87
not á mapan idlay langit babaen ti linteg. Casta met á kinuncunac canlac met laeng: No maysa á tao adda utangna á limagasut à pisos iti maysa á tiendaan, ket ituloyna ti agala iti abel; uray bayadanna dagitoy nga abel á maududi nga alaenna saan á gaput' itoy nabayadanen daydi sigud nga utangna; no di ket agparang met laeng daytoy á sibibiag iti libro, ket ti nacapautang mabalinna á yasug wenno idarum ti nacautang ken paipupoc iti pagbaludan aginggat' macabayad.
CRISTIANO: Ket casano ti pananzibilangmo á maipaay kenca met laen daytoy?
NAMNAMA: Kinuncunac caniac met laeng. Ti utangco iti Apo isut' dackel unayen; utang nga diacto mabayadan babaen ti panagbalbaliw dagiti cababalinco. Isut' gapuna a rebbengco á damagen itoy agdama á casasaad ti panagbalbaliwco. Ania ti aramidec tapno mawayawayaanac iti peggad ti pannacadusac á gapu cadagiti napalabas á basbaşolco?
CRISTIANO: Nasayaat unay! ngem ituloymo.
NAMNAMA: Sabalipay á bánag ti nacalucsawac unay nanipud idi inrugic ti panagbalbaliwco! á no sukimatec á nalaing ti aramidec, masaracac nga uray pay iti casayaatan adda basol, basol á baro á maitipon cadagiti nasaysayaat á gapuanac; Ket isut' gapuna á panunotec nga uray casano ti panagtungpalco cadagiti rebbengec ken ti panagbalbaliwco, nacaaramidac iti maysa nga aldaw ti umdas á basol á pacaitappoacac sadi infierno, nga uray ti panagbiagco á maududi nadalus nga awan pagcuranganna.
CRISTIANO: Ket ania ti inararamidmo no mangrugi ti casta á panpanunotmo?
NAMNAMA: Agsipud ta diac ammo tl aramidco, napnapanac ken Managtungpal isu nga amammoec unay; ket isu ti nagsao caniac á no diac magun-odan ti pannacajustificarco iti maysa nga uray caanoman saan á nagbasol, awan ti aniaman á pannacajustificar ditoy, lubong á macabalin á mangisalacan cauiac.
CRISTIANO: Ket ipagarupmo á pudno ti saona?
NAMNAMA: No imbaganą coma caniac daytoy idi á mapnecac pay ken agtaltalecac iti bucodco á panagbalbaliw, sinungbatac coma nga isut' maysa á maag. Ngem nanipud idi ammocon ti bucodco á kinacapuy ken dagiti masaysayaat á gapuna á dida met maliclican ti basol, maipapilit nga umanamongac iti impalawagna.
CRISTIANO: Ngem idi damo nga insaritana kenca daytoy, impagarupmo nga adda masaracau á tao á mabalin á cunaen á saan á nagbasol uray caanoman?
NAMNAMA: Diac mabalin á di ipudno á dagiti sao á nangegac pinagsiddaawdac; ngem calpasan ti pannakidennac kencuana ken paunakisarsaritac bassit, napnecanac á nalaing. CRISTIANO: Dinamagmo no siasino dayta á tao, ken no casano ti pannacajustificarmo gapu kencuana?
NAMNAMA: Wen, ket kinunana nga isu nl Apo Jesus nga adda iti macanawan ti Cangatoan. Heb. 10: 12, 21; Roma 4: 5; Col. 1: 14; I Pedro 1: 19. "Gaput' iti daydiay nga Apo," kinuna ni Managtungpal, "rebbengmo ti majustificar, nga agtalecca iti daydi inaramidna idi sibibiag pay ditoy lubong, á naglasag iti agrupsa, ken daydi panagsagabana idi adda á nailansa iti cruz." Casta met á dinamagco no casano á napateg unay ti aramid daydiay á tao á mangjustificar iti, sabali á tao iti sangoanan ni Apo Dios. Ket isu simmungbat á daydi Isu ti Dios á mannacabalin, ket ti ina-
