85
NAMNAMA: Maricnac ti pannacaturturogco á ngangani malappedan dagiti matac tiga agkidem. Saanta aya á mabalin ti agidda ditoy ken maturog it! bassit á canito?
CRISTIANO: Saan, ta amangan la ketdi no ditanto macariingen.
NAMNAMA: Apayapay, cabsat? Ti turog isut' nasam-it iti mabaubannogan: ket didanto aya macainana no maturogtat blit?
CRISTIANO: Dica aya malagip á maysa cadagiti Pastores imbilinna cadatá nga aluadanta ti dagá nga Encantada? Iti daytoy cayatna á saoen idi nga data saanta á matmaturog. Saanta ngarud nga agtuglep á cas cadagiti dadduma; no di ket agpuyatta ken managparbengta coma. 2 Tes. 5: 6:
NAMNAMA: Mabigbigco á siac bimmiddutac, ket no sisiac la ngata coma ditoy á lugar, nacaturogac coma ket nagpeggadac ken patay. Ita maimatangac á pudno ti sao ti masirib. "Naimimbag ti dua nga ageuyog ngem ti agwaywayas. Ecles. 4: 9. Ti caaddam á cacuyogco cancanayon á nagimbagac aginggat' ditoy, ket gaput' itoy nga aramidmo awatemto ti maysa á naimbag á gunguna,
CRISTIANO: Tapno saanta nga agtuglep ditoy á lugar agsaritata ngarud iti macaayayo á bánag.
NAMNAMA: Siayatac unay.
CRISTIANO: Ania ti pangirugiananta?
NAMNAMA: Irugita iti nangrugianan ti Apo cadata. Ngem sica ti mangrugi no cayatmo.
CRISTIANO: Ipalubosmo nga agsaludsudac kenca: Ania ti nacapanunotam idi damo á mangaramid iti araramidem ita?
NAMNAMA: Cayatmo á damagen no ania ti panunotco idi damo nialpanggep iti paglaingan ti cararuac?
CRISTIANO: Wen. NAMNAMA: Iti adu á tiempo ginargartemac dagiti bánag á mabuybuya ken mallaclaco idiay Feria, banbáuag á no ituloyco coma ida á naggarteman awan duadua á napucawac coma iti yuyeng ken sipnget.
CRISTIANO: Nga anlada dagita?
NAMNAMA: Amin dagiti gameng ken kinaubbaw ti lubong; siac cayatco unay idi ti panagbartecan, ti panagsapata, panagtiri, kinaagum, di panagngilin iti aldaw ti Apo, ken dadduma pay á kita á pagtandan ti pannacadadael ti cararua. Ngem camaudiananna, idi á pinanpanunotco dagiti bánag á nadiosan á nangegco iti bibigmo ken Iti ngiwat ni ayayatenta á Managtungpal isu á nayawat ken patay idlay Feria Kinaubbaw á gapu iti pammatina ken iti nadalus á panagbiagna, nasaracac á ti tungpal dagidi bánag nga impatpategco unay idi saanacpay á nagbalin nga Agpagpagna isnt' patay, gapu çadacuada umay ti pungtot ti Dios cadagiti annac ti kinasukir. Rom. 6: 21-23; Ef. 5: 6.
CRISTIANO: Ket calpasanna napagbalbaliwca met laeng?
NAMNAMA: Saan, ta agsipud iti diac cayat idi á bigbigen ti kinadakes ti basol, ken ti met dusa á mayanatup kencuana, idi nga umay caniac ti pannacaparmec gapa iti pannacaaramat ti Sao ti Dios, nagaramidac ti isusupring ken rinicpac dagiti matac iti silawna.
CRISTIANO: Ta ania ti gapuna nga idi damo saanmo nga incabcabilangan ti panangawis wenno panangtignay tl Espiritu Santo?
NAMNAMA: Nadumaduma á gapu: Umuna-Siac. diac idi ammo á ti ricnac isut' panangtignay ti Apo; ket uray caanoman saan á dimten caniac
