Page:Jean Bury - Joyeux rèspleus, 1899.djvu/14

From Wikisource
Jump to navigation Jump to search
This page has been validated.

— 12 —

BIN V’LA ST-ON RÂRE ÈDON SURMINT

Monologue comique dè répertoére Veders

(Louquant d’vès l’coulisse)

1

Cours à Ghèle, valet, lais-me è pâye,
Bin, diale mi strône, t’as dè toupet !
Louquîz don l’laid houpieu pîmâye’
Tinte croufieu, t’ârè l’air pus spet !
(A public)
Ni vint-i nin blaguer m’laide tiesse,
Mes oûyes, mi vinte, mes pîds, mes mains,
Lu qu’a mon l’cogne d’ine gins qu’d’ine biesse !
Bin v’là st-on râre èdon surmint !

2

J’âreus bin toért di m’fer dè l’bîle,
Et d’rèsponde à ses boègnes râv’lais.
Pa, vos l’kinohez, c’est l’sot Gilles,
On n’a mâye pondou nou si laid.
Il a n’narenne pus grosse qu’on pogne
Et n’geaive co pus grêye qu’on fiérmint.
N’a t-i nin l’front d’dîre qui j’fais sogne !
Bin v’la st-on râre èdon surmint !