Page:Jean Bury - Joyeux rèspleus, 1899.djvu/21

From Wikisource
Jump to navigation Jump to search
This page has been validated.

— 19 —

Qwand on m’divreut traitî d’sottai,
Ji furlangreûs : j’âreus des pèces !
Avâ l’aiwe j’âreus des batais…
On jâs’reus sûr di mi timpèce.
Ax pauves co jamâye ji n’donreus,
C’est tos ingrâtes ! et, diale mi s’tiche,
So deux treus ans ji m’riwin’reus
Si J’èsteus riche !

INE HOMME TOT OUTE

— Ji n’comprinds nin, d’héve Gilles Maquêye,
Qu’ine homme si pauye lèyî maistri
Et qui c’feume è l’vinse riqwèri
A l’taviènne wisse qu’i beut n’roquêye.
Mi, ji spèyreus les paroquets,
Ca c’est mi qu’est maisse è m’mohonne.
— Taise-tu, va, respond J’han Loket,
Toè, ti rotte comme li mèstré sonne,
Et l’mèstré, c’est t’feume, ase oyou ?
— Mèye tonnes di bîre, ci n’est nin vrêye,
ji n’a mâye situ panaicou.
Min v’là qu’on brait : « Jan don, saulêye,
Rivinrez-ve houye, mâssî pèkteu !
Vinez, vos dans’rez l’carmagnole.
Vos mèl pây’rez, laid mâhonteu,
Divant d’aller d’vins vosse bagnole ! »
Et l’homme qui jowéve li sûti
Et féve dè l’morâle à tot l’monde,
Foû dè l’taviènne rat’mint s’ènonde,
Et d’vant s’feume ènnè r’va tot p’tit !