduak Nangkodoh Baba djo diateh kasua Manggalo dudaklah injo ba samo2 lah sudah marokok makan siriah rundingan bamulai banjo lai. Sadang dek Nangkodoh Baba basanda injo kabanta gadang sanan kakato maso itu Manolah tuan Kambang Luari kini baitu malah dek tuan salorong tantangan mukasujk djo sangadjo datang kamari nangko mak hambo katokan malah.
Dangakan malah elok2 nak djan tuan silah tarimo tantangan niat dalam hati kok siang mandjadi angan2 kok, malam mandjadi buah mimpi salorong tantangan
