Herodes, naburung yaya tac cunné na gapa tat taga Jerusalem ira ngamin. 4 Ay tap pamattattadde na ngamin tac cattannangan ira nas sacerdotes tuangué tam mappacautó ira ta ili, iniabú na nira nu sitao tamna nga lugar ic queyanatan ni Cristo. 5 Ay tu quinagui ra sa tab Bet-lehem na Judea; ta cunnao in neturá nap profeta:
6 Ay sicao Betlehem, tad dabbun na Juda,
Ari tu sicao bulabuga ic cabadditan nap principes ira ta Juda;
Ta sicao il lattuaran noca nat tadde urayan.
Nga yaya noca im manaron annam mamacan ta ili na Israel.
7 Inagalan lagud ni Herodes tas sininagu im massirib ira nga tolay, ay inipaquiabú na nira nu anni ic cacurugan nat tiempo nga inilallattuag nab bitun. 8 Ay jjinob na ira tab Betlehem, ay tu quinagui na: ¡Ume camu, ay dumugannu tam mapia ngamin ig gannugannug nga meyannung turi nga abbing; ay noca nu quesimmuan nu yaya, ipammu nu niacan tapenu umayá gapa nga maddayorayosa! 9 Ay ira lagu, tac cabalidda nga nagguinna tac quinagui nap patal, nano ira, ay yuri ib bitun nga nasingadda tap pané tal lalassangan, yaya nira in nanguituggub ta addé tal labbé na nga naguimmang tal lugar nga neuligan na abbing. 10 Ay tap pacasingadda tab bitun, nagayaya ira tan naperulay nga pagayayá. 11 Ay simillung ira tal lagum nab balay ay nassimmuadda y abbing tuangué tac canena na nga si María; nac cummag ira nga namalittucag, ay naddayorayo ira sa ay tap pamucá ra turi ira tam mapimapia nga inilabbé ra, nanguitabbung ira sa ta ammacacua, bulanan, incensu annam mirra. 12 Ay gafu tan nepanguitaddan nad Dios nira tat tataguenó tu ari ira ngana nga manoli cani Herodes, nanoli ira tad dabbudda ay tu ya nga ilacag da it tanacuan nga dalan.
13 Ay tan nira ngana nga nanao, nappasingan nga naquittataguenó tac cani José it tadday nga angel, ay cunna sa nga hacca gui: ¡Mangucca, apammu y abbing tuangué canena na, ay mattammang ca nga ume ta Egipto, ay maddiac ca turi ta adde tap paccaguí nicao; tanu si Herodes aleran na noca y abbing tapenu darakanna! 14 Nangun lagu yaya, iná na y abbing tuangué eanena na tag gabi, ay mine ta Egipto; 15 ay nagguian yaya turi ta adde tap pate ni Herodes; tapenu maparuló ic quinagui nay Yafu tas simú nap profeta, nga cunna:
