Page:Jean Bury - Joyeux rèspleus, 1899.djvu/16

From Wikisource
Jump to navigation Jump to search
This page has been proofread.

— 14 —

Pauve Kimére

AIR : Sous l’amandier ou Es meus de fleurs

1

Ine sîse d’hiviér, divins n’cwahante frudeure,

Ine pauve bâcelle ploréve à l’coène d’on boès.

Sins s’apparçur qu’elle lèyîve gotter l’heure,

Li moért è l’âme, elle dihéve d’ine flâwe voèx :

L’amour trompàve a gâté m’destinêye

Et Dièw m’a r’prit l’èfant qu’èn èsteut l’frut.

Ji n’rigrette nin li calin qu’m’aband’nêye :

Ji pleure l’èfant (Bis)

Ji n’rigrette nin li calin qu’m’aband’nêye,

Ji pleure l’ètant, rindez-m’èl don, mon Diu !

2

L’amadonleu qui m’aveut juré s’véye

Et fait l’sièrmint di m’kidûre à l’âté

M’a lèyî là po sûre ine aute jône fèye,

Pasqu’elle aveut bin l’tour di s’gây’loter.

Tote seule èco ji m’ritrovéve so l’térre,

Avou l’pauve ange qui ji d’véve piède ossu.

Li cour, moudri sins comprinde ci mystére,

Ji pleure l’èfant (bis)

Li cour moudri, sins comprinde ci mystère,

Ji pleure l’èfant, rindez-m’èl don, mon Diu !