Page:Józef Gara - Zbiór wierszy o wilamowskich obrzędach i obyczajach.pdf/74

From Wikisource
Jump to navigation Jump to search
This page has not been proofread.
UFA FRAJMAON HIÖRA


MÖNDA SIAJN
ES KOM A ŚWAJN
RUMPUŁN UNDYN HYTA
YCH GYDÖCHT
YCH GYDÖCHT
DO MAJ FRAJMAON KYMT GYRYTA

HAOR EJ WAJT
A ŁAONGY CAJT
HAOR EJ YN KRIG GYRYTA
YCH HIÖR UF EJN
YCH HIÖR UF EJN
YCH WYŁA CY MIR BYTA

A KYMT CY MIR
DOS WYSA WIR
YCH WYŁA FEST ŁIWA
DOS FRAOJT MICH ZIR
DOS FRAOJT MICH ZIR
HAOR WYŁ MYT MIR ŁAOWA

DER FRAJMAON KOM
NYMER YN HAOM
HAOR EJ YM KRIG GYFOŁŁA
YCH BEJ TRAOJRIK
YCH BEJ TRAOJRIK
Y DY HAOM MYT OŁA