Page:Jean Bury - Joyeux rèspleus, 1899.djvu/32

From Wikisource
Jump to navigation Jump to search
This page has been validated.

— 30 —

3

I r’trouve tote li manôye di s’pèce
Ca, grâce à mi, n’li mâque di rin.
Si m’vèye n’est rin d’aute qu’ine carrèsse
Dè mèyeu di m’cour ji li rind.
Comme deux colons d’vins n’colèbîre,
On n’qwire mâye à qwitter l’happâ
Sins qu’on seuye èssonle, et j’pous dîre
Qu’onk sins l’aute on n’est bin nôle pâ.

4

I n’a portant n’saquoè qu’nos mâque,
Ji broûle des chandèlles à hopai
Po qui l’grand saint faisse si mirâque
Et qu’nos avôye on p’tit cârpai.
Nos n’avans nin co d’ses novelles
Mâgré qu’nos geairanse foèrt après,
Min ji broul’rè tant des chandèlles
Qui l’binamé saint m’l’accoèdrè.