ataua ni Maria nga neyanatan ni Jesus nga mangagat tu Cristo.
17 Tac cnnud lagud, ngamin igguinaguinafuan mamegafu tac cani Abraham addé cani David ay mabbilang tu caraappá tag guinafuan; ay mamegafu cani David addé tac queyanguera tab Babilonia mabbilang tu caraappá nga guinafuan; ay mamegafu tac queyanguera tab Babilonia ta addé tac cani Cristo, mabbilang tu caraappá nga guinafuan.
18 Nguem in nequeyani ni Jesu Cristo ay cunnoye; Tan nepaquiquemí ni Maria nga yana na tac caui José, tan naguera nga nattadday, nesimmu tu nabussí si Maria tam megafu ta Espiritu Santo. 19 Si José lagu nga ataua na, tam megafu tac quenunung na nga tolay, anna arianna icayá tu mari ip pasirauna tam mata nganin nat tolay, inigagangue na nga igunge yaya tal laminang. 20 Nguem turi tap paddaggun na nga mannononó tac cunnao, egga nga nappasingassa it tadday nga angel nay Yafu, nga naquittataguenó, tu cunna sa nga naccagui: José, aná ni David, arica nga maganassing nga mangalauá tac cani Maria nga atauam; tanu y egga sa nga nebussi ay ya negafuan na y Espiritu Santo. 21 ay tu ilussag na noca it tadday nga ana nga lalaqui; ay ngaganammu noca tu Jesus; ta yaya noca im mamaliag ta ili na tac catagaruliadda. 22 Ay ngamin danao nesimmu tapenu maparuló ic quinagui nay Yafu tas simú nap profeta, tu cunna nga naccagui:
23 ¡Amámmatan nu, tu ittadde virgen mabussí noca,
ay ilussag na noca it tadde aná nga lalaqui!
Ay mangagan noca tu Emmanuel;
nga quebalinananna nu mabalittag: egga nittam id Dios.
24 Ay taccalucag ngana ni José tac caturug na, quingngua na y inirob sa na angel nay Yafu, ay iná na sa si ataua na; 25 anna arianna nga inammu yaya ta addó panguilussag na tat tadde aná nga lalaqui; ay iniponna tang ngagan na y Jesus.
2 Ta iniqueyaná ni Jesus tab Betlehem na Judea, tac catiempo ni Herodes nga patul, egga im masirib ira nga tobuy nga naggafu tal lugalugar ira tap pané tal lalassangan ay mappangué ira ta Jerusalem, ay tu quinaguira : 2 ¿Sitao ig guian nuri nan neyanú nga patul na Judiu ira? ta nasingammi ib bitun na tap pané tal lalassangan, ay mine cami tao nga maddayoruyosa. 3Tap pagguinna tac cunnao nap patul nga si
