Ket agsipud ta isu napigpigsa ñgem isuda ken pagaammoda á naglabsiñgda, dida ammo idi ti sasaoenda, ket naipapilit á timmulocda. Iti casta pinapagnana ida ti masañgoananna, ket impupocna ida iti maysa á pagbaludan ñga nasipñget, Isu á nagbatianda manipud agsapa ti Miercoles agiñggat' rabil ti Sabado ñga dida nañgan ti uray sa`geakittab á tinapay, dida met imminum ti uray sañgcaalimon á danum, awan ti silawda ket awan met ti napan cadacuada á kimmita no ania ti casasaadda. Nacalcaldaañgda unay ditoy pagbaludan, ket dagiti gagayyemda addada iti adayu ken casta met cadagiti amammoenda; ñgem ni Cristiano casla naipanpanuroc ti sinagabana á tuoc ken liday á gaput' ta isu ti nacagapuanan daydi á casasaadda.
Ni Gigante Awan-namnama adda idi asawana á ti naganna Awan-talec, ket impacaammona ti naaramid, ñga isu imbaludna ti dua á tao isuda á simrec iti casacupanda; ket sana met dinamag kencuana no ania ngata ti naim-imbag ñga aramidenna aramidenna cadacuada, calpasan ti panagsaritana siasino dagidi á tattao, no sadino ti naggapuanda ken no sadino met ti papananda. Dayd asawana, ta babbal á dakes unay ti panagpuspusona, imbalacadna á no bumañgon iti cabigatanna isudat' malmaloenna nga awan asi.
Gaput' itoy, daydi Gigante nañgala ti dackel ken nalagda unay á pañgor, sa immulog á napan it! pagpupucan ket nagsasaoanna ida cadagiti agcacarugit á sarita ken minalmalona ida á cas aso, ñga uray awan met ti sao dagidi nacacaasi á tattao ñga maibusot kencuana.
Idi nalpas daytoy, pinanawanna ida ñga agsangsangit ken ayayayenda ti casasadda ken linadiñgitanda ti dakes á gasatda, ket castoy ti inaramidda iti nagmalem ti daydi ñga aldaw á silllidayda unay.
Ñgem ni Awan-talec idi nadamagna iti rabii á dagitoy ñga tattao sibiblagda pay laeñg, imbalacadna ken asawana ñga papatayenna coma ida. Gaput' itoy, ni Gigante napan idiay pagbaludan iti agsapa unay ket naimatanganna á nadunorda iti adu nga gapu iti daydi panañgmalmalona cadactada; ngem di man la simnec ti asina, no di ket imbagana cadacuada, ñga yantangay saanen á mabalin ñga rumuarda idlay á pagbaludan, ti nasayaat ñga aramidenda patayenda laeñgen ti bagbagída met laeñg ñga aramatenda ti immoco, talí weuno sabidong, tapno iti casta saandan ñga agblag iti casdi á pannacaparigat. Isuda dinawatda á no mabalin palubosanna la idan á rummuar; ñgem isu kinitana ida iti natadem ñga ipeperreng, ket sana manen kinabcabil ida á nagistayna idan pinucaw. Calpasanna nagawid iti balayna, ket imbatina ida tapno panunotenda ken aramidenda ti cayatda ñga aramiden maipapan iti imbalacadna cadacuada.
Idin rinuglanda á pinanunot ti rebbeñgda ñga aramiden, no surotenda ti balacad ni Gigante wenno saan, ket castoy ti inda panagsarsarita:
CRISTIANO: Ania ti rebbengta nga aramiden, cabsatco? Ti blagta Ita nacalcaldaang, ket no siac á maysa diac ammo á saoen no nasaysayaat. ti agbiag iti castoy á casasaadta, wenno matayta laengen á maminpinsan. "Ti cararuac pilienna ti pannacabitay ngem ti biag, ket ti tanem nasaysayaat á lugar caniac ngem ti pagbaludan." Job. 5: 15. Paiturayanta aya iti daytoy á Gigante?
NAMNAMA: Awan duadua á nacalcaldaang unay daytoy agdama á casasaadta, ket siac caycayatco met ti matay ñgem ti agbiag/á cástoy iti cancanayou; ñgem lagipenta coma á ti Apo ti daydiay dagá á papanänta kinunana, "Dicanto mamapatay, saan aya ngarud á nacarcaro tl pan-
