Page:Jean Bury - Joyeux rèspleus, 1899.djvu/20

From Wikisource
Jump to navigation Jump to search
This page has been proofread.

–– 18 —

SI J’ESTEUS RICHE

MONOLOGUE

Po nagnî n’souwêye crosse di pan,

Ji m’crèvinte et ji m’towe à m’visse

Qwand c’est qu’ji m’veus n’pêce di 5 francs,

Di totes mes k’noyes ji sos roûvice.

Ji beus n’houlèye gotte di pèket,

Ji m’ragostêye d’ine porchon d’friche…

Ah ! ji m’pây’reus des bons boquets

Si j’èsteus riche.

On n’mi noum’reut pus crîve di faim ;

Ji sâreus bin Fer danser m’poche :

J’âreus n’dimèye câve di bon vin ;

J’ènn’ireus mâye pus qu’è caroche.

I n’àreut nouk pus awoureux,

Ji sèreus calé, ji freus l’friche.

Ah ! ji sèreus st-ine homme d’adreut

Si J’èsteus riche.

J’âreus n’mohonne comme on palâs,

J’âreus des vârlets d’totes les cognes,

J’âreus des chins, j’âreus des ch’vâx,

Des cannes, des âwes et des chigognes,

J’âreus des oûhais, des colons ;

Ji freus des millions d’mirlifliche ;

«Ah ! je n’jaspin’rais plus l’wallon »

Si j’esteus riche.

Ji marèy’reus n’feume riche ossu,

Laide di coèps èt belle di toèlettes,

Min ji n’sèreus nin co là-d’sus :

J’âreus des crapaudes è cachette.

Ji n’ravis’reus pus on haring,

Enn’on pan ji r’trouvreus mes miches.

Ah ! ji n’réscoul’reus pns po rin

Si j’esteus riche.