Page:Joseph Kinable - Les crostillons, 1889.djvu/61

From Wikisource
Jump to navigation Jump to search
This page has been proofread.

(55)

Atote.

C’est chal à Lige è nos prôpe veie,
A sainte… chose s’i fâ qu’ji v’s’el deie,
Qui l’curé s’mettant à préchî
D’héve qui c’ess t’on bin grand pèchî
D’aller jower tot l’long d’ine size
E câbaret wiss qu’on prind s’gize.
Piére Casfoute et Hinri Sâmon
Pinset qu’por zell on fait l’siermon.
Is n’è houtet nin mons l’priesse
Qui brait qui n’kinohe rin d’pus biesse
Qui d’jower âx kwarjeu tofér.
Is vont, diss-t-i, sur è nn’infer
Les cix qu’on ôt braire tot è rote :
Atote ! atote !! atote !!! atote !!!!
Piére dit : — si ti n’côpe nin, Hinri,
L’curé va fer dobe, louque à ti.